THU PHLAAN 8:11 - Cho Bible Common Language 2016

¹¹ (Cun ah aisi cu ak kha ming nak ci.) Bumthum bum ät ah tui gui cu tui kha ah ng’lat yawp ci gui. Chang khli cu cun ah tui ak kha cu aw u ne si yawp ci gui.

THU PHLAAN 8:11 Referans Kwoze

JEREMIAH 23:15

“Cun ah kya sei, shin cu kei, m’gäi ciah Bawipa naw Jerusalem prophet gui ah mawng ka pyen cu: kei naw ngami am ami ei vai sing kha pe gui ne, ami awk vai ng’tuui tui ka pe gui khai, a i ah kyasei ci ung ngami naw khanpughi a shekha ah mawng khaw avan ung ami gawk sak ah phäh ah kyak ci.”

JEREMIAH 9:15

Cun ah kya sei, kei, m’gäi ciah Bawipa, Israel Khanpughi naw ka bi law vai cu ngai vä: kei naw ka chang gui am amiei vai geit kaw akha gui la ami awk vai m’guui vai gui cu ka pe gui khai nei.

THULÄÄN NAK 29:18

Nami cim vai vai, pami, hnumi, kyongchang, pakhui, shin ung tuhngawi ng’düi ci phung cu, a u chang phi Bawipa mi Khanpughi ng’hlata ne, a hei pakhui gui ah khanpughi gui kä ami khawihnah en vai. Cun cu kha ne m’äm ah ciaha ghing thawh sak ciah ang yung ah mäih ah kyak ci.

AMOS 6:12

Ng’se cu lungpou ah khan ah dawng man ne ang? Chang naw tuinu ah khui ah seipat awn lai thawn man ne ang? Cun ung phi nangmi naw taga nak cu m’äm tui ah nami lat ci, gei cicu nami chei sak ci.

AMOS 5:7

Nangmi cu nami ng’yiin ci, taga nak cu nami k’phiui ci, chang gui ah ami chaw cu nami m’hleei ci.

NG’ÄI KYAH 3:19

Ka ngaih-tüh cu ka m’neh nak ah kyak ci, a im kaa ah ka kyak nak cu m’äm akha ah kyak ci nei,

NG'THU K'THUUK~ 5:4

Cun ung phi ani a hteh ba ung akha liit ta m’neh nak ning nawng pe shüt khai.

THU PHLAAN 8:7

Ma lawk bäih ciah khankho chang naw ak phyungheng cu tum khätah, si awn ng’caw ciah mei la khawgoh gui cu m’dek khan ah kia lawk ci gui. Khomdek bumthum bum ät, singghing bumthum bum ät ui yawp ne, khu m’kim gui avan chawng yawp khai ah ui ci.

HEBRU 12:15

Khanpughi ah chimgein nak cu a u naw Kä noi maa-en sä. Khak ciah sing naw am äm tui awn chang akda cu yaica sak ci, acun ah mäih ah a u phi kä ah kiak-en vai nei.

NG’ÄI KYAH 3:5

Ani naw m’lung ah nat nak khüikha nak ah thawng ung na khai shi ci.

RUT 1:20

“Ani naw, “Naomi ah kä na khü vä,” Marah ah na khü vä a i ah kyasei ci ung hlüng tai ci khanpughi naw kei ah ghin nak cu khaa sak ci nei.

PHYAWN NAK 15:23

Cun ungka naw Marah ciah hmun ah hteit ci gui, cun ung phi acu ah tui cu ang htei ah kha sei, kä aw hlawt ci gui. Cun ah kyasei cun cu Marah ah ami sui ah kyak ci.

ZEKHARIAH 13:8

Khaw avan ung chang gui bum thum ungka bum goi cu si yawp khai gui.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

THU PHLAAN 9:15

Cun ah kyasei khankho chang paphli cu k’phyan tu ba gui ci gui. Ngami cu a i kum, a i chaa, a i hnüüp, a i ah khin ung phi, hnicim chang avan ah bumthum bum ät cu ngawn ge vai ah om ci gui ah kyak ci.

THU PHLAAN 9:18

Cun ah ng’se gui ah m’gawng ung lut lawk ciah meikdäi, meikhu la m’äm gui naw, chang ah hta avan ah bumthum bum ät cu sih sak yawp ci.

THU PHLAAN 12:4

Ani naw khankho mik ah aisi gui bumthum bum ät cu ang mei awn hang kui ne m’dek ah yuk chah gui ci. Cun ah shawk sennu cu hnuminu ah maa ah ng’düi ne, a hta law nak ge vai ah ak hmaw cu, ei khai ah ngäng ci.