Biblia Todo Logo
Bib sou entènèt

- Piblisite -




TITUS 2:11 - Cho Bible Common Language 2016

11 Khanpughi naw hnicim chang avan, hun nak a gah nak vai ah am gein nak cu dang sak pyi ci nei.

Gade chapit la Kopi




TITUS 2:11
50 Referans Kwoze  

Chang nüng cu hun nak gah ne thu düng ami hmat vai ah Khanpughi naw ng’ya hlük ci.


Khanpughi ah m’gein nak ung yum nak awn hun nak nami gah ci. Nami mät ah ni kyom nak la k’tha nak awn ah kä kyak ci, Khanpughi ah m’gein nak ah kyak ci. Cun ah kyasei a u naw a khäh ghah nak vai kä kyak ci.


“Khomdek khan ung om ciah chang avan kei ah ng’hlat law vä, hun nak nami gah khai nei! Kei bäing nei khanpughi ah ka kyak ci.


Cun ung phi mikmi ah hmuh cu, Khanpughi ah m’gein nak awn chang van ah hmawk ah sik khai ah, khanchang gui ah mä a shänghta ng’neim sak nak gah ciah, Bawipa Jesuh ah kyak ci. A ni cu sih nak a aut ah hmawk ah bäkhäk nak la m’tamkhah nak awn be sei tuhbäi mi hmuk ci.


ang thu kä ngaih nak awn mi mümcha a sih nak ung ka, Bawi Khrit awn a täng ah na ghin ba sak gui ci. Nang mi cu Khanpughi ah a gein nak bäng awn hun nak nami gah ciah kyak ci.


Mi Bawipa Jesuh Khrit amät la nam hni gui ne am gein nak awn khüi ghaat nak la khäng ciah ngaih u nak na pe gui ciah mi Pa Khanpughi naw,


Cun ung phi ngahni cu kä täng ci goi, Khanpughi ah m’gein nak cu Adam ah katnak ah mäih ah kä kyak ci. Cun ah chang tumat ah kat nak awn chang khli van naw a sih nak ah kyak ci, cicu akcang ah kyak ci. Cun ung phi Khanpughi ah m’gein nak la Khanpughi naw chang gui am a peit ah, chang tumat ah kyak ciah Jesuh Khrit ah m’gein nak cu cun ah katnak ah mä küikyang hlüngtai pi ci.


Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.


Bawipa naw thingcim ciah a huham cu m’dong khai; Ani naw a chang gui cu hun gui khai, khomdek khan avan naw cun cu hmuk khai.


Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.


Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.


Kei cu ka hnun gui ah kä ka ng’vang ci, a nam hnüt peit ah bi la, Bawipa Jesuh ah na peit ah bi, pyi ne bi vai cu ak tung ah kia sei, Khanpughi ah m’gein nak mawng Thu Ni cu hteit shüi ne pyein vai bäng ah kya ci.


Hnicim chang avan naw Khanpughi ah hun nak cu hmuk khai nei” ciah kyak ci.


Mi Bawipa naw küikyang ciah am gein nak cu nam shum phruk ne, mi Bawi Khrih ung kawng ät nak awn yum nak la m’hni nak phi na pek ci.


Mikmi naw Jesuh Khrit cu mi yum ci kya sei, ani naw mikmi am, Khanpughi ah m’geinsei nak cu na hmat sak gui ci. Tuk bäi cun ah m’geinsei nak cu mi gah u ne, Khanpughi ah hlüngtai nak gah vai cun-phi ngaih gep nak om sei mi yeikyai ci.


“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.


Chang pakhui van ah ma ah, “Bawipa cu ghangpughang nei! cine pyen vä. Khomdek cu a hmun ung khäng ne kä ng’nawn hlawt ci nei; Ani naw chang gui cu düng nak awn m’khoi m’chak khai nei.”


Thu Ni naw phyutheh nak cu law püi sei, khomdek khan avan ung gawk ci nei. Acun ah mäih ah nangmi ung akhtük ah mäih ah gawk ciah Khanpughi ah m’gein nak cu ng’ya u ne, ani ah mawng akcang cu nami hmat law ah kyak ci.


Kei naw Khanpughi ah m’gein nak cu kä ka ma phung khai. Cun ung phi chang tumat cu ng’thukhän awn Khanpughi ung düng nak gah ciah a kyak ung, Bawi Khrit ah sih cu a kholä ah kyak ci nei!


Cun ah kyasei Khanpughi ah khuut bi nak ghawm awn nangmi cu kami ning hui na gui ci. Nangmi cu Khanpughi ah m’gein nak nami gah ci kyasei, cun cu kä nami m’di en vai.


Bawipa naw ana peit gui ah thukhän cu: “Kei naw nangmi cu changpakhui hei gui ah hmawk ah, akdei ah ka ning m’düih gui ci, Cun ah kyasei khomdek khan avan naw hun nak gah khai, ci ne pyein ci” cine pyein sak ci goi.


Pum nak ungka ami ng’pai law ba ung Judah chang gui la, Judah thung ungka ng’hlat lawk ciah chang akda naw Paul la Barnabas cu läk law goi ci gui. Ngami naw cun ah chang gui am, Khanpughi ah m’gein nak ung ami ghin vai ah m’cäi gui ci goi.


Akcang ah akdei cu khomdek khan ah gawk law ne chang van ah khan ah khang ci.


Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei.


Bawipa Jesuh naw, “Khomdek khan avan ung hteit ne chang nüng nüng-am Thu Ni cu m’thein vä.


nangmi htei ne kho nüng ung chang van cu, kei ah ng’khah püi ah kiak sak yawp vä. Cun ah chang gui cu Apa, A hta la Mumcha Theing ah ming ung tuinim nak pe vä.


Khomhtung teih ah däm ciah tüihtok nak gui cu nang ah ma ah maih yawp khai. Nang naw Taigüim cu na co ba khai. Nang naw ak hnukbäih ah lung cu a hmun ung na ng’lin yah ung, chang gui m’lau u ne, ‘Kiom ci nei! Kiom ci nei!’ ” cik khai gui.


Bawipa naw na pyen nak ci, “Ka changshäm aw, kei naw dainduh pi ci cu ka ning bi sak khai nei. K’pawih ba ciah Israel chang gui ah tholet ne ami dämduh nak bäng vai ah kä kyak ciah, kei naw nangmi cu chang pakhui avan ah akdei ah ka ning pyang gi khai Cun ung khomdek khan avan naw hun nak gah khai.”


Khanpughi ah chimgein nak cu a u naw Kä noi maa-en sä. Khak ciah sing naw am äm tui awn chang akda cu yaica sak ci, acun ah mäih ah a u phi kä ah kiak-en vai nei.


Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.


Nangmi cu bekhüt khenggeng ne, khüi khai ah ng’leh u ne, Thu Ni nami ng’yak yah ung nami ngaih u nak cu nami mät naw kä nami thüngphyong sak-en vai. Kei Paul cu shin ah Thu Ni awn changshäm ah ka kyak ci. Shin ah Thu Ni cu m’dek ah khan ah chang päng ung gawk khai ah ng’shäu ne pyein ah kyak ci.


Cun ung phi chang gui naw cun ah thu cu kä ng’ya u ne ang! Ka ning ng’shi gui hlük ci: Ngahmi naw akcang ah ng’yak ci gui. Cacim theing ung; “Thu Ni ng’shäu ci gui ah k’aw cu khomdek khan avan ung Thang ne gawk ci; Ngah mi ah Thu m’kha cu kho cawi kheng ah khüt ne gawk pyi ci nei” ciah om ci nei.


cun ah kyasei khomdek khan avan naw na ng’yak hlü hmat khai; changpakhui van naw na hun nak hmat khai.


Khanpughi naw i kä ami hmuhhmat yah ung chang gui cu kä a teng kheng gui ung phi, tuk bäi ung kho ng’nü ah om ciah chang gui am, “Na mi katnak cu ng’yu ba yawp vä” cine ng’thu khän gui ci.


Cun ung phi tuhchü, mi Hunbawi Khrit Jesuh a kyum law kawn ah, cun ah m’gein nak cu, mikmi ung dang lawk ci. Bawipa naw sih nak ah hlüngtai nak cu m’shiu netah, Thu Ni awn käng khuk hlat ciah ang täi ghin nak cu dang sak ci nei.


Swiv nou:

Piblisite


Piblisite