THU PHLAAN 9:3 - Cho Bible Common Language 2016

³ Cun ah meikhu ungka khanpeh gui cu law u ne, khomdek khan ah kya lawk ci gui. Cun gui cu khawm-ai ah mäih ah ami m’äm om ci.

THU PHLAAN 9:3 Referans Kwoze

THU PHLAAN 9:5

Khanpeh gui naw cun ah chang gui cu ami lawh gui vai ah kä kiakci, cha hma ah kyong bäng ung ami dukdeiu nak gui vai ah kiak ci. Khanpeh naw htui ne ak dukdeiu nak cu khawm-ai naw a htuih ah mäih ah m’so m’leik khai.

JOEL 1:4

Khagek gui cu geit gui ung ng’hlom ne ng’hlom ne ngok ci gui; Ng’hlom ät ayon ba ung, hlom ät ngo law ba ci.

JOEL 2:25

Na shum nak gui cu ka ning pe ba khai ng’hlom ciah khanpeh gui naw na geit gui ami ei ah kum ung ka ah kyak ci. Shin ah gakap cu nang ning hnungtuk püi khai ah ka tüih law ah kyak ci nei.

THULÄÄN NAK 8:15

Am äm mah k’phyu la m’khaw gui ah om nak ng’shawng ne kyih vai kyak ciah bung gui phi ning kaan sak gui ci. Cun ah chawng ne tui kä om ciah khaw ung, ani naw nangmi ah hmawk ah lungliu ungka tui luh law sak ci.

1 GHANGPUGHANG GUI 12:11

Kapa naw phuih gih ning phuih sak gui ci; kei naw gih pi ci ka ning phuih sak gui khai, ani naw htung cih awn ning that gui ci, kei naw htungtawn awn ka ning that gui khai!” na ci vai cik ci gui.

SUKI GUI 7:12

Midianit, Amalekit la ng’kyang ah om ciah pakhui chang gui cu khanpeh mät ah mäih khonawi ung püipyang ci gui, ngami ah kalauk gui cu tuinu kem ah laigin chü ah da ci gui.

LUKA 10:19

Ngai vä, nangmi-am m’khüt näng nak ka ning pe gui pyi ci nei. Am äm-ah k’phyu m’khaw gui la Satan khoshe ga nüng nüng nami m’khüt näng khai nei.

NAHUM 3:17

Na bawi gui cu khaw akhiing yah ung k’paang ung ng’khoop ciah khanpeh ng’hlom ah mäih ah kyak ci gui. Cun ung phi khawhni ang ling law ung yong yawp ci gui. A hawi ami hteh a u naw kä hmat ci.

NAHUM 3:15

A i na bi ung phi kä ni law k’sai khai, nang cu na sik khai ah mei naw ning ui khai, ng’tuk nak ung ning ngawn khai gui. Nang cu geit khanpeh naw a ei ah mäih ah ning güp khai gui. Nang cu khanpeh ah mäih ah na pungkhei khai.

EZEKIEL 2:6

“Cun ung phi nang, hnicim Chang, nang naw ami mät phi, ami ng’thu chim phi kä na kyit gui vai. Ngami naw ning züisha ne ning päipih khat gui; Cun cu khawm ai ah ng’lung ah om ah mäih ah kyak khai. Cun ung phi cun ah küknet ci gui la ami pyen phung cu kä na kyih en gui vai.

ISAIAH 33:4

ng’yak ciah chang pakhui gui cu dawng ci gui nei. Ami khawh gui cu pha pe gui ne, ami guttep ah kyasei lak gui ci gui.

2 SHONTÄP NAK 10:11

Na pyen nak gui vai, ‘Kapa naw nami khan ah phuih ak gih taih ci, kei naw cun ah mä gih ba pi ci ka taih khai. Ani naw mui pum awn ning that gui ci, kei naw sing pum awn ka ning that gui khai!” cik ci gui.

2 SHONTÄP NAK 10:14

Cun cu a hmaw chang gui naw ami m’cäi ah mäih ah kyak ci. Ani naw, “Kapa naw phuih ak gih nami khan ah taih ci, kei naw gih pi khai ah ka bik khai. Ani naw muipum awn ning that gui ci, kei naw sing pum awn ka ning that gui khai!” cik ci.

THU PHLAAN 9:7

Cun ah khanpeh gui cu ng’tuk bi ge khai pawng ciah ng’se ah mäih lawk ci gui. Ami lu ung ghui lukhu ng’büng ci gui ah mäih lawk ci, ami hmai cu chang ah hmai ah mäih lawk ci,