TITUS 1:5 - Cho Bible Common Language 2016

⁵ Kei naw Crete ung ka ning nawng shüt cu, bi vai om ba ci gui avan ang khän khai ah na bi vai la api gaw päng ung khritha k’tahnga gui nam düih vai ah hmawk ah kyak ci. Tuhbäi ka ning m’shüm thein gui cu na shüm vai nei:

TITUS 1:5 Referans Kwoze

LAMKTU 14:23

Ngahni naw khritha bum päng ung a gham gui hei m’düih vü ne, ei hlawi ne taigü nak awn, ami yum ah Khanpughi ah ap gui ci ci goi.

1 TIMOTHI 1:3

Macedonia ah ka hteh law vai ung ka ning m’cäi ah mäih ah Ephesus ah na om cang vai ka ng’ya hlük ci. Chang amshah gui naw thuvi ne m’theithang ci gui nei, cun gui cu, ami ng’düm vai ah na khän gui vai.

THUSHÄUTU 12:9

Cun ung phi Thushätu cu cüivai ci kya ne, ani naw a hmat cu chang gui am m’thei htang gui lä ci. Ani naw thu thuuk gui cu ng’thei ne a hman nak cu m’nüm ci.

1 KORIN 14:40

A mawng ammaa avan cu a khüimaai ang käkhtäng ah nami bi vai nei.

2 TIMOTHI 2:2

Saksi gui akda ah ma ah kei naw ka ng’shäu ah m’theithang nak gui cu, nang naw na ng’ya pyi ci nei, cun cu la netah, chang hei gui m’theithang tu ba hning khai ah ngaih gep ah chang gui am, nam thei tu ba gui vai nei.

1 KORIN 11:34

Cun ah nami ng’cut law ung, Khanpughi ah m’khoichaa nak kä nami gah vai ah, ei cawi ci naw a im ah a ei shüt ge vai. A hei a mawng gui cu ka mät ka law kawn ah ka ning m’thein gui khai.

LAMKTU 27:21

Chang gui cu a i kä ei auk ah kho hnüüp ak shou om law yai u khätah, Paul naw ami ng’lung ah ng’düi netah,” Ang vai gui aw, nangmi naw kei ah thu cu ngai uk ci sei, Krete ungka kä hteit ne mi om vai sü ung, tuk bäi kämi di maih khai sü te.

LAMKTU 27:12

Cun ah pigaw tuikam ung kho hting kho ah htinpaw ang düm nak vai kä ni khähtah, chang akda naw Phoenik tuikam ung ang düm vai ah yum ci gui. Phoenik gawnu tuikam cu, Krete kho ung om ne hni kiaak htumsiip lam ah hmai nak khai ah ami sak ah pigaw ah kiak ci.

LAMKTU 27:7

Keimi cu kho hnüüp akshou hteit kyäp kyäp unetah, Kanidus pigaw pei ah yai ngai ngai ne kami gawk ci. Khokhi kä ng’hlawi sei, khokhi ah ng’shung nak Krete tuikoi lam ah hteit u ne, Salmone m’yum cu kami sun pah ci.

LAMKTU 11:30

Cun ah k’bäi u netah Jerusalem Khrithabum a gham gui am ami peit taak ah ngui gui cu, Barnabas la Soul am m’khäh gui ci gui.

ISAIAH 44:7

Kei naw ka bi ah mäih ah tumat mat naw bi hning ne ang? A tün nak bäih ung ka naw khaw akhüt nak ah khin ung khüt sei, kya lawk khai ah amawng avan ng’cäng bang hning ci om ne ang?

KOLOSE 2:5

Ka pumsa awn a täng ah kä mi om pang ung phi, ka Mumcha awn atäng ah ka ning om püi gui ci nei. Bawi Khrit ung nami yum nak awn ng’düi ghawm u ne, khäng ne nami htek cu ning hmu gui ne ka yei ci nei.

LAMKTU 2:11

Am shah gui cu Rom ah ka lawk ci gui ah Judah chang gui lah Judah thung ah om tuk ci gui ah akhui hei chang gui ah kyak ci. Amshah gui cu Krete lah Arabia chang gui ah kyak ci. Cun ung phi chang avan naw, Khanpughi ah bä khäk nak ah mawng ami ng’thu pyein cu, mi mät ah ng’thu phäh phäh awn mi ng’yak ci nei” ci ne kiak ci gui.

1 SHONTÄP NAK 6:32

Ghangpughang Solomon naw Taigüim kä a cawh pha ung, ngami cu Bawipa ah om nak ah Phung ung hman hman ah bii bik ci gui ah kyak ci.

LAMKTU 27:13

Htum lam ah kaa kho khi law khä tah, htinpaw ung chang gui cu ami ngaih bä ah kya lawk ciah ngai u ne, htinpaw awn Krete tui kam yawi gäk gäk ne hteit ci gui.

1 KORIN 4:17

Acun ah mawng ung Timohti cu nangmi ah ka tüi lawk khai nei. Ani cu khritha ghin nak ung ngaih gep vai la bekhüt ciah ka hta ah kyak ci nei. Kei kamät naw läk netah akho päng Khrithabum gui ung kam theithang ah, Bawi Khrih Jesuh ung kawng ät nak ah ghin nak thai ah a mawng tung gui cu ani naw ngami am ning shüm hmat ba sak gui khai nei.

TITUS 1:12

Cretan chang ami mät ah profet tumat naw, “Cretan chang gui cu angtäi sei hleeihlak ci gui, ngetngawng m’ghämce ci gui, damduh ci gui,” nei cine pyein ci. Cun ah kyasei ak ghaat ah nami m’cäi gui vai, cun ung ami yum nak khänghtek lawk khai.

TAIGÜTHUM 14:42

Cun ah ghawh ah lung gui ah hnün ung, a hei lung gui tha ba vai, paang cu plasta akthai awn hluk ba vai.