TITUS 2:15 - Cho Bible Common Language 2016

¹⁵ Shin ah a mawng cu m’theithang gui ne, thagui na peit nak gui la nam cäi m’ä nak gui ung, na huham cu ak be ah na mang vai nei. A u chang naw phi nang cu kä ning yokshe en ah sä.

TITUS 2:15 Referans Kwoze

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

1 TIMOTHI 5:20

Shetkat nak bik ciah chang cu, chang a hei gui ami kyihkyawk vai ah phäh ah, chang khli ah lung ah nami m’cäi vai nei.

MATTHE 7:29

A i ah kyasei ci ung ani naw thukhän saya gui ah mäih düt ah kä kyak ciah ah huham mah ne am theithang ah hmawk ah kyak ci.

MAKUH 1:22

Bawipa Jesuh naw thukhän saya gui ah mäih ah kä kyak ciah, m’gäi ciah chang ah mäih ah m’theithang gui ci. Cun ah kyasei chang gui cu ang htei ah cäicat ci gui.

LUKA 4:36

Chang gui cu cäicat u netah, “A ni a i hlawk ah huham ah ne ang, khoshe hngaw aktäm hning? cine ami mät ng’ce ng’cäk u netah hteit ba ci gui.

MAKUH 1:27

Chang gui cu ang htei ah cäicat u netah, “shin ah a mawng cu a i hawkcha ah ang? m’theithang nak ak thai a hei ang? Ani naw khoshe gui cu k’täm gui sei, ngami naw ang thu cu ngai ci gui nei” cine ami mät ng’cecäk ci gui.

1 KORIN 16:11

Ani cu a u naw phi kä ak shedam men nak vai nei. Kei cu khritha phäinau gui awn a täng ah ani kami ging ci kya sei, keimi ah om nak ah akni ah a gawk law vai ah nami m’htei htang vai nei.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.