THU PHLAAN 9:11 - Cho Bible Common Language 2016

¹¹ Ngami ah ghangpughang cu m’hte lungkhui uk ciah khanchang ah kiakci. Ani ah ming cu Hebrew ng’thu awn Abaddon, Karik ng’thu awn Apollyon ah kyak ci, (cun cu m’di ci, ciah kyak ci.)

THU PHLAAN 9:11 Referans Kwoze

JOB 26:6

Sih nak ah kho cu Khanpughi ah ma ah ak auh ah kya ci, a i naw phi kä shung ci.

EPHESIAN 2:2

Khomdek khan ah cheishoh nak lam cu nami läk ci, kho k’häüung ka, mumchashe ah hlüngtai nak ah uknak cu nami läk ci, acun naw tuhbäi Khanpughi kä ngai ciah chang gui cu shum gui ci.

2 KORIN 4:4

Khodek khan ah khoshe naw ami m’lung cu shung sei, ngami naw kä yum hlawt ci gui. Satan naw shung gui sei, Khanpughi ah müi ak cang ah kyak ciah, Bawi Khrih ah bämang nak ah mawng, ngami ah khan ah ng’shü lawk ciah: Thu Ni ah akdei cu kä hmu hlawt ci gui.

JOHAN 16:11

M’dek khan uk ciah bawi cu m’khoichaa nak gah pyi ci kya sei, m’khoichaa nak ah mawng dang khai.

JOHAN 14:30

Khomdek khan uk cicu gawk law pyi ci, cun ung phi, ani ung kei anam khüt nak vai a i kä om ci.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

1 JOHAN 5:19

Khomdek khan avan cu khoshe ah uknak kaa ah om pang sei phi, mik mi cu, Khanpughi ah chang gui ah mi kyak cu, mi hmat ci.

1 JOHAN 4:4

Cun ung phi ka hta nau gui aw, nangmi cu Khanpughi ung nami khäng ci kya ne, thuvi ciah profet gui cu nami näng ci nei, a i ah kyasei ci ung nangmi ung om ciah Mumcha cu khomdek chang gui ung om ciah mümcha ah mä hlüngtai ba pi ci.

JOHAN 12:31

Shin ah khomdek cu tuhbäi m’khawichaa nak gah pyi ci nei, khomdek khan uk ci cun phi tuhbäi htin lawk khai nei.

THU PHLAAN 12:9

Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

JOB 28:22

Sih nak la di nak gui pang naw phi ang yah bäng ah nei ng’yah man khai gui.

JOB 31:12

Cun ah mäih cu m’di ciah mei, m’htei mei ah kya ne kei ung om ci nü cu ui khai nei.

SAM 88:11

Ng’täi ciah na m’hni nak cu ng’cim hmun ungka naw ami pyen vai ang? Na bekhüt nak cu di nak ah hmun ungka naw ami pyen vai ang?

NG'THU K'THUUK~ 15:11

Sih nak ah khaw ung om cicu Bawipa naw ka a hmat vai ah ka k’pang hlawt ci, a i cha ah chang naw amlung ngaih cu, Khanpughi ah ma ah thup hlawt khai aw?

LUKA 8:31

Khoshe gui naw, “Keimi cu m’htei lung khui ung kami gawk khai ah kä na k’täm men gui ä” cine ng’cawi ng’paa nak ci gui.

JOHAN 5:2

Jerusalem pigaw hto m’kawt pei ah ng’phoh hma ah ami ng’vong ah tuili tumat om ci. Cun cu Hebru ng’thu awn ‘Bethyatha’ ah pyein ci gui.

THU PHLAAN 16:16

Cun kawn ah mümcha gui naw ghangpughang gui cu khü gui yawp u ne, Hebrew ng’thu awn Armakeddon ami ci nak ah hmun ah k’bum gui ci gui.