Biblia Todo Logo
Bib sou entènèt

- Piblisite -




THU PHLAAN 8:5 - Cho Bible Common Language 2016

5 Cun kawn ah khankho chang naw, tawnglang cu la ne, sonkiaan ung kaa mei cu la ne m’khäp netah, khomdek khan ah yuk chah lawk ci. Acun vai-am khaw ng’thüi ne ng’hmum ne ng’kyeek ne, lailäp ne, shihpi thüng ne kya lawk ci.

Gade chapit la Kopi




THU PHLAAN 8:5
24 Referans Kwoze  

Cun kawn ah khanmawpi ah pum im cu ng’hmawng law khätah, Thukhän M’küm cu ka hmuk ci. Acun yah ung khaw lailäp ne ng’hmumkyeek ne, shipi thüng ne, gääi nu bawh ne khawshe ne aa lawk ci.


Mang kiaang ah kyong ung khaw lailäp ne ng’thüi ne ng’hmum kyeek ciah ak aw gui lut lawk ci. Mang kiaang ah maa ah Khanpughi ah Mumcha pachih ah kyak ciah mei im pachih cu däi ne khang ci.


Cun yah ung ang ghit ah shihpi thüng law khä tah thawng im nu cu ng’kyeet ne thüng ci. Cun vai am thawng m’kawt gui avan ng’hmawng ci, thawng kyum gui ami khih nak ah m’si gui gui phi avan ng’phian yawp ci.


m’gäi ciah Bawipa naw ng’pheet ciah hmumkyeek la shihpi thüng awn ning gung gui khai nei. Ani naw puikhokhi la meikdäi ng’lam cu tüi lawk khai nei;


Bawipa cu khankho ah ng’hmum kyeek sei, Hlüngtai pi ciah ak aw cu ng’shan ci.


ani naw sonkiang ungka meicak awn be ciah meidawn la, ang ui akni shum goi cu la neta, a theingcim nak pikbäih ung a law püi vai.


Acun vai-am shihpi thüng ne ng’hmum law sei, mang gaw ah bumghaa ung bum ät cu di yawp ci, chang phia chih-kip phi si yawp ci gui. K’pawih ba ciah chang gui cu cäicat u ne, khanmawpi ah Khanpughi ah hlüngtai nak cu m’kümtou ci gui.


Htomehta naw ak chuk nak ah mhnüt nak cu khawk ne hmawng khätah, khawhni cu, pyon ale ah mäih ah ng’lat ne le ci, chaa phi sisen ah mäih ah ng’lat ne sen ci,


Ami taigü yawp vai am cun ah ami taigu nak ah hmun cu ng’tum ne thüng ci. Ngah mi cu ami van Mumcha Theing awn be u ne tah, Khanpughi ah ng’thu cu thamah nak awn pyein sak ci gui.


“Kei cu khomdek khan mei awn ka m’khih khai ah ka lawk ci. Acun ah mei atuhbäi a gawk law vai ah ka ng’ya hlük ci.


Chang pakhui tumat la tumat uknak khopäng tumat la tumat, ng’tuk nak om khai. Akho päng ung ei vai maih khai, shihpi thüng khai,


Ngai vä! Mang gaw kyong ah pamcai ci gui, Taigü imkyong ah k’aw gui, cun cu Bawipa naw a ga gui am kyuk gui ah k’aw nei!


Bawipa naw m’gäi ciah ak’aw cu chang nü am ng’yak sak ne, am lungs he nak ah ng’tut nak cn gah sakgci khai meikdäi gui, khumei ng’baw, gäi nu gui la kyihshe ciah khok’aa cu kya lawk khai.


Bawipa naw ani am, “Hteit ne m’htung lai ung kei ah ma ah ng’düi ä” ciah pyen nak ci. Bawipa naw sunpah ne hteit neta, khokhinu cu chah law sei, khomhtung gui pyawn ne, lung gui payak ci — cun ung phi Bawipa cu khokhi ung kä om ci. Khokhi ng’düm law khäta, shihpi thüng lawk ci — cun ung phi shihpi a thüng nak ung Bawipa kä om ci.


Nangmi cu khomhtung hnih ah ng’pai ciah m’ghawng ung dawng ne nami phyawng khai. Judah khaw ung ghangpughang Uzziah ah uk sangung shipi a thüng yah ung ami phiawn ah mäih ah nami phyawng khai. Bawipa ka Khanpughi cu law ne khanchang avan law püi gui khai.


Bawipa naw Media ghangpughang gui cu thawh let sak gui ci, a i ah kyasei ci ung ani naw Babilonia cu m’di vai ah angbü ah phäh ah kyak ci. Cun cu ani naw a Taigüim ami m’di ah phäh phu atuk ah kyak ci. Ng’tuk ciah bawi gui naw Thum’khän u ne, “Nami m’la gui k’tah vä! Nami shawi gui m’hnüt ge vä!


A hnüüp thum hnüüp khaw ngawi hta ah khaw ng’hmum ne lailäp sei, m’htung khan ah ng’mei ng’thong dang lawk ci, ng’shan ciah phyungheng tum cu ng’yak ci gui, phung ung om ciah chang gui ami van ng’hlet ci gui.


Cun kawn ah ghui tawnglang kawt ciah, khankho chang a hei cu law ne, sonkiaang ah pei ah ng’düi lawk ci. Ani cu mangkiaang ah maa ah ng’düi ciah ghui sonkiaang ah khan ah Khanpughi ah chang gui naw ami taigü nak vai la m’khih ne ami sonkiaan nak vai ah tui ng’uui akda ami peit ah kyak ci.


Swiv nou:

Piblisite


Piblisite