THU PHLAAN 9:2 - Cho Bible Common Language 2016

² Cun ah aisi naw m’htei lungkhui cu hmawng khätah khawvah ng’ai m’khih ung akhu ah mäih ah meikhu tawt ne shung sei hnimik la khankho avan hmüp yawp ci.

THU PHLAAN 9:2 Referans Kwoze

JOEL 2:10

Ngami ah ma ung khomdek thüng ne, khomik ng’tum ci. Hni la cha mü ne hmüp ci, aisi gui kä khang ba ci gui.

ATÜNNAK 19:28

Ani naw dan neta, Sodom la Komorrah la khaw ng’nawi avan ung meikhu bäng ah ng’lawi ne khu sei hmuk ci.

JOEL 2:2

Cun ah hnüüp cu hmüp ne mü khai nei, le ne ng’mei be khai. Khomhtung gui mü hmüp naw aküm ah mäih ah gakap khagek a chün yong lawk khai. Acau phi shin ah mäih ah kä kya man ci, ngawi ah phi shin ah mäih ah kä kya ba khai.

LAMKTU 2:19

Ak khan ah om ciah khankho ah, cäi aih gui vai kam dang khai, ak ka ah om ciah m’dek khan ah, ngaih khit gui vai kam dang khai. Si ng’hlui ng’huk khai, mei m’lei taut neh, mei khu thet khai.

JOEL 2:30

“Kei naw cun ah hnüüp ung khomik la khomdek ung thukbäi cu ka pek khai; si long ne, mei ui ne, khongmei khu khai.

ISAIAH 14:31

Philistin mang gaw gui avan, ning m’hteihtang gui khai, kyap ne khü vä! Nami van kyikyawk vä! Khameiah thawk ciah m’vut cu a siiptäng ah ka lawk ci nei — Cun cu chang kyi kä ng’caw ciah gakap ma ät ah kyak ci nei.

THU PHLAAN 14:11

Cun ah meidäi ungka meikhu cu angtäi ah khu ne kai khai nei. Khiküi la a gup khawihnah ne ani ah ming awn m’hnüt nak gah ciah chang gui cu, amü ak hnüüp dinggei nak kä om khai nei” cine m’lau ci.

PHYAWN NAK 19:18

Sinai m’htung avan cu meikhu naw küm ci, a i ah kyasei ci ung a cun ah khan ah meikdäi ung Bawipa ah law sei kyak ci. Meikhu cu mei hung ungka ah mäih ah khu sei chang gui avan kyi aih ne ng’hlet ci gui.

ATÜNNAK 15:17

Khawhni hang kyasei khaw hmüp law khätah, khu ciah shei k’am la däi ciah mei im cu ang ghit ah dang law ne, khisa meh gui cu khan gui ci.

THU PHLAAN 8:12

Akphli nak ah khankho chang naw ak phyungheng cu tum khätah, hni ah bumthum bum ät, chaa ah bumthum bum ät, aisi gui ah bumthum bum ät, cu ng’yiin yawp sei, ami dei nak ah bumthum bum ät cu ng’heiu yawp ci. Mü ah bumthum bum ät, hnüüp ah bumthum bum ät ung akdei kä om ba ci.

THU PHLAAN 9:17

Ka mang ung ka hmuh ah cun ah ng’se ng’cum ci gui ah ami awi k’bah ah shawiphaw gui cu, ak’ai amkim ah mei ah mäih ah sen ne yüi ci gui. Ng’se gui ah ami lu cu phongkawng ah lu ah mäih lawk ci, ami m’gawng ung mei k’däi, meikhu la ami m’äm gui lut lawk ci.

DANIEL 3:6

Cun ah kä m’khuuk dong ne kä khawihnah tui ciah chang cu ng’ai ne caang ciah meicaang ung ang ghit ah yuk shum vai nei ciah kyak ci.”

THU PHLAAN 9:1

Cun kawn ah ak hma nak ah khankho chang naw ak phyungheng cu tum khät ah khomdek khan ah aisinu tumat kya law sei ka hmuk ci. Cun ah aisi cu m’htei lungkhui hmawn nak vai ami peit ah kya ci.

THU PHLAAN 9:11

Ngami ah ghangpughang cu m’hte lungkhui uk ciah khanchang ah kiakci. Ani ah ming cu Hebrew ng’thu awn Abaddon, Karik ng’thu awn Apollyon ah kyak ci, (cun cu m’di ci, ciah kyak ci.)

THU PHLAAN 16:10

Akhmaa nak ah khankho chang naw a eikbei ungka cu khiküi ah mangkiaang ah khan ah yuk huk khätah, khiküi ah uknak khaw avan cu mü ne hmüp yawp ne, cun ung om ciah chang gui cu geinvai u ne, ami haa htui ne kawp yawp ci gui.