TITUS 3:5 - Cho Bible Common Language 2016

⁵ mikmi cu hun nak mi gah ci. Cun cu mikmi naw mi bi ah nikiom nak awn nah kä kyak ci, ak thai ah ng’tüi nak la tui hnim nak awn ghin nak thai nak pe gui ciah Mumcha Theing ung amät ah chihna nak awn ana hun gui ah kyak ci.

TITUS 3:5 Referans Kwoze

2 TIMOTHI 1:9

Na hun gui ne amät ah chang ah anam hnüt gui cu, mi mät ah bilawh nikiom nak awn ah kä kyak ci, amät ah ng’bü nak la m’gein nak awn ah kyak ci nei. Khanpughi naw kho kä ang tün pha ge ung cun ah m’gein nak cu, Bawi Khrit Jesuh ung na pe gui ci.

1 KORIN 6:11

Nangmi amshah gui cu a cu k’chaa ah nami kya man ci, cun ung phi nami katnak cu ning theing cim sak gui pyi ci: Nangmi cu Khanpughi ung nami ng’ap pyi ci; Bawipa Jesuh Khrih ah ming awn la mi Khanpughi ah Mumcha awn nangmi cu Khanpughi ung düng nak nami gah pyi ci.

1 PETER 3:21

Tui cicu tuhbäi nangmi ning hun gui ciah tuihniim nak ah kiak ci. Tuiniim nak cicu pumsa alelawi m’sipyou ah kä kyak ci, m’lung ngaih ni awn Khanpughi ah shaitaak nak bi ah kyak ci. Bawipa Jesuh Khrit sih nak ungka a thawh nak ba awn, tuiniim nak awn hun nak nami gah ci.

1 PETER 1:3

Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.

ROMAN 12:2

Khomdek khan ung yodäm nak ung kä nami ng’kü ng’neet tu vai, Khanpughi ung nami m’lung kyong avan ng’thawng sak u ne, m’lung ngaih ak thai awn nami om vai. Cun ung vah ni kyom nak, amät ung yeikyai nak la kümbe nak gui ah Khanpughi ah ang yak hlü cu nami hmat khai.

EPHESIAN 2:4

Cun ung phi Khanpughi ah m’gein nak cu däm aih ne am hni nak cu hlüng aih khä tah,

EPHESIAN 5:26

Bawipa naw a hnun gui a peit nak cu, krithtabum theing sak ne, ang thu awn Khanpughi am ap sei;

SAM 51:10

O Khanpughi, ka m’lung ang ciim na tüisho pe ne, mümcha k’thai, bekhüt nak na yuk thunthan pe ä.

ROMAN 11:6

Khanpughi ah ghü nak cu amät ah m’gein nak awn ah kyak ci, cun ah chang gui ah bilawh nak awn ah kä kyak ci. Khanpughi ah ghü nak cu chang ah bilawh om ih nak awn ah a kyak vaisü ung, ani ah m’gein nak cu m’gein nak akcang ah kä kyak khai süte.

HEBRU 4:16

Cun ah kyasei mikmi cu mi khüighaat ne, m’gein nak ah hmun Khanpughi ah mangkiang ung mi hteit khai nei. Cun ah hmun ung chik-hna nak la gein nak cu, mi ng’yak hlü phung ung mi gah khai nei.

KOLOSE 3:10

ghin nak akthai awn nami ng’thoon vai. Cun cu akthai ah ghin nak la, tüisho ciah Khanpughi naw, kümbe ciah amät ah lunglang nak ning m’shum phyuk gui ne a mät ah müi bä bä ah a ning pyan ba thai gui ah kyak ci.

SAM 86:15

Cun ung phi, O Bawipa, nang cu chimgein ci la m’hni ciah Khanpughi ah na kyak ci, angtäi sei, na hnimgei ci, na k’dük ci, na bekhüt ci nei.

KALATIAN 2:16

Chang cu Bawi Jesuh Khrit a yum nak bäng awn Khanpughi ung ng’düng nak gah ci, ng’thukän a läk nak awn ah kä kyak ci. Keimi cun phi Bawi Khrit Jesuh yum nak awn, Khanpughi ung düng nak gah vai ah, Bawi Khrit cu kami yum ah kyak ci, thukhän läk nak awn ah kä kyak ci. A u chang phi thukhän läk nak awn Khanpughi ung düng nak kä gah hlawt ci.

ROMAN 3:20

Thukhän läk nak awn a u chang phi Khanpughi ah maa ah kä ng’düng hlawt ci; Thukhän cu chang gui ah shetkat nak dang sak ciah kyak ci.

1 PETER 2:10

Yanä nangmi cu Khanpughi ah chang ah kä nami kya man ci, tuhbäi ak chang ah nami kyak ci; yanä nangmi cu Khanpughi ah chimgein nak kä nami hmat man ci, tuhbäi ak chimgein nak nami gah pyi ci.

EPHESIAN 4:23

Nami m’lung la nami ngaih avan cu ak thai ah nami ng’pian sak vainei.

ROMAN 3:28

Chang cu a yum nak bäng awn vah Khanpughi ung ng’düng nak gah ci, thukhän läk nak awn gah ah kä kyak ci, cicu mi hmat ci.

ROMAN 9:11

Ngahni kä ng’tüi law pha ni ne, ak ni ak kaa kä a ni bilawh pha ung Khanpughi naw, Rebekka am, “Na hta ng’vai pi naw, ak hmaw pi cu hnün thawh pek khai nei,” cine kyak nak ci. Cun ah a pyein cu Khanpughi naw amät ah ng’yak hlü ah a hta tumat a ghü a mawng cu am dang ah kyak ci. Khanpughi naw cun ah abi cu, chang ah bilawh nak teng ne a ghü ah kä kyak ci, amät ah m’hni ah ghü ne a khü ah kyak ci.

LUKA 1:78

Mikmi ah Khanpughi cu m’gein nak la k’dük nak awn be ci. Ani naw a hun nak ah akdei cu mi khan ah ng’shü law sak ne,

LUKA 1:54

Pupa gui ah ma ah a shaitaak cu kümbe sak ne, ak chang shäm Israel chang gui cu m’htei gui khai ah law pyi ci nei.

LUKA 1:50

Ani m’tamkhah ci gui ah khan ah ang shon päng ung am gein nak cu dang sak ci.

MIKHAH 7:18

O, Bawipa, nang ah kawn ah ahei Khanpughi kä om ci. Om ba ciah na chang gui ah ami katnak cu na m’gein ci, nang cu angtäi sei na m’lung kä shek ci, na na m’hni nak gui dang khai ah na yeikyai nak om ci.

SAM 143:2

Na na changshäm cu yung ah m’kawt ung kä na cha en ä; Nang lam ah theingcim ci a u kä om ci nei.

SAM 130:7

Israel gui Bawipa ung zumhtek vä, Ani ah m’hni nak cu ng’täi ci, ani naw ak phlüt ah ning hun gui hlük ci nei.

JOB 25:4

Khanpughi täng ah ka naw teng ung ng’düng ciah chang ng’ciim ciah chang a u om khai aw?

TITUS 3:4

Cun ung phi mi Hunbawi Khanpughi ah chihna nak la m’gein nak cu a dang law ah a kyak ung,

ROMAN 9:30

Kei mi ah pyein hlü cu shin ah kyak ci, Khanpughi ah ma ah ng’düng vai ah kä k’tha nak ciah khui hei chang gui cu, ami yum nak awn Khanpughi ung ng’düng nak gah ci gui.

ROMAN 9:16

Cun ah kya sei Khanpughi ah ghü nak cu, chang ah ng’yak hlü la bilawh nak awn ah kä kyak ci, Khanpughi ah chimgein nak awn ah kyak ci.

ROMAN 4:5

Chang cu amät ah bilawh om ih düt kä ngaih u ne, Khanpughi yum ne a ngaih u ah a kyak ung, Khanpughi naw ani ah yum nak cu ngaih pe ne, ani cu katnak kä om ciah m’hnüt ne k’bäi ci. A cu chaa ah Khanpughi naw chang cu düng sak ne dou ci.

LUKA 1:72

Ani naw mi pupa gui am gein nak gui cu pyein ne, ang thu khän theing cun phi shüm ci nei.

ISAIAH 57:12

Nangmi naw nami bi cu hman ciah nami ngai ci, cun ung phi nami bi gui cu kei naw ka m’dang lawk khai nei, nami agup gui naw kä ning hun ba gui hning khai gui.

HEBRU 6:6

Cun ung phi, ngami cu yum nak ung lam hma pyi ci gui nei! Ngahmi cu kä ng’yu ba sak gui hlawt vai nei, a i ah kyasei ci ung ngahmi cu Khanpughi ah Htapa kutlam tung ung ngawm ba mä u ne, thui ng’aa sak ciah kyak ci gui nei.

SAM 86:5

Nang cu na nik ci, na na m’gein sei gui ci, nang ah taigü ci van ah khan ah na m’hni nak akbe om ci.

SAM 62:12

Ani ah m’hni nak cu ng’täi ci ciah kyak ci. O Bawipa, nang naw chang avan cu amät ah om ih ciah na m’cümhnah ci.

JOB 15:14

Chang cu akcang ah theingcim hning khai ang? Chang cu akcang ah Khanpughi awn ng’düng hlawt khai ang?

JOB 9:20

Kei cu theing ne ka bekhüt ci, cun ung phi ka ng’thu naw na m’shet ne, ka pyen phung van naw na m’kyuk khai mäih lawk ci.

THULÄÄN NAK 9:5

Nangmi nami ni la nami hman ah phäh ah ami khaw cu a ning lak sak gui ah kä kyak ci, ani naw aktäm gui cu ami shetkat ah phäh la nami pupa gui, Abraham, Issak, la Jakob ni ung ashaitak ak pan nak ah kyak ci.

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

MATTHE 3:11

Nangmi nami ng’yu ba ah hmawk ah tui awn tuihnim nak ka ning pe gui ci, Kei ah ka hnu ah lawk ciah Bawipa naw Mumcha Theing la mei awn hnim nak ning pe gui khai. Ani cu kei ah mä hlüngtai pi ci, Kei cu ani ah phahnak phi ka kawt khai ah kä ka khin ci.

ROMAN 11:14

Kei naw ka mät ah pakhui chang gui ung m’thüi nak ah m’lung om khai ah ka bi nak awn, ngami ungka chang amshah naw bawtah hun nak gah tuk khai gui nei.

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.