TITUS 2:7 - Cho Bible Common Language 2016

⁷ Na mät cun phi a mawng ama avan ung chang ah ning thei nak vai ah na hnün om vai nei. Htinling ne ak küikyang ah nam theingthang vai nei.

TITUS 2:7 Referans Kwoze

1 PETER 5:3

Nami kut ung ng’ap ci gui uk vai ah kä nami tha nak vai, htomebum ah thei tu vai ah nami om vai.

1 TIMOTHI 4:12

Nang cu na hmaw ci kyasei a u naw kä a ning kahta nak-en vai ah na om vai nei, nang’thu, na om, m’hni nak yum nak la ciimvai nak ung, yum ciah chang gui ami thei tu vai ah na om vai nei.

PHILIPPIAN 1:10

Cun ah kya sei nangmi naw ak ni pi cu nami ghü hning khai nei. Cun ung vah nangmi cu Bawi Khrit a law ba hnüüp ung, m’kat nak kä om ciah kä theingthap nak cu nami phiawn nak khai.

2 KORIN 4:2

Keimi naw m’yih vai la lü ng’aa nak vai cu kami nawng shüt ci; keimi cu kä kami thuvi ci, Khanpughi ah ng’thu phi hleei ne kä kami pyein ci. Keimi cu Khanpughi ah maa ah düng ciah akdei ung ghing u ne, chang gui ah ni kyom nak vai ah k’tha na ne kami bik ci.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

2 THESSALONIAN 3:9

Cun ah kami bi cu, keimi ung nangmi ah m’hteihtang nak kami k’thäh nak hning, kä a om su ah kä kyak ci, nangmi naw nami na theileh gui vai ah kami bi ah kyak ci.

EPHESIAN 6:24

Kä si hlawt ciah m’hni nak awn mi Bawipa Khrit m’hni ciah chang gui ah khan ah Khanpughi ah m’geinsei nak cu kümbe ne om sä.

2 KORIN 2:17

Keimi naw a hei chang gui ah so ah, Khanpughi ah ng’thu cu, a phu k’yän khawhchaam ah mäih ah kä kami sumlei nak ci: Khanpughi naw ana tüih gui ah kyasei, amaa ah ang thu cu, Bawi Khrih chang shäm ah kya ne ng’düng sei kami pyein ci.

2 KORIN 8:8

Shin cu ka ning khänkhi gui ah kä kyak ci. Chang gui ah peittaak m’hteintang nak ah mawng ka ning m’thein gui cu nangmi ah m’hni nak akcang, ah hmat vai ah phäh ah kyak ci.

1 TIMOTHI 5:10

a om ani ah mawng ngaih gep nak om khai, a hta gui ak ni ah m’htei ci, khin chang m’htei ci, yum ciah chang gui ni kyom püi gui ci, yaica ciah chang gui m’htei gui ci, nik ciah bi phung tha na ne bik ciah kyak khai.

TITUS 3:8

Shin cu ng’düng ciah thu ah kyak ci. Shin ah a mawng gui cu nang naw ak tung ah nam thein gui vai ah kei naw ka ng’ya hlük ci nei. Cun ung Khanpughi ngaih u ci gui cun naw, ak ni ah hnün thawh nak vai ung akhin pe u ne, chang phung ah phäh ah nik khai la bä khai cu, bi thei khai gui nei.