TITUS 1:6 - Cho Bible Common Language 2016

⁶ Khritha k’tahnga cu m’kat vai ah kä om ciah chang ah kyak khai, tumat bäng chu nak khai, a hta gui cu yum ciah chang gui ah kyak khai, Om she m’gäi m’cik ci gui, beit kä ng’yak ci gui ah kä kiäen khai.

TITUS 1:6 Referans Kwoze

1 TIMOTHI 3:12

Khritha bik’bi cu tumat bäng chu nak ciah kyak khai, ak chu, a hta, ak kyongkhui uk m’khüt ne, m’hteihtang hlawt ciah kyak khai.

TITUS 1:10

A i kä ami hmat su ah cun ah thu cu hnu ng’tuk püi ne, chang gui k’fikfaih ciah chang ak da om ci nei, ak tung pi ah Judah yum nak ung ka ng’lat lawk ci gui ung da pi ci.

EPHESIAN 5:18

Ning m’gämce sak gui khai ah yu cu kä nami awktat vai, Mumcha awn nami kümbe vai nei.

EZEKIEL 44:22

A u taigü naw phi ami ng’cha püi pyi ah hnumi kä a chu nak vai; ani naw Israel hnumi hta, käcung ahei taigü ah hmeinu ak chu nak vai.

TAIGÜTHUM 21:7

Taigü naw plet ciah hnumi, kä ng’lami htüm, ami nawng ah hnumi cu kä ak chu nak vai, ani cu theingcim ciah kyak ci.

1 THESSALONIAN 5:14

Phäi nau gui aw, ning m’cäi gui nei; a om shek ci gui khän ne m’cäi vä, kyikyawk ci gui thamah nak pe vä, yoken ci gui m’hteihtang tu vä, chang nüng ah khan ah hnimgei nak awn om vä.

LUKA 1:5

Judea kho ung Herod ghangpughang naw a uk sang ung Taigü kyong chang Zechariah ming nak ciah taigü om ci. Ak chu cun phi taigü kyong ungka Eliyabeth ming nak ciah kyak ci.

NG'THU K'THUUK~ 28:7

Thukhän läk ciah changnong cu lunglang ciah kyak ci. Kä nik ciah chang awn khawtsheng ciah chang cu, apa ah thüi nak vai ah kyak ci.

1 SAMUEL 2:22

Tuhbäi Eli cu ghi lawk ci. A hta gui naw Israel gui ah khan ah ami bi gui avan cu ani naw ng’yak ci. Bawipa ah phung ung luh nak ah m’kawt ung bi bik ci gui ah hnumi gui awn ami ih om phi ng’ya gui ci.

1 SAMUEL 2:11

Elkanah cu Ramah pigaw a im ah law ba ci, cun ung phi ak hmaw Samuel cu Shilon ah om shüt ne, taigüpa Eli ah ka ah om ne, Bawipa ah bi bik ci.

TAIGÜTHUM 21:14

Hmeinu, ami nawng ah hnumi, plet ciah hnumi, kä a chu en nak vai. Ani naw amät ah pakhui ungka hnumi hta cüm a chu nak vai.

ATÜNNAK 18:19

A hta gui la a htangshon gui naw kei ah ng’thu ngai u ne, düng ci la bä ci ami bi vai ah, m’cäi gui khai ah ani cu ka ghü ci. A cun ah ami om ung ani ah hmawk ah ka shaitak phung cu ka kümbe sak khai” cik ci.

MALAKHI 2:15

Ani awn pum ät, mümcha ät ah Khanpughi naw ning tüi pyang ciah kä kya ne ang? Shin ung Khanpughi ah ng’bü nak cu a i ang? Cun cu Khanpughi ah chang akcang ah kyak ciah nami hta nau vai ah hmawk ah kyak ci. Cun ah kyasei nangmi ungka a u naw phi a chu ah khan ah a shaitak kä am shet en vai ah nami bi vai nei.

1 TIMOTHI 1:9

Mikmi naw mi shüm hmat vai cu, thukhän m’hnüt cu chang k’ni gui ah hmawk ah kä kya ci, thukhän m’shet ci gui, om shet ci gui, Khanpughi kä hmat ci gui la cheishoh ci gui, yum nak kä om ne mümcha lam kä shing ci gui, ami nupa ngawn ci gui, chang nagawn ci gui,