TITUS 1:11 - Cho Bible Common Language 2016

¹¹ Ngami cu thu kä ami pyein ba vai ah khin lawk ci nei, a i ah kyasei ci ung ngami cu kä m’theithang khin vai m’theithang u ne, kyongkhui gui cu shetkat sak ci gui, lü ng’aa nak vai kyak ciah ngui ng’yak nak hlü awn ami bi ah kyak ci.

TITUS 1:11 Referans Kwoze

2 TIMOTHI 3:6

Cun ah chang gui ungka amshah gui cu, chang gui ah im ung lut u ne, ami thuvi nak awn, ami shetkat nak ung geinvai u ne, ng’yak hlü nak nüng ah tüihtok nak ung om ciah hnumi gui cu, ami kut ung gawk khai ah cik ci gui nei.

1 TIMOTHI 6:5

gui cu ng’lih pyou sak ci. Cun ah om ih ciah chang gui cu ami lung ngaih hnga sei, thu düng caciim kä hmat ci gui ah kiak ci. Ngami naw yum nak ah lam cu bühmang nak ah lam ah ngai ci gui.

ROMAN 3:19

Thukhän ung om ciah thu gui phung cu, thukhän ah kaa ah om ci gui ah hmawk ah kyak ci, cicu mi hmat ci. Cun cu hnicim chang gui naw thu m’kha ät phi kä pyein u sei, khomdek khan avan cu Khanpughi ah m’khoichaa nak ung a gawk vai ah kyak ci.

TITUS 3:10

Ng’phyeek ng’pai nak bik ciah chang cu, hnih vei nami m’cä kawn ah, api ah phi kä nami ng’gui ng’phaa püi ba vai nei.

SAM 63:11

Khanpughi ah a pek ah näng nak awn ghangpughang cu yeikyai khai. Khanpughi ah aming ung shaitak ci phung naw m’taam ngak khai, cun ung phi hleei ciah m’gawng cu khai pek khai.

TITUS 1:9

Ani cu bä ciah thu, yum nak awn ät ci cu, khäng khai ah kutshum ciah chang ah kyak khai. Cun ung vah ani naw düng ciah m’thei thang nak awn chang hei gui cu m’hläm gui hlawt khai, hnu ng’tuk püi ci gui ah cheishoh nak phi tawk pe hlawt khai.

TITUS 1:7

Khritha k’tahnga cu Khanpughi ah khuut kutshum ne bik ciah kyasei m’kat vai kä om-en ciah chang ah kyak khai. Ani cu m’ghämce ci, m’lungshe ci, awktat ci, ng’tuk ghüh ci, ngui ng’ya hlü aih ciah kä kia-en khai.

MIKHAH 3:5

Ka chang gui cu prophet gui naw m’hleei gui ci gui, petak gui ci am dimdeeih nak shaitak pek ci gui. Kä petak gui ci am ng’tuk nak awn m’kyih ci gui. Bawipa naw, cun ah prophet gui am,

SAM 107:42

Ng’düng ci gui naw shin cu hmu ne yei ci gui, changshe gui ami van cu kä shipdep ci gui.

2 KORIN 11:10

Cun ah kei ah khähghah nak cu, Achaia kho avan ung a u naw k’üüp ne kä m’khüt khai cicu kei ung om ciah Bawi Khrih ah ng’düng nak awn shai ka tak ci nei.

LUKA 20:40

Ngami naw län ne ami ng’shi ba vai kä om khätah, cun ami ciah kiak ci.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

EZEKIEL 16:63

Nang naw na bi ah cheishoh nak avan cu kei naw ka ning geinsei khai. Cun ung phi cun gui cu nang naw shüm ba neta, na shai kä na m’aan ah phi nang aa aih khai.” Uktu Bawipa naw a pyen nei.

EZEKIEL 13:19

Nangmi naw htang shum ät la m’hlut api name gah vai ah phäh ah ka Chang gui ah ma ah kei cu name na m’shuk chak ci. Nangmi naw kä si khin ciah Chang gui ngawn u ne, kä ghing khin ciah Chang gui nami m’ghin ci. Ka Chang gui am nangmi naw hleei ne m’thein gui uk ci sei, ngami naw ning yum ci gui.”

JEREMIAH 8:10

Cun ah kyasei ami lolai gui cu kaanak ciah ak thai gui am pe gui ne, ami chu gui cu ahei pami gui am ka pe gui khai. Akdämduh ak zawken chang nü naw kä ng’düng nak awn ngui gah vai ah k’tha nak ci gui. Prophet gui la taigü gui naw phi chang gui m’hleei gui ci gui.

JOHAN 10:12

Chang ghüh cu htoshäm ah kä kyak ci, hto gui ah ami mah ah phi kä kyak ci, cun ah kya ne, hngei a law ung hto gui cu nawng shüt gui ne dawng sei, hngei naw hto gui cu lo gui ci, hto gui phi püi ne dawng yawp ci gui.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

1 TIMOTHI 5:4

Cun ung phi cun ah hmeinu ung a hta gui, atu gui, a om ah a kiak ung ngami cu ami mät ah kyongkhui ung ami yum nak ah mawngma la tu m’bei m’ghinsei gui ciah ami nupa pupi gui, ami m’hteihtang tuba vai ah mawngma gui cu ami theithang ma vai nei, cun cu Khanpughi ah ng’yak hlü ah kyak ci.

1 TIMOTHI 5:13

Cun kawn ah ngami cu a im tung päng ung hteit shüi shüi ne akhin maih sak ci gui, cun bäng ah kä kyak ciah kä pyein vai pyein u neh, chang ah mawng pyein sah hlük ci gui.

2 TIMOTHI 2:18

Ngahmi cu cacim ah düng nak ungka lam hma u ne, ‘Sih nak ung ka mi thawh nak ba cu gawk law pyi ci nei,’ ci u ne yum ciah chang gui ah yum nak cu ng’lat sak ci gui.