TITUS 1:16 - Cho Bible Common Language 2016

¹⁶ Ngami naw Khanpughi kami hmat ci nei ami ci ung phi ami hnün thawh naw maa na gui ci. Ngami cu thüi nak vai kya u ne, thu kä ngai u ne, akni phung api phi, kä bi tu hning ciah chang gui ah kyak ci.

TITUS 1:16 Referans Kwoze

1 JOHAN 2:4

Khanpughi ka hmat ci nei ci netah ang thukhän kä läk ciah chang cu, hleehlak ciah kyak ci, ani ung düng nak, cang nak ä om ci.

ISAIAH 29:13

Bawipa naw pyen ci, “Shin ah chang gui naw na khawihnah khai gui ah pyen khai gui, cun ung phi ngami ah ng’thu ci akholä nei, ami m’lung kyong cu whei ah gawk ci nei. Ngami ah yum nak ci akholä, cun ung phi hnicim chang ah thukhän la thungyo gui, ngami naw ami shümshawi ah kyak ci.

EPHESIAN 5:6

Kä ng’laang ciah ng’thu awn a u naw nang mi cu kä ning k’phiui hnawk-en gui sä, cun ah mäih gui ah hmawk ah, thu kä läk ci gui ah khan ah Khanpughi ah m’lungshe nak om khai nei.

EZEKIEL 33:31

Cun ah kyasei ka chang gui ng’bum u ne, nang naw a i na pyen cu ngai ci gui nei, cun ung phi nang naw ami bi vai na pyen cu kä bik ci gui nei. Ami m’gawng ung m’hni nak ah ng’thu ami pyen ung phi ami ng’yak hlü nak cu bi lä ci gui.

JUDE 1:4

A i ah kya sei ci ung Khanpughi kä yum ci gui cu nami ng’lung ah lut ne om ci gui nei. Ngami naw mi Khanpughi ah m’gein nak ah ng’thu cu, khawdek pumsa ami ng’yak hlü lam düt ah m’hlat u ne, tumat khläm om ciah mi Bawi, mi Mang Jesuh Khrit cun phi hun ng’tuk püi ci gui nei. Cun ah chang gui cu cau pui ge, shetkat nak gah khai gui ah m’hnütbäi gui ah kyak ci.

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

THU PHLAAN 21:27

Cun ung phi kä theingcim ci phung api ah phi, cun ah mang gaw ah kä lut tuk khai. Thui ng’aa nak vai bik ci la hleeihlak ciah chang gui phi kä lut tuk khai gui. Htomehta ah ghin nak ca-uk ung angming guk ah chang gui bäng vah cun ah mang gaw ung lut tuk khai gui.

1 SAMUEL 15:22

Samuela naw, “A i ang Bawipa naw a yum pi; ang thu ngaih ang, khawihnah dou thak ang? Htome ak bä pi awn khawihnah ah ta ang’thu ngaih cu bä pi ci nei.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

1 TIMOTHI 5:8

A paw chang, ak tung pi ah ak kyongkhui chang kä m’hteihtang ci cu, yum nak hnu nak ciah kya ne, kä yum ciah mä sheka tuba ci nei.

ISAIAH 58:2

Ngami naw a hnüüp tä na khawihnah ci gui, kei ah ka lamcu kmat u ne, kei ah ka thukhän cu läk hning ci gui ah pyen ci gui nei. Ngami naw clung ciah thukhän gui ka pek gui vai ah ng’ya hlük ci gui ah pyen ci gui. Ngami naw kei na khawihnah u ne yeikyai nak gah ci gui.

ISAIAH 48:1

Shin cu ngai vä, Israel chang gui aw, Nangmi cu Judah ah ng’shon gui nei: Nangmi cu Bawipa ah ming ung ng’tam u ne, Israel khanpughi nami khawihnah ciah nami pyen ci. Cun ung phi nami pyen ah ng’thu lung cu kä nami k’cang nak ci. 1

1 SAMUEL 15:24

Saul naw, “Ä, kei ka hma ci nei. Kei naw Bawipa ah thumkhän la nang ah m’shümthein cu kä ka läk ci nei. Kei naw ka chang gui cu ka kyih gui ci, ngami naw ami ng’yak hlü bik ci gui.

JOB 15:16

Chang naw akshe cu tui ah mäih ah awk ci, Chang cu akcang ah cheishoh ci, alä maih ah kyak ci.

1 TIMOTHI 1:9

Mikmi naw mi shüm hmat vai cu, thukhän m’hnüt cu chang k’ni gui ah hmawk ah kä kya ci, thukhän m’shet ci gui, om shet ci gui, Khanpughi kä hmat ci gui la cheishoh ci gui, yum nak kä om ne mümcha lam kä shing ci gui, ami nupa ngawn ci gui, chang nagawn ci gui,

KHEI NAK 24:16

Khanpughi naw a i a pyen ng’ya hning ciah chang, a hlüngtai säih ungka lawk ciah hmuhmat nak gah ciah chang naw ng’ciim ciah mik awn yeikyai nak ka hmuk ci. A hlüngtai säih Khanpughi ah muimang ungka,

JEREMIAH 6:30

Ngami cu a phu kä om ciah ang eek ah khü gui vai nei, a i ah kyasei ci ung kei, Bawipa naw ka hnungtuk gui pyi ah kyak ci.

NG'THU K'THUUK~ 30:12

Ami mät naw ami mät theingcim ciah ngai ciah chang gui om ci gui. Cun ung phi ngami cu lelawi ci gui.

ISAIAH 59:13

Keimi naw kami ning hnung’tuk pui küknet püi ci nei, kami ning läk vai ah kami mak ci nei. Kei mi naw chang hei gui shedam na u ne, nang ung ka, a hei ah kami ng’hlat ci nei. Kami ngaih-tüh kä hman ci, kami ng’thu phi hleei ah kyak ci.

JEREMIAH 5:2

Nangmi naw Bawipa khawihnah vai ah nami pyen tupang ung phi, nami pyen ah kä nami bik ci nei.

JEREMIAH 12:2

Nang naw geit gui ci sei, ngami ng’yung pya ci gui; ngami cu däm law ne m’theih tak lawk ci gui. Ngami naw nang ah mawng cu akni ah pyen ci gui, cun ung phi akcang ah a i ah kä ning ngai ci gui.

2 TIMOTHI 3:17

Cun ah kyasei Khanpughi ah khuut bik ci cu, nikiom nak a hlühlü abi lawh nak vai ah ng’sheitawn vai cu hlü ci, hmuhhmat Lulang nak awn kümbe vai ah phi kyak ci nei.

TITUS 3:1

Kho uk ci gui la huham ah gui cu kyih aa ne, ami ng’thu ami ngaih vai la nik ciah bi phung bi ge vai ah ami om vai ah nak chang gui cu nam cäi gui vai nei.

TITUS 3:3

Ayan ä mikmi mi mät phi mi gu aang ne, thu kä ngai ne, mi cheishoh ne mi om man te ci. Ng’yak nak hlü hlü la hlim tui nak a hnga hnga ah khleihtein ah mi kya man ci. Mi ghin nak cu m’thüi m’khang nak la vamneng nak awn mi ng’pyi sak ci; chang naw phi na gen gui ci, chang phi mi gen man ci.