Biblia Todo Logo
Bib sou entènèt

- Piblisite -




TITUS 1:8 - Cho Bible Common Language 2016

8 Ani cu khin m’htei ci, ak ni m’hni ciah chang ah kyak khai. Ani cu htingling ci, düng ci, theingcim ci, pyein ah om ciah chang ah kyak khai.

Gade chapit la Kopi




TITUS 1:8
17 Referans Kwoze  

Krithabum ung tahnga ciah chang cu, m’kat vai ah kä om khai, tumat bäng chu nak khai, ciimvai lunglang khai, htingling khai, a om ih ni kyom khai, khin chang m’htei khai; m’theithang thei khai;


Na mät cun phi a mawng ama avan ung chang ah ning thei nak vai ah na hnün om vai nei. Htinling ne ak küikyang ah nam theingthang vai nei.


Hiram naw Solomon ah thumkhäh ng’ya ne, yei aih neta apyen cu, “Cun ah dämduh ciah khaw ung, cüivai ciah htapa ah kya ne a hnün ung ngo ba khai ah David am pek ciah Bawipa cu tuhngawi m’tamkhah nei!”


Bawi Jesuh cu Messiah nei cine yum ciah chang phung cu, Khanpughi ah hta ah kyak ci. Pa Khanpughi m’hni ciah chang naw ani ah a hta cun phi m’hni ci.


Mikmi cu mi phäi nau gui mi m’hni ah hmawk ah sih nak nawng shüt ne ghin nak ung mi gawk pyi ci, cicu mi hmat ci. A phäi nau käm hni ciah chang cu sih nak ah kaa ah om lä ciah kyak ci.


Nang läi cu Khanpughi ah chang ah na kyak ci kya ne, shin ah shekha gui avan na hlawi vai nei. Düngdau nak, yum thei nak, yumnak, m’hni nak, hnimgei nak, ng’awigii nak gui awn kümbe vai ah nak tha nak vai nei.


Nang cu na hmaw ci kyasei a u naw kä a ning kahta nak-en vai ah na om vai nei, nang’thu, na om, m’hni nak yum nak la ciimvai nak ung, yum ciah chang gui ami thei tu vai ah na om vai nei.


Nangmi cu keimi ah saksi ah nami kyak ci, Khanpughi phi saksi ah kiak ci; a i ah kyasei ci ung keimi cu yum nak om ciah nangmi awn mi ng’hmuhteng nak ung shetkat nak kä om ne ci cim nak la düng nak om ci.


Bawipa ah bekhüt ciah ak chang gui cu a i hlawk ah küikyang ci ang! Kei ah hlüngtai pi ciah yeikyai nak cu ngami awn atäng ah om ci nei.


Tire ghangpughang Hiram cu ang’täi sei David ah teihpüi ah kyak ci. Ani naw Solomon cu apa David ah hnün ung ghangpughang ah kya ne a ngoh ba cu ng’ya neta, ng’khawt nak ng’shä tüi lawk ci.


Saul la David cu ng’htau yawp ci goi. Cun kawn ah Saul ah hta Jonathan naw David cu yei na aih neta, amät naw amät am hni ah mäih ah David cu m’hni ci.


Ngahmi cu m’gein nak kä om ci, chihna nak kä om ci, chang ah ming m’shet ci, m’gäi m’cik ci, hlawhlang ciah kyak khai gui nei; ak ni phung cu thüi nak khai gui nei.


Ak hmaw chang gui ah hüithaw nak cu hlawi ne, Bawipa ah m’lungtheing awn taigü ci gui awn a täng ah düngdau nak, yum nak, m’hni nak la dimdeih nak gui cu na shui vai nei.


Akshe gen vai, akni m’hni vai, man m’kawt ung dangh ciah taga nak nami hmuh vai. Pawih ba ne ghing ne ciah pakhui chang gui cu Bawipa naw chimgein nei gui hman khai nei.


Cun yah ung Jerusalem ah Simeon ming nak ciah chang om ci. Ani cu Khanpughi kyih-aa ciah chang k’ni ah kyak ci. Israel chang gui hun nak ami gah vai ah ngäng ciah chang ah kyak ci.


Cun ung phi Paul naw, ni kyom nak ah mawng, htingling vuihgiip nak ah mawng, la gawk law khai ah m’khoichaa nak ah mawng gui cu, tän ne pyein khätah, Felix cu kyikyawk law netah, “Tuk bäi na hteit ba hning ci, cän kawn ah a khin a om nak ung ka ning khü law ba khai” cine pyen nak ci.


Swiv nou:

Piblisite


Piblisite