TITUS 1:3 - Cho Bible Common Language 2016

³ Akhin küm law khätah, cun ah angtäi ghin nak cu, ang thu awn dang law sak ci. Cun ah Thu Ni cu kei am ana ap ah kyasei, mi Hunbawi Khanpughi ah k’bäi nak awn kei naw ka ng’shäu ci nei.

TITUS 1:3 Referans Kwoze

1 TIMOTHI 1:11

Shin ah theithang nak cu Thu Ni ung hmu ah Khanpughi ah bämang nak la phruhtheh nak ung ka lawk ciah Thu Ni, Kei naw ka shäu vai ah Khanpughi naw a na ap ah kya ci.

1 TIMOTHI 1:1

Mi Hunbawi Khanpughi la mi ngaih u Jesuh Khrih ah m’hnüt nak awn Bawi Khrih ah düih püi ah ka kya ciah kei Paul naw —

TITUS 2:10

kä ami m’guuk-en vai. Cun ah kä kya ne, ami nikiom nak la ami bekhüt nak ah mawng ami dang sak vai. Cun ung vah ngami cu ami bilawh nak phung ung, Hunbawipa Khanpughi ah mawng m’theithang nak cu dang law sak pi khai gui.

TITUS 2:13

Cun cu hlüngtai säih Khanpughi la mi Hunbawipa Jesuh Khrit ah bämang nak ang dang law nak vai ah, mi ngaih u ah yeikyai nak ah hnüüp mi ngäng nak ah kyak ci.

1 TIMOTHI 4:10

Mikmi naw tha na ne mi bilawh ah mawng cu, chang nüng ah Hunbawi, ak tung pi ah yum ci gui ah Hunbawi ah kya ne ghing ciah Khanpughi cu mi ngaih u ah hmawk ah kyak ci.

1 TIMOTHI 2:3

Cun cu nik ciah kyasei mi Hunbawi Khanpughi ah am hni ah kya ci.

1 THESSALONIAN 2:4

Khanpughi naw ang yak hlü ah ana ng’thu sak gui ah mäih ah keimi angtäi sei thu kami pyein ci; a i ah kyasei ci ung ani awn ng’müi ne ng’Thu Ni awn ng’ap vai ah a nam khoi m’cha gui pyi ah hmawk ah kyak ci. Keimi cu chang naw ana yei nak gui vai ah kä kami k’tha nak ci, kami m’lung kyong nam nüm gui ciah Khanpughi naw ana yei nak gui vai ah kami tha nak ci.

KOLOSE 1:23

Nangmi cu bekhüt khenggeng ne, khüi khai ah ng’leh u ne, Thu Ni nami ng’yak yah ung nami ngaih u nak cu nami mät naw kä nami thüngphyong sak-en vai. Kei Paul cu shin ah Thu Ni awn changshäm ah ka kyak ci. Shin ah Thu Ni cu m’dek ah khan ah chang päng ung gawk khai ah ng’shäu ne pyein ah kyak ci.

KOLOSE 1:6

Thu Ni naw phyutheh nak cu law püi sei, khomdek khan avan ung gawk ci nei. Acun ah mäih ah nangmi ung akhtük ah mäih ah gawk ciah Khanpughi ah m’gein nak cu ng’ya u ne, ani ah mawng akcang cu nami hmat law ah kyak ci.

EPHESIAN 2:17

Cun ah kyasei, Khanpughi awn nami ng’shawng te ciah chang khui hei gui la, Khanpughi awn ng’et ci gui ah Jew chang gui, nami van ah ma ah Bawi Khrit cu kium law ne, dimdeeih nak ah Thu Ni cu shäu ne pyein ci.

KALATIAN 4:4

Cun ung phi ak hnu ah akhin küm law khätah, Khanpughi naw Ahtapa cu yuk m’kyum lawk ci. Ani cu hnicim chang nu nah ne ng’tüi law ne, Jew gui ah thukhän kaa ah om lawk ci;

1 KORIN 9:17

Kei naw ka mät ah ng’päiom ah bi ka bik ciah a kyak vai sü ung ng’cheng ka gah khai süte: Cun ung phi shin ah bi cu Khanpughi naw a na ap ah kya sei bülüüng ne ka bi ah kyak ci.

ISAIAH 45:21

Law ne nami mawngma cu yung ah pyen law vä; Ami chaak gui cu ami mät ng’ge ng’pai u sä. A i ah kya lawk khai ci cu cau pui a u naw cängbang ne ang? A chang gui hun gui ciah kei, Bawipa khanpughi ah kä kya ne ang? Cun kawn ah ahei khanpughi kä om ci nei.

PHILIPPIAN 1:13

Bawi Khrit ah changshäm ah ka kyak ah hmawk ah thawng ung ka kyum ah mawng cu, mang im ngäng ciah gaakap gui ami van la chang akda naw hmat ci gui nei.

ROMAN 16:26

Cun ung phi tuhbäi chü, cun ah ng’yih ciah ng’düng nak cu profet gui ah guk ah cacim ung dang yawp pyi ci nei. Ang täi ah ghing ciah Khanpughi ah thukhän awn, kho avan ung chang avan naw hmat ne, yum ne, ami läk vai ah cun ah ng’düng nak cu ng’shäu ne pyein pyi nei.

ROMAN 15:19

Cäicat vai ah cäi aih gui vai la ngaih khit gui vai, Mümcha Theing ah hlüngtai nak gui awn ah kyak ci. Cun ah kyasei kei cu, Jerusalem ungka naw Illyrikam ung khüt sei, ka hteh nak phung la ka gawk nak phung ung, Bawi Khrit ah mawng Thu Ni cu ak be ah ng’shäu ne ka pyein ci.

ROMAN 5:6

Mikmi cu am gein kaa ah mi kyak yah ung, Bawi Khrit cu Khanpughi ah k’bäi nak ah khin ung, mikmi la chang k’she gui ah hmawk ah sik ci nei.

LAMKTU 17:26

Khanpughi naw khomdek khan avan ung om ciah, changpakhui avan cu, chang tumat ungka ng’shon khai ah tüisho netah, ami ghin nak vai ah akhin cu k’bäi pe gui ne, ami om nak vai ah hmun cu m’hnüt pe gui ci.

LAMKTU 10:36

Israel chang gui am, chang van ah Bawi, Jesuh Khrit ung dimdeeih nak thu k’ni a peit cu nami hmat pyi ci nei.

LUKA 1:47

Khanpughi Hunbawi hmawk ah ka mümcha yeikyai ci,

MAKUH 16:15

Bawipa Jesuh naw, “Khomdek khan avan ung hteit ne chang nüng nüng-am Thu Ni cu m’thein vä.

MAKUH 13:10

Kho kä a khüt pha ung nangmi naw Thu Ni cu ng’shäu ne chang pakhui avan-am nami m’thein khai.

HABAKKUK 2:3

Gu ne na gim vai, aküm nak ah khin kä gawk law phak ci. Cun ung phi ka ning m’dang aküm nak vai ah akhin cu ang ghit ah gawk lawk khai. A law nak ung api ah a shokshü ung phi, na gin vai, akcang ah gawk lawk khai, kä hleei khai.

DANIEL 11:27

Ghangpughang hnih cu tawnglang tumat ung atäng ah ngo ne ei khai goi. Cun ung phi ani m’lung ngaih cu sheka sei tumta la tumat ng’thuvi na tuk khai goi. Ngami naw ami ng’yak hlü kä gah khai gui, a i ah kyasei ci ung ngami ah a khin kä gawk law phak ci.

DANIEL 9:24

“Kum chihkip chih vei lüng ci, cicu Khanpughi naw a chang gui la theingcim ciah na mawng gaw cu hmakat nak la shetkat nak ung am hlawt nak gui ah a khin ah kyak ci. Hmakat nak cu m’geinsei ne, angtäi ah taga nak cu m’düih khai nei. Cun ah kyasei muimang la cängbang nak gui cu bä khai, theingcim ciah Taigüim cu ap ba mä vai.

DANIEL 8:23

“Cun uknak khaw gui ang pyi nak vai ang et law ung, ngami cu sheka law aih u ne, m’kyuk nak gah khai gui. Cun kawn ah am lung ling ne, m’gäi m’cik ne, hleei hlak ciah ghangpughang om lawk khai.

ISAIAH 45:15

A Chang gui hun gui ciah Israel khanpughi cu, amät naw amät thup ciah khanpughi ah kyak ci nei.

ISAIAH 12:2

Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.

THU PHLAAN 14:16

Cun ah kyasei ng’mei bawk ung ngok ci naw, a sangsawn awn khomdek khan cu yuk pai ne geit cu khäm ci.

EPHESIAN 1:10

Cun ah Khanpughi naw akümbe sak vai ah ang bü nak cu, akhin aküm law hnüüp ung khankho la khomdek ung a tüisho gui avan cu Bawi Khrit ah lam ma nak awn ang cut sak gui vai ah hmawk ah kyak ci.

MAKUH 1:15

Bawipa Jesuh naw, “Akhin cu küm pyi ci nei, Khanpughi ah uknak kho cu ng’et lawk ci nei, nami katnak gui nüng ung ng’yu ba ne Thu Ni cu yum tu vä” cine pyein ci.

ROMAN 16:25

Khanpughi ah bämang nak cu mi m’hlüngtai khai nei! Ani naw nang mi ah yum nak cu ning khänhtek sak gui ci nei. Kei naw Bawi Jesuh Khrit ah mawng Thu Ni ka ng’shäu nak ung shin ah ka pyein ci, cau puipui tüi ne ng’thup ne om ciah ng’yih ciah ng’düng nak naw phi acun na m’dang ci.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.