THU PHLAAN 8:3 - Cho Bible Common Language 2016

³ Cun kawn ah ghui tawnglang kawt ciah, khankho chang a hei cu law ne, sonkiaang ah pei ah ng’düi lawk ci. Ani cu mangkiaang ah maa ah ng’düi ciah ghui sonkiaang ah khan ah Khanpughi ah chang gui naw ami taigü nak vai la m’khih ne ami sonkiaan nak vai ah tui ng’uui akda ami peit ah kyak ci.

THU PHLAAN 8:3 Referans Kwoze

THU PHLAAN 5:8

Cun ah a lak vai-am khiküi paphli la aghaampa m’ku-lei-phli cu, htomehta ah maa ah kawp yawp u ne, ak chang sing naw tingtäu bäng bäng la Khanpughi ah chang gui ah taigü nak ah kya ciah tui ng’uui awn be ciah ghui eikbei gui cu kawt sek sek u netah,

THU PHLAAN 8:4

M’khih ne ami sonkiaan ah ak khu cu, Khanpughi ah maa ah ng’düi ciah khankho chang ah kut ung kaa, Khanpughi ah chang gui awn atäng ah hang kai ci.

SAM 141:2

Ka taigü cu ang ui ah mäih ah kakut ka shäng cu mühun lam ah khawihnah ah mäih ah na dou pe ä,

LUKA 1:10

Ani naw kyong ah vawihpeh vai m’khih ne ak phyuh theh yah ung chang gui akpung ah taigü ci gui.

THU PHLAAN 9:13

Akchuk nak ah khankho chang naw ak phyungheng tum khätah, Khanpughi ah maa ah ng’düi ciah ghui sonkiang ah ak kit phli ung kaa, ng’thu k’aw cu gawk law sei ka ng’yak ci.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

HEBRU 9:4

Acun ah kyong ah ang ui gui mei awn ami m’khih nak ah ghui mangkiang la, ghui bäng awn pyan ah Thukhän M’küm om ci. Cun ah m’Küm khui ah manna m’htut ah om nak ah ghui-am, lim ne hnah ciah Aaron ah ng’shopawng la thukhän gui guk ah lung k’paang hnih om ci.

PHYAWN NAK 40:26

Ani naw ghui sonkiang phi Phung kyong ah hei tha ci, yihdung ah hmai lam ah hmoh ci.

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

ROMAN 8:34

Cun ah kya sei ngami cu a u naw kä m’kat gui hlawt ci. Sih nak bäng ah kä kyak ciah sih nak ungka tho ba ciah Jesuh Khrit naw Khanpughi ah ak pat lam ah ngoh netah, mikmi ah hmawk ah ng’hui ng’paa ne om ci.

AMOS 9:1

Kei naw Bawipa cu mangkyang pei ah ng’düi sei ka hmuk ci. Ani naw thumkhän a pek cu, “Taigüim tung gui ah apaam gui cu na khläng vai, ang nei phi na thüng sak vai. Cun gui cu hnget sak ne, chang gui ah lu ah khan ah yuk kyak sak ä. K’pawih ba ci gui cu ng’tuk nak ung kei naw ka ngawn gui khai. A u kä dawng hlawt khai, a u kä phyawng khai.

1 GHANGPUGHANG GUI 7:50

khop gui, mei k’ceh gui, khawk gui, ang ui tha nak ah bei gui, meicak tha nak ah k’am gui; Atheingcim Pikbäih Hmun ung m’kawt gui la Taigüim ah akpung ah m’kawt gui ah phäh ah patta gui ah kyak ci. Shin ah khawhcham gui avan cu ghui awn pyan ah kyak ci.

THU PHLAAN 7:2

Cun kawn ah ghing ciah Khanpughi ah mhnüt nak cu law püi ciah khankho chang cu hnilaw lam ah kaa law sei ka hmuk ci. Ani naw m’dek khan la tuinu ung lei ng’hlui thawh sak hning khai ah Khanpughi naw huham a peit ah khankho chang paphli-am,

THU PHLAAN 6:9

Htomehta naw ak hma nak ah mhnüt nak cu khawk ne hmawng khätah, Khanpughi ah ng’thu ami ng’shäu ah hmawk la bekhüt ne ami saksi ah hmawk ah ami ngawn gui ah mümcha gui cu, sonkiaang ung om u sei ka hmu gui ci.

THU PHLAAN 10:1

Cun kawn ah khankho ah kaa m’gääi ciah khankho chang tumat kyum law sei ka hmuk ci. Ani cu khongmei sui ne ng’hlawp ci, alu cu yapi naw koi ci, a hmai cu khohni ah mäih lawk ci, a khaw gui cu mei ah däi ciah k’tung gui ah mäih lawk ci.

KHEI NAK 4:11

Cun kawn ah ngami naw sui m’kim cu phüi u neta, ghui sonkiang cu uk khai gui. Cun ah khan ah mehvun ni awn uk khai gui, cun kawn ah kawh nak vai ah htung cu m’ghuh khai gui.

ISAIAH 6:6

Cun kawn ah khanchang tumat cu kei ah zong law ne, sonkiang ung ka viciaa meicak cu k’ceh awn k’ceep ne zan lawk ci.

EZEKIEL 41:22

Sing sonkiang ah mäih lawk ci om ci. Cun cu metre tumat la avang hlüng ci, metre tumat ng’shawng ci. Akit tung gui, ang nei la ak paang gui avan cu k’peen awn ami pyan ah kyak ci. Cun ah chang naw na pyen nak ci, “Shin cu Bawipa ah ma ah ng’düi ciah tawnglang ah kyak ci nei.”

THU PHLAAN 8:5

Cun kawn ah khankho chang naw, tawnglang cu la ne, sonkiaan ung kaa mei cu la ne m’khäp netah, khomdek khan ah yuk chah lawk ci. Acun vai-am khaw ng’thüi ne ng’hmum ne ng’kyeek ne, lailäp ne, shihpi thüng ne kya lawk ci.

THU PHLAAN 14:18

Cun kawn ah mei ah däi ciah khankho chang tumat cu sonkiang ungka lut lawk ci. Ani naw sangnawn kawt ciah khankho chang-am, “Na sangsawn awn khomdek khan ah sapyit gui cu yuk khäm ä, up yawp pyi ci gui nei” cine m’lau ci.