TITUS 2:5 - Cho Bible Common Language 2016

⁵ Ami htingling vai, ami theingcim vai; kyongkhui m’htei ciah hnumi ah ami kyak vai, a cei ah beit ng’yak ciah hnumi ah ami kyak vai cu, m’shümthein gui thei khai gui nei. Cun ah a kyak ung Khanpughi ungka lawk ciah thu cu a u naw ak she ah kä pyein ba khai nei.

TITUS 2:5 Referans Kwoze

KOLOSE 3:18

Hnumi gui aw, nami cei ah ng’thu nami ngaih vai nei, cun cu khritha ah nami kyak nak awn nami bi vai ah kyak ci,

1 TIMOTHI 5:10

a om ani ah mawng ngaih gep nak om khai, a hta gui ak ni ah m’htei ci, khin chang m’htei ci, yum ciah chang gui ni kyom püi gui ci, yaica ciah chang gui m’htei gui ci, nik ciah bi phung tha na ne bik ciah kyak khai.

ATÜNNAK 3:16

Ani naw hnumi phi, “Kä mah ne na yaica nak cu ka shou sak khai, na hta ung geinvai ne na ng’khokhüt khai, na cei ah pyen ah om ne, na cei ah uknak ah kaa ah na om khai.

EPHESIAN 5:33

Cun ung phi nangmi tumat ciah hmawk ah phi kyak ci; a cei phung naw ak chu cu amät awn m’täng ne am hni vai, ak chu phung naw phi a cei cu ak chang m’sui vai.

LAMKTU 9:36

Joppa pigaw ung, Khanpughi yum ci, Tabitha ming nak ciah hnumi tumat om ci. (Karik thu awn ah ming cu Dorcas ah kya ne kigang ciah kyak ci.) Ani cu angtäi sei ak ni bi ne chang phi geinsei ci.

1 TIMOTHI 6:1

Khleihtein gui naw ami bawimang ami chang m’sui vai cu ami hmat vai. Cun ung vah Khanpughi ah ming la khritha ah m’theithang nak cu a u naw kä päipih kä pyeinsak khai.

NG'THU K'THUUK~ 7:11

Ani cu shanlap aih ne kä lü ng’aa ci. Lam ung angtäi sei hteit shüi shüi ci.

1 KORIN 14:34

Khanpughi ah Khrithabum gui ung mi m’tämgan law ah mäih ah ng’bum nak ung hnumi gui cu a düm hta ah om u sä. Ngami cu thu kä pyein tu hning ci gui: Jew chang gui ah thukhän ung, “Hnumi gui cu pum nak ung ang vai ah kä ami kyak en vai” ciah om ci.

1 KORIN 11:3

Kei naw ka ning hmat sak gui hlü cu, pami avan cu Bawi Khrih naw uk ci, ak chu cu a cei naw uk ci, Bawi Khrih cu Khanpughi naw uk ci, ciah kyak ci.

ROMAN 2:24

Cacim ung, “Jew chang gui ah om ah chang khui hei gui naw, Khanpughi ah ming cu päipih ci gui nei,” cine om ciah mäih ah kya lawk ci nei.

LAMKTU 9:39

Cun ah kyasei Peter cu, cun ah chang goi awn a täng ah gui law tuk ci. A gawk law vai am chang gui naw Peter cu im akhan kyong ah hteh püi ci gui. Hmeinu gui cu kyap ne Peter ana bui u ne, Dorkas naw a ghin yah ung a tah ah suinu suitha gui cu ana m’hnuh ci gui.

SAM 74:10

O Khanpughi, kami ga gui naw a i güt ning gaih m’gin khai gui ang? Ngami naw na ming cu päipih lä khai gui ma?

2 SAMUEL 12:14

Cun ung phi, a i ah kyasei ci ung, nang naw shin ah mäih bi ne Bawipa na thui ng’a sak ah phäh ah na hta sik khai” cik ci.

ATÜNNAK 18:9

Cun kawn ah ngami naw, Na chu Sarah cu a hawi ang?” cine ng’shik ci gui. Abraham naw, “K’pyu kyong ah om ci nei” cik ci.

ROMAN 14:16

Nang mi naw nik ciah nami ngaih cu chang ah hmawk ah shetkat nak ah kä kya en sä.

TITUS 2:4

Cun ung vah ak hmawba gui ah hnumi gui cu, ami cei la hta ami m’hni vai,