ZEKHARIAH 1:16 - Cho Bible Common Language 2016

¹⁶ Cun ah kyasei ka m’gein nak ka m’dang khai ah Jerusalem mang gaw ah ka lawk ci nei. Ka Taigüim cu m’thawh ba vai, ka mang gaw phi cawh ba vai nei.”

ZEKHARIAH 1:16 Referans Kwoze

ZEKHARIAH 8:3

Kei cu theing ciah ka mang gaw Jerusalem ah ka hteit ba khai, a cu ah ka om khai nei. Cun ah mang gaw cu bekhüt ciah mang gaw ah hmat khai gui, hlüngtai ciah Bawipa ah khawgui gui cu, theingthap ciah khawgui ah khü khai gui nei.

ZEKHARIAH 4:9

“Zerubbabela naw Taigüim lung k’tung cu ng’ling ci nei. Cun ah im cu ani naw m’üp ne co khai nei. Shin gui a kyak awn ah ka chang gui naw hmat khai gui, ngami ah om nak ah ning tüi gui cicu kei ah kyak ci.

EZEKIEL 47:3

Cun ah chang naw anüt nak ah htung awn, tui lawng aka täng ah ka naw ak kyang täng ah metre phia hma ah nüt neta, tui hei kat ne ka hteh vai ah na m’thein ci. Tui naw a khikhe bäng na han pha ci.

EZEKIEL 40:3

Ani naw na ng’et sak khäta, kyei ah mäih ah pyi ciah chang tumat cu ka hmuk ci. Ani cu nüt nak vai ah linen gui la nüt nak ah htung cu kawt ne, m’kawt ung ng’düi ci.

JOB 38:5

A i hlawk ah ng’shawng ci cicu a u naw k’bäi ne ang? Cun nüt nak cu a u naw kya ne ang? Shin gui avan m’shan nak cu na hmat ne ang?

HAKKAI 1:14

Chang avan naw Taigüim ami bi vai ah Bawipa aw chäng gui ci. Zerubabel, Judah uktu bawi, Joshua taigütung la ami k’täm nak ah kaa law ba ci gui ami van ah kyak ci. Ngami naw ami Khanpughi, Hlüngtai ciah Bawipa ah Taigüim cu tün ne bik ci gui.

EZEKIEL 48:35

Mang gaw ah akit phli ah paang avan ah ng’dawn ang ng’shäi cu, metre phia kaw-kip lawk ci. Tuhbäi ungka naw ngawi yä mang gaw ah ming cu, “Shin ung Bawipa om ci” ciah kyak ci.

ISAIAH 34:11

Pängpät gui la kap gui naw khaw avan cu om nak khai gui. Bawipa naw shin cu a i kä a tüisho pha ung kaah mäih ah khohäu ah kyak sak khai.

ISAIAH 12:1

Chang gui naw ng’äi ami m’cu nak vai ah hnüüp cu gawk lawk ci nei, “Ka ning m’tam ci nei, BAWIPA! Nang cu kei ah khan ah na m’lungshe te ci, Cun ung phi tuhbäi, kei na na shungvong ci, nang kä na m’lungshe ba ci nei.

ZEKHARIAH 2:4

Law htük ci naw tumat am, “Dawng ne hteit ne nüt nak gui kawt ciah chang nong am na m’thein vai cu, Jerusalem ung chang akda, ui vawk ai akda om lawk khai kyasei, akdäm ah ng’vong k’pang vai kyak khai nei.

ZEKHARIAH 10:6

“Kei naw Judah chang gui cu, Ka khüi ghaat sak gui khai; Israel chang gui cu ka gung gui khai. Ngami cu ka k’dük gui khai, Ami van ami im ah ka law püi ba gui khai. Ngami cu kei naw kä ka hnungtuk püi man ah mäih ah kyak khai gui. Kei cu Bawipa ami Khanpughi ah ka kyak ci; Ami taigü cu ka m’shang gui khai.

JEREMIAH 30:18

Bawipa naw pyen ci, “kei naw ka chang gui cu ami khaw ung ka ka m’tho ba gui khai, kyong khui päng ah khan ah Chimgein nak om khai; Jerusalem cu cawh ba vai, amang im cu m’thawh ba vai.

ZEKHARIAH 2:5

Bawipa amät naw shai ataak cu, ani a mät cu mei-k’paang ah kyak ci, mang gaw veing ne shungvong ciah kya ne, acun ung a bämang nak avan awn angtäi ah om khai, ciah kyak ci.”

ZEKHARIAH 2:6

Bawipa naw a hang gui am, “Kei naw khaw ng’nü ung ka ning püi sak gui ci, cun ung phi tuhbäi nang chang k’dawng gui, Babilonia ah ka gawt law ne, Jerusalem ah nami law ba ci.