THU PHLAAN 8:2 - Cho Bible Common Language 2016

² Cun kawn ah Khanpughi ah maa ah ng’düi ci gui ah khankho chang pachih cu ka hmu gui ci. Ngami cu phyungheng pachih ami peit gui ah kyak ci.

THU PHLAAN 8:2 Referans Kwoze

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

LUKA 1:19

Khankho chang naw, “Kei cu Khanpughi ah ma ah ng’düi ciah Kabriel nei; shin ah ng’Thu Ni nang-am ka ning m’thein khai ah Khanpughi naw ana tüih law nei.

THU PHLAAN 8:6

Cun kawn ah phyungheng chih kawt ciah khankho chang pachih cu, tum ge vai ne pawng ci gui.

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

THU PHLAAN 16:1

Cun kawn ah pum im ah kyong ungka naw khankho chang pachih-am “Khanpughi ah m’lungshe nak be ciah eikbei chih cu khomdek khan ah yuk hukä cine ng’hawh ne a pyein cu ka ng’yak ci.

THU PHLAAN 15:1

Cun kawn ah kei naw, khankho ah küikyang ciah cäicat vai cu ka hmu ba ci. Cun cu leigaai mawng chih law püi ci gui ah khankho chang pachih ah kyak ci. Cun ah leigaai gui cu Khanpughi ah m’lungshe nak akhnubäih ah ang dang nak ah kyak ci, akhnubäih ah gawk lawk ciah lei ah kyak ci.

MATTHE 24:31

Cun kawn ah chang ah Htapa naw chünla ciah phyungheng tum sak gui netah, ak khankho chang gui cu hnilaw hnikiaak, a htum asiip ah tüi gui ne, khomdek vang kem ah kaa naw vang kem ah khüt khai ah a ghü ah chang gui cu m’cut sak gui khai nei.

LUKA 21:36

Tholet ne nami om vai, gawk lawk khai ah kho ah shet nak cu m’khüt ne, chang ah Htapa ah ma ah ng’düi ne m’khoichaa nak nami awt hning vai ah angtäi sei taigü ne nami om vai nei” ci ne m’cäi gui ci.

1 KORIN 15:52

Mikmi mi van cu kä mi sik khai, cun ung phi pyungheng ami tum law ung mikmi cu mik m’chip ah mäih ah a shänghta ung mi ng’thang yawp khai. Ak hnu ah k’phyungheng ami tum law ung sik ci gui cu tho ba u ne, sih nak cu angtäi ah phyawng nak khai gui. Mikmi mi van cun phi mi ng’thong yawp khai.

1 THESSALONIAN 4:16

Khanpughi ah thukhän, khanchang ang vaipi ah thu k’aw, Khanpughi ah phyungheng, ang thang law hnüüp ung, khankho ah kaa Bawipa amät cu kyum lawk khai nei. Bawi Khrit ami yum kawn ah sik ciah chang gui cu tho ba htük khai gui.

THU PHLAAN 1:4

Johan naw Asia khaw gawnu pachih ung khrithabum gui-am ca aning guk law gui cu; Zanta, tuhngawi, ngawi yä angtäi sei om ciah Khanpughi, amang kiang ah maa ah ng’tän ciah mümcha pachih la;

THU PHLAAN 8:13

Cun kawn ah kei naw han teng netah, khankho k’häu ung yong ne ng’väi ciah vanbuuk hmu cu ka hmuk ci. Cun ah hmu naw, “A hei khankho chang pathum naw ami tum law vai ah phyungheng thum ah k’aw awn khomdek khan ah om ciah ak ghing gui cu, kyihkyawk nak, kyihkyawk nak, kyihkyawk nak om khai nei” cine pyein sei ka ng’yak ci.

THU PHLAAN 9:1

Cun kawn ah ak hma nak ah khankho chang naw ak phyungheng cu tum khät ah khomdek khan ah aisinu tumat kya law sei ka hmuk ci. Cun ah aisi cu m’htei lungkhui hmawn nak vai ami peit ah kya ci.