Biblia Todo Logo
Bib sou entènèt

- Piblisite -




TITUS 3:8 - Cho Bible Common Language 2016

8 Shin cu ng’düng ciah thu ah kyak ci. Shin ah a mawng gui cu nang naw ak tung ah nam thein gui vai ah kei naw ka ng’ya hlük ci nei. Cun ung Khanpughi ngaih u ci gui cun naw, ak ni ah hnün thawh nak vai ung akhin pe u ne, chang phung ah phäh ah nik khai la bä khai cu, bi thei khai gui nei.

Gade chapit la Kopi




TITUS 3:8
26 Referans Kwoze  

Mi chang gui naw sui ei vai ng’yak hlü gah nak vai ah, ak ni bi nak ung akhin cu mang thei vai ah, ng’thei sak gui ä. Ngami cu akholä düt ah kä ghing om men u sä.


Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.


Ani cu bä ciah thu, yum nak awn ät ci cu, khäng khai ah kutshum ciah chang ah kyak khai. Cun ung vah ani naw düng ciah m’thei thang nak awn chang hei gui cu m’hläm gui hlawt khai, hnu ng’tuk püi ci gui ah cheishoh nak phi tawk pe hlawt khai.


Kho uk ci gui la huham ah gui cu kyih aa ne, ami ng’thu ami ngaih vai la nik ciah bi phung bi ge vai ah ami om vai ah nak chang gui cu nam cäi gui vai nei.


Sih nak ungka thawh ba sak ne, bämang nak pek ciah Khanpughi cu ani ah ming awn nami yum ci. Cun ah kyasei nangmi cu Khanpughi ung ng’kheing ciah nami yum nak la ngaih u nak om ci.


‘Bawi Khrih Jesuh cu cheishoh ci gui hun khai ah khmodek khan ah kium lawk ci,’ ciah thu cu düng ciah thu ah kyasei, ak be ah dou ne yum vai ah kya ci. Kei cu ak shekha pi ah ka kyak ci,


Chang cu amät ah bilawh om ih düt kä ngaih u ne, Khanpughi yum ne a ngaih u ah a kyak ung, Khanpughi naw ani ah yum nak cu ngaih pe ne, ani cu katnak kä om ciah m’hnüt ne k’bäi ci. A cu chaa ah Khanpughi naw chang cu düng sak ne dou ci.


Bawipa Jesuh naw, akdäm ah m’lau ne a pyein cu, “Kei na yum ci cu kei bäng na yum ciah kä kyak ci, kei na tüi lawk ci phi yum ciah kyak ci.


Kei naw akcang ka pyein cu, “Kei ah ng’thu ngai ne, kei na tüi lawk ci, yum ciah chang cu, angtäi ghin nak gah ci. Ani ung m’khoichaa nak kä om ba khai. Ani cu sih nak näng ne ghim nak gah pyi ciah kyak ci.


A yan läi nang ah phäh cu a i ah kä mawng mei mante ci, tuhbäi nang la kei ah hmawk ah mawngmei lawk ci nei.


A i ah kyasei ci ung ngami ung ami yum nak kä om sei, a hun gui cu kä yum ci gui.


Hleei ne saksi cu yum vai kä kyak ci. Cun ung phi chang tumat mat naw ngaih-tüh nata ang thu cu dou ah kyak ci.


Cacim ung, “Kei naw yum ne Thu ka pyein ci” a ciah mäih ah keimi ung phi yum nak om sei, yum nak awn thu kami pyein ci.


Cun ah chang gui naw, “nang na gu ci ma?” cine kyak nak ci gui. Cun ung phi cun ah ami shäm ah hnumi hta naw ak cang a pyein nah ling ba khä tah cun ah chang gui naw,” Cun ung Peter ah khanchang ah kyak khai” cik ci gui.


M’gu man ciah chang phi käm gu-en ba ne, khüighaat ne hnüntho ne, amät ah hnun m’ghin ne, pyamtham ci phi am hteihtang tu hning vai ah tha na sä.


Khritha gui ah bum nak phung ung, pami ng’vai gui ami taigü vai, ngahmi cu Khanpughi ah ng’ap pyi ci gui ah kya ne, m’lung she nak la cuhcan nak kä om men sei, ami kut chang ne ami taigü vai ah ka ng’ya hlük ci nei.


a om ani ah mawng ngaih gep nak om khai, a hta gui ak ni ah m’htei ci, khin chang m’htei ci, yum ciah chang gui ni kyom püi gui ci, yaica ciah chang gui m’htei gui ci, nik ciah bi phung tha na ne bik ciah kyak khai.


Acun ah mawng ung kei cu geinvai nak ka gah ciah kyak ci. Cun ung phi kei ung lung üp nak akbe ah om lä ci. A i ah kyasei ci ung kei a u ung kang ap cu ka hmat ci, kei naw ka ap gui cu ak hnu bäih ah Hnüüp güt ung kut shum khai ci cun phi, kei naw akcang ah ka hmat ci.


Na mät cun phi a mawng ama avan ung chang ah ning thei nak vai ah na hnün om vai nei. Htinling ne ak küikyang ah nam theingthang vai nei.


Mikmi cu tumat la tumat mi ng’tengkhen tu u neh, mi ng’hteihtang tu u neh, mi ng’yumhni tu u ne, ni kyom ne mi om khai nei.


Cun gui-am, ‘Sapyit lo ah hteit ne bi bi tu vä, akhin vai ah ka ning cheng gui khai nei,’ cik ci.


Swiv nou:

Piblisite


Piblisite