THU PHLAAN 8:12 - Cho Bible Common Language 2016

¹² Akphli nak ah khankho chang naw ak phyungheng cu tum khätah, hni ah bumthum bum ät, chaa ah bumthum bum ät, aisi gui ah bumthum bum ät, cu ng’yiin yawp sei, ami dei nak ah bumthum bum ät cu ng’heiu yawp ci. Mü ah bumthum bum ät, hnüüp ah bumthum bum ät ung akdei kä om ba ci.

THU PHLAAN 8:12 Referans Kwoze

JOEL 2:31

Khohni hmüp khai, cha cu si ah ng’hlat ne sen khai cun cu dämduh ne kyih vai kyak ciah Bawipa ah hnüüp kä a gawk law pha ung ah kyak khai.

ISAIAH 13:10

Aisi gui la aba hta phlu gui kä ng’shü ba khai gui, hni a luh law ung hnüüp khai, cha phi kä dei ba khai.

JOEL 2:10

Ngami ah ma ung khomdek thüng ne, khomik ng’tum ci. Hni la cha mü ne hmüp ci, aisi gui kä khang ba ci gui.

THU PHLAAN 6:12

Htomehta naw ak chuk nak ah mhnüt nak cu khawk ne hmawng khätah, khawhni cu, pyon ale ah mäih ah ng’lat ne le ci, chaa phi sisen ah mäih ah ng’lat ne sen ci,

THU PHLAAN 9:18

Cun ah ng’se gui ah m’gawng ung lut lawk ciah meikdäi, meikhu la m’äm gui naw, chang ah hta avan ah bumthum bum ät cu sih sak yawp ci.

THU PHLAAN 9:15

Cun ah kyasei khankho chang paphli cu k’phyan tu ba gui ci gui. Ngami cu a i kum, a i chaa, a i hnüüp, a i ah khin ung phi, hnicim chang avan ah bumthum bum ät cu ngawn ge vai ah om ci gui ah kyak ci.

MAKUH 13:24

Zaica nak gui a gawk law kawn ah khohni cu mü ne hmüp khai, Cha phi kä vai ba khai.

MATTHE 24:29

“Cun ah yaica nak ah khin a gawk law kawn ah, acun vai-am hni mü ne hmüp khai, chaa phi kä khang ba khai, aisi gui phi khankho ah kaa kiawi ne kya law yawp khai gui. Khankho ah kumkü aisi gui ah lam cu ng’thawng yawp khai.

JOEL 3:15

Hni la cha hmüp yawp ci, aisi gui kä khang ba ci.

THU PHLAAN 12:4

Ani naw khankho mik ah aisi gui bumthum bum ät cu ang mei awn hang kui ne m’dek ah yuk chah gui ci. Cun ah shawk sennu cu hnuminu ah maa ah ng’düi ne, a hta law nak ge vai ah ak hmaw cu, ei khai ah ngäng ci.

2 KORIN 4:4

Khodek khan ah khoshe naw ami m’lung cu shung sei, ngami naw kä yum hlawt ci gui. Satan naw shung gui sei, Khanpughi ah müi ak cang ah kyak ciah, Bawi Khrih ah bämang nak ah mawng, ngami ah khan ah ng’shü lawk ciah: Thu Ni ah akdei cu kä hmu hlawt ci gui.

LUKA 21:25

“Hni cha aisi gui ung cäicat vai gui dang lawk khai. Khomdek khan ah chang gui cu tuinu ah ng’hnawk ng’ya ne cäicat khai gui.

MAKUH 15:33

Kho hnüüp lunglai ung tün ne kho k’awi nayi thum güt ung khomdek khan avan cu mü ne hmüp yawp ci.

MATTHE 27:45

Kho hnüüp lung ung tün ne nayi thum lüng khai ah kho ah khan avan cu mü ne hmüp yawp ci.

JEREMIAH 4:23

Kei naw khomdek ka teng ci ani cu ng’zü ne pim ci; Khankho ung phi akdei kä om ci.

LAMKTU 2:20

Hngi yin mü seih kho hnüüp khai, cha si ng’hlui ah ng’lat neh sen khai, Hlüng tai neh bä khäk ciah Bawipa ah kyum law nak vai ah hnüüp kä ah gawk law pha ung cun gui cu küm lawk khai.

AMOS 8:9

Hnüüp lung ung khohni hang kyak khai, k’awi nu ung khomdek mü khai ah ka bi nak vai ah akhin cu gawk lawk ci nei. Kei Uktu Bawipa naw ng’thu ka pyen nei.

ISAIAH 24:23

M’gäi ciah Bawipa cu ghangpughang ah kya lawk khai kya sei, cha cu hmüp ne, hni cu kä khang ba khai nei. Ani naw zim m’htungung ka naw Jerusalem cu uk khai, chang gui ah ami ng’vai naw a bämang nak cu hmuk khai gui.

THU PHLAAN 16:10

Akhmaa nak ah khankho chang naw a eikbei ungka cu khiküi ah mangkiaang ah khan ah yuk huk khätah, khiküi ah uknak khaw avan cu mü ne hmüp yawp ne, cun ung om ciah chang gui cu geinvai u ne, ami haa htui ne kawp yawp ci gui.