THU PHLAAN 9:4 - Cho Bible Common Language 2016

⁴ Ngami cu singghing khu m’sai kä plawhkheih khai gui, ami m’calai ung Khanpughi ah mhnüt nak kä om ciah chang gui bäng ami plawhsheh vai ah ami m’cäi gui ah kyak ci.

THU PHLAAN 9:4 Referans Kwoze

EZEKIEL 9:4

“Jerusalem mang gaw avan ung hteit ne, mang gaw kyong ah shemshai nak ami bi gui avan ah phäh yaica khüi kha ciah chang phung cu a m’calai ung na m’hnüt vai nei.

THU PHLAAN 14:1

Cun kawn ah han teng ba netah Zion khomhtung khan ah Htomehta ng’düi sei ka hmuk ci. Amät ah ming la Apa ah ming ami m’calai ung ami guk ah chang 144, 000 gui cu ani awn a täng ah om ci gui.

THU PHLAAN 8:7

Ma lawk bäih ciah khankho chang naw ak phyungheng cu tum khätah, si awn ng’caw ciah mei la khawgoh gui cu m’dek khan ah kia lawk ci gui. Khomdek bumthum bum ät, singghing bumthum bum ät ui yawp ne, khu m’kim gui avan chawng yawp khai ah ui ci.

THU PHLAAN 6:6

Khiküi paphli ah ng’lung ungka lut lawk ciah k’aw tumat cu kei naw ka ng’yak ci. Cun ah k’aw naw, “htang a them cu hnüüp ät ng’cheng nak, püm them thum cu hnüüp ät ng’cheng nak ah kiak ci. Cun ung phi olive sing chaam la sapyit chaam cu kä m’di en vä” cine pyein ci.

EZEKIEL 9:6

Aghipa, chang nong, hnumi nong, nunu gui, hta hmaw gui, ngawn gui vä. Cun ung phi am calai ung m’hnüt nak om cicu kä name tawn en vai. Shin ah kei ah Taigüim pei ung name tün vai.” Cun ah kyasei ngami haw Taigüim pei ah ng’düi ciah ang vai gui ung tün ci gui.

PHYAWN NAK 12:23

Bawipa naw Egypt gui ngawn gui khai ah Egypt khaw ah a law ung, m’kawt ung la m’kawt khan ung nami hluk ah si cu ani naw hmuk khai, cun ung ani naw sih nak ah khanchang cu nami im ung kä luh law sak khai, kä ning ngawn gui khai.

EPHESIAN 4:30

Khanpughi ah Mumcha Theing cu kä nami m’thüi-en vai; a i ah kyasei ci ung Mumcha Theing cu Khanpughi naw nangmi a ning khäm gui ah mawng m’hnüt nak ah kyak ci, ak hnu bäih ah Hnüüp ung nangmi a ning phiawn nak gui vai ah, a kyän ah phi kyak ci.

MATTHE 24:24

Messiah ah ng’hlawk ci gui, profet ah ng’shei ci gui cu dang lawk khai gui nei. Cun gui naw ami m’khüt hning ung, Khanpughi ah ghü ah chang gui pui ami m’hleeihlak nak vai ah cäi aih vai gui la küikyang ciah a mawng gui cu m’dang lawk khai gui nei.

SAM 76:10

Chang ah m’lung she nak naw ning m’hlüngtai khai nei; Ng’tuk nak ung k’pawih ci gui naw na pawi bik khai gui nei.

JOB 1:12

Bawipa naw Satan a pyen nak ba cu; “Ä ya, ani ung om ci nü cu, nang ah huham ung ka ning ap ci, Cun ung phi Joba amät cu kä na nat sak en vai,” ci nak ci, cun ah kyasei Satan cu hteit ci.

JOB 1:10

Nang naw ami mät a k’phlüt ah na shungvong ci nei, Abi phung cu nang naw phyuhtheh pe ne khopäng avan ung be khai ah sei m’na gui na pek ci nei.

JOB 2:6

Cun ah kyasei Bawipa naw Satan cu pyen nak ci, “Ä ya! ani cu nang ah huham kyong ung om ci nei, cun ung phi kä na ngawn en vai nei,” cik ci.

THU PHLAAN 7:1

Cun kawn ah khankho chang paphli cu khomdek khocawi akit phli ung ng’düi u sei ka hmu gui ci. Ngami naw m’dek khan, tuinu ah khan la singghing gui cun phi khawkhi naw kä yon hlawt khai ah k’pang ci gui.