TITUS 3:9 - Cho Bible Common Language 2016

⁹ Cun ung phi shekhak ciah ng’cuhcan nak, ng’shon lam ang sau ah guh ne pyan nak, ng’tuk vok nak, thukhän ah mawng ng’cuhcan nak gui cu na hlawi vai nei. Cun gui cu ei mang vai kä kya ne, a i phi kä ak pawih ciah a mawng gui ah kyak ci.

TITUS 3:9 Referans Kwoze

2 TIMOTHI 2:14

Shin ah a mawng ung nak chang gui nam cäi gui vai nei, thu awn ng’vawngshang küütneet ne kä ami kyak vai ah, Khanpughi ah ma ah akheng ah khän ne nam cäi gui vai nei. Cun ah mäih naw ni nak kä pyang ci, yak ciah chang gui ah ngaihdam ah kya ne shetkat nak ah kyak ci.

2 TIMOTHI 2:23

Hmühma nak la ak ang ah ng’cuhcan nak gui cu na hlawi vai, Cun gui naw ng’tukvook nak a pyan cu na hmat ci nei.

1 TIMOTHI 4:7

Pyein ah kä ni ne yum nak kä om ciah puma awi gui cu nami hlawi vai nei. Zum nak ung nami ghin vai ah nami mät naw nami mät nami m’thei vai nei.

2 TIMOTHI 2:16

Zum nak kä om ciah hmühma ne thu shai cu na hlawi vai, Cun ah mäih thushai naw chang cu Khanpughi awn ng’shawng sak pi ci nei.

TITUS 1:14

Cun kawn ah Jew chang gui ah puma la düng nak hnu ng’tuk püi ciah chang gui ah thukhän cu kä ami kutshum men ba vai nei.

JOB 15:3

A u cüivai ciah chang phi nang ah mäih ah kä ng’thu ci, kä cung shin ah mäih ah ng’thu ne amät naw amät kä shung vong ci.

1 KORIN 8:1

Tuhbäi ung agup am sonkian ah ei ah mawng nami na ng’shi cu ka ning m’hlan gui khai. Mikmi mi van ung hmuhmat nak om ci cicu akcang ah kyak ci, cung phi hmuhmat nak naw chang cu lämaa sak ci; m’hni nak naw vah chang cu m’küi m’khän ci.

1 KORIN 13:2

Kei cu kümbe ciah thu ka pyein hning ung phi; thuuk ne ng’kau ci hmuhmat nak la langkha nak a om ung phi; khom’htung ng’nawn sak hning ciah yum nak a om ung phi-kei ung m’hni nak kä a om ung, kei cu a kholä ah kyak ci.

JAMES 4:1

Nangmi ung ng’tuk ah nak la ng’vookshan nak cu a hawi ah kaa gawk lawk ci ang? Cun gui cu nami m’lung kyong ung phu ne ng’kiah ciah lünlawi nak vai, ng’yak nak hlü aih ungka lawk ci nei.