ZEKHARIAH 1:19 - Cho Bible Common Language 2016

¹⁹ Kei awn kani ng’thu ciah khanchang cu, “Shin ah seiki gui cu a i gui ang?” cine ka ng’shi ci. Ani naw, “Cän gui cu Juda, Israel, Jerusalem ung chang gui püi pawng sak gui ciah huham ah kyak ci nei” cik ci.

ZEKHARIAH 1:19 Referans Kwoze

ZEKHARIAH 8:14

Hlüngtai ciah Bawipa naw, “Nami pupa gui naw ami na m’lungshe sak yah ung, ngami ah hmawk ah leigai ka pawng püi ci, ka m’lung kä ng’thawng ci, ka pawng püi gui cu ka law püi ci.

ZEKHARIAH 2:2

Kei naw, “A hawi na hteit khai?” cine ka ng’shik ci. Ani naw, “Jerusalem cu a yun a i güt, akdang a i güt, a law ah hmuh vai ah ka nüt khai” cik ci.

ZEKHARIAH 1:21

Kei naw, “Shin ah chang gui a i bik khai gui ah lawk ci gui ang?” cine ka ng’shik ci. Ani naw, “Ngami cu Judah khaw m’shiu ne, chang gui püi pawng sak gui ciah pakhui gui cu, tuh ne k’täm gui khai gui ah lawk ci gui nei” cik ci.

ZEKHARIAH 1:9

Kei naw, “Saya aw, shin ah ng’se gui cu a i gui ang?” cine ka ng’shik ci. Ani naw, “A i ah ami kyak cu kei naw ka ning m’hnuh khai nei,

EZRA 4:4

Cun kawn ah acun ah khaw ung ana om ciah chang gui naw Jew chang gui cu ami tha ken sei kyih u ne, kä ami cawh kyan ba vai ah bik ci gui.

EZRA 4:1

Judah la Benjamin chang gui ah ami ga gui naw Omktu khaw ah ka law ba ci gui naw Israel Khanpughi Bawipa ah Taigüim co law ba ci gui cicu ng’yak ci gui.

EZRA 4:7

Persia ghangpughang Artaxerxes ah uk sangung phi, Bishlam, mithredoth, talbeela la ngami thawi gui ci gui naw ghangpughang am ca gu ne pek ci gui. Ca cu Aramaik ca awn guk ah kyasei, k’phlan ne phat vai kyak ci.

HABAKKUK 3:14

Na m’la naw gabawi cu kaang ci nei, na k’phyitpai gui khai ah khokhi nu ah mäih ah a law yah ung. Dukhaih ci gui shedam nak ciah mäih ah teng m’shuk ci nei.

AMOS 6:13

Nangmi naw Lodebar gawnu näng neta nami längtang ci. “Karnaim gawnu khäm vai ah kami khüighat ci nei,” cine nami khäh ghah ci.

DANIEL 12:7

Khanchang naw khankho mik ah akut goi han shäng neta, angtäi ghing ciah Khanpughi ah ma ah küikyang ciah shaitak nak bik ci. Ani naw a pyen ka ng’yak cu, “Cun cu khokum thum la avang shou khai nei. Khanpughi ah chang gui ami dukdeiu nak ang pyi law ung shin gui avan cu kya yawp khai nei.

EZRA 5:3

Acun vai am Euphratis akhei täng uktu Tattenai, Shethar Boyenai la ami paw bawi gui naw Jerusalem ah law u neta ami k’thäh cu shin ah Taigüim co ne m’khüüp vai ah a u naw ang thumkhän aning pek gui?

1 GHANGPUGHANG GUI 22:11

Ngami ungka tumat, Chenaanah ah hta Zedekiah naw m’si puuk pyang neta Ahab cu pyen nak ci, “Shin cu Bawipa pyen nei; “Shin awn nang naw Sirian gui na tuk ah a kyak ung na hnim gui yawp khai nei.”

SAM 75:4

Changshe gui kä ami m’gha m’ce vai ah ka pyen khai;

SAM 75:5

chang ah kä ami ng’shei ba vai ah ka m’thein gui khai,” cik ci.

JEREMIAH 48:25

Moab ah m’gäi nak cu ami den pyi nei; ani ah huham cu ami m’di pyi nei. Kei, Bawipa naw ka pyen nei.”

DANIEL 7:16

Cun ung ng’düi ci gui ungka tumat ah hteit ne, cun ah mawng avan ana m’thein vai ah ka thäh ci. Cun ah kyasei ani naw cun ah mawng cu na m’thein ci.

ZEKHARIAH 1:18

Cun kawn ah kei naw ka ng’mang ung seiki phli cu ka hmu ba ci.