ZEKHARIAH 1:12 - Cho Bible Common Language 2016

¹² Khankho chang naw, “M’gäi ciah Bawipa, nang cu Jerusalem la Judah mang gaw gui ah khan ah tuhbäi güt khawkum chihkip ung na m’lungshe ci nei. Nam’gein nak gui na m’dang vai cu khaw a i güt sho ba khai ang?” cine ng’shik ci.

ZEKHARIAH 1:12 Referans Kwoze

ZEKHARIAH 7:5

Ani naw, “Mi khaw ung chang gui la taigü gui cu m’thein gui ä, shin ah khawkum chihkip ah kyong ung, a cha hma nak la a cha chih nak ung ei hlawi ne, thüikyap ne ami taigü cu kei ami na m’taam ah kä kyak ci nei.

DANIEL 9:2

Ani ah uknak a htük bäih ah khokum ung, kei naw caciim theing gui cu phat ne, Bawipa naw prophet Jeremiah am, am thein ah mäih ah, khokum chih kip ung Jerusalem dishum khai cicu kei naw ka ngaih-tüh pyi ci.

JEREMIAH 29:10

“Bawipa naw pyen ci, ‘Babilonia ah khpkum chih kip an gang pyi ah a kyak ung, kei naw ka ning tengkhen ba gui khai, nami im ah ka ning hteh püi ba gui khai ciah ka Shaitak cu ka k’pang khal.

SAM 102:13

Nang cu tho ne, Zion mang gaw cu m’gein law ä; Ani na m’gein nak vai ah khin cu gawk lawk ci; shin cu a khin ni pi ah kyak ci nei.

SAM 74:10

O Khanpughi, kami ga gui naw a i güt ning gaih m’gin khai gui ang? Ngami naw na ming cu päipih lä khai gui ma?

THU PHLAAN 6:10

Cun ah mümcha gui naw, “Ng’ciim ne, ng’düng ne, hlüngtai pi bäih ciah Bawipa, keimi ami na ngawn gui ah hmawk ah khomdek khan ah chang gui cu kä m’khoichaa, kä m’shetkat gui ah a i güt na om khai ang?” cine m’lau ci gui.

ZEKHARIAH 1:8

Kei naw ng’se asen ng’cuum ciah chang tumat cu ka hmuk ci. Ani cu m’htai ghing gui ah hmu khaw ng’nawi ung düi ci. Ani ah hmu ah ng’se gui — asen, amvo la a bawk gui om ci gui.

2 SHONTÄP NAK 36:21

Cun ah kyasei cun cu Bawipa naw prophet Jeremiah ung ng’cängbang nak a pyen ah kümbe nak ah kyak ci: “Kho ng’lei cu khokum chih kip ung shiü khai nei, cun cu kyiin hnüüp ung düm vaisü te, kä bi ah phäh ah kyak khai nei.

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

SAM 69:5

O Khanpughi, ka katnak gui cu na hmat ci nei, kei a i hlawk ah ka ang phi na hmat ci nei.

JEREMIAH 12:4

Kami khaw cu a i güt ung chawng ne, lolai päng ung khu mghaw gui cu a i güt ung ng’yai khai gui ang? Kami chang gui ah shetkat ah phäh ah khisa gui la kha gui cu sik ci gui nei. Cun gui cu kami chang gui ah katnak ah phäh ah kyak ci, Cun ah chang gui naw, “mikmi ah bilawh cu Khanpughi naw kä hmuk ci nei” cik ci gui.

JEREMIAH 15:17

Kei naw ka mät ah khin cu gaih ng’pian om k’ni düt awn kä ka ng’pyi sak ci. Nang ah thukbäi gui cu ngai ne, ka mät naw ka mät om ne, m’lungshe nak awn ka be ci.

JEREMIAH 30:18

Bawipa naw pyen ci, “kei naw ka chang gui cu ami khaw ung ka ka m’tho ba gui khai, kyong khui päng ah khan ah Chimgein nak om khai; Jerusalem cu cawh ba vai, amang im cu m’thawh ba vai.

DANIEL 12:6

Ngani ungka tumat naw tui pang täng ah düi ciah khanchang cu ng’shik ci, “Shin ah cäicat vai ah amawng gui shi a i güt lüng neta ng’pyi khai ang?”

HABAKKUK 1:2

O Bawipa, ka ng’thu ng’ya ne na na m’htei vai, kyawi m’sa nak ung na na hun vai ah, a i güt ka ning khü vai ang?

SAM 79:5

Bawipa, keimi ah khan ah na m’lungshe lä khai ma? Na m’lungshe nak naw mei ah mäih ah na ui gui lä khai ma?

THUSHÄUTU 3:3

Ngawn nak ah khin om ne, gaisak nak ah khin om ci; phyet nak ah khin om ne, cawh nak ah khin om ci;

ISAIAH 47:6

Kei cu ka chang gui ah khan ah ka m’lungshe te ci; ka mät ah kä chang gui ah mäih ah ka om püi gui te ci; Nang ah huham ah ka ah ka tha gui te ci, Cun ung phi nang naw kä na chimgein gui ci, aghipa gui phi akghatah na om püi gui ci.