THU PHLAAN 9:7 - Cho Bible Common Language 2016

⁷ Cun ah khanpeh gui cu ng’tuk bi ge khai pawng ciah ng’se ah mäih lawk ci gui. Ami lu ung ghui lukhu ng’büng ci gui ah mäih lawk ci, ami hmai cu chang ah hmai ah mäih lawk ci,

THU PHLAAN 9:7 Referans Kwoze

DANIEL 7:8

A ki gui cu kei kheng ne ka teng sang ung ahei ki gui ah ang lung ung a ki a läm tumat lut law sei ka hmuk ci. A cun naw om ge ciah a ki thum cu plawh ci. Cun ah ki ung chang mik gui ah mäih om ci, chang ah ng’shei ciah am gawng phi om ci.

NAHUM 3:17

Na bawi gui cu khaw akhiing yah ung k’paang ung ng’khoop ciah khanpeh ng’hlom ah mäih ah kyak ci gui. Cun ung phi khawhni ang ling law ung yong yawp ci gui. A hawi ami hteh a u naw kä hmat ci.

DANIEL 7:4

Lut law htük cicu phongkawng ah mäih lawk ci, hmuu ah mäih ah ang phia gui om ci. Kei naw ka teng yah ung ang phya gui cu kiawi ne kya lawk ci gui. Khiküi cu tho law ne chang ah mäih ah ng’düi ci. Cun kawn ah ani naw chang ah m’lung ngaih ah mäih cu gah ci.

THU PHLAAN 6:2

Kei naw teng netah ng’se bawk tumat cu ka hmuk ci. Cun ah ng’se ung ng’cum cicu li kawt ne lukhu gah ciah kyak ci. Ani cu näng pyi netah näng ba khai ah pawng ci.

THU PHLAAN 9:3

Cun ah meikhu ungka khanpeh gui cu law u ne, khomdek khan ah kya lawk ci gui. Cun gui cu khawm-ai ah mäih ah ami m’äm om ci.