THU PHLAAN 8:10 - Cho Bible Common Language 2016

¹⁰ Akthum nak ah khankho chang naw ak phyungheng cu tum khätah, ng’laam ne däi ciah mei m’lei ah mäih ah aisi nu cu khan ah kaa, tuinu bumthum bum ät la tuihta gui ah khan ah kya lawk ci.

THU PHLAAN 8:10 Referans Kwoze

THU PHLAAN 16:4

Akthum nak ah khankho chang naw a eikbei ungka cu tuinu tuihta avan ah khan ah yuk huk khätah, cun ah tui gui avan cu si ah ng’lat yawp ci.

THU PHLAAN 9:1

Cun kawn ah ak hma nak ah khankho chang naw ak phyungheng cu tum khät ah khomdek khan ah aisinu tumat kya law sei ka hmuk ci. Cun ah aisi cu m’htei lungkhui hmawn nak vai ami peit ah kya ci.

ISAIAH 14:12

Babilonia ghangpughang khang ciah thaihke aisi, nang cu khan khaw ah ka na kya kyum ci nei! Acau läi nang naw chang pakhui gui na näng man ci, cun ung phi tuhbäi m’dek ung ning yuk ghawt ci gui nei.

THU PHLAAN 6:13

Khankho ah aisi gui cu khinu ah khawkhi khätah, k’thei ang kang kiawi ne ang phlu ah mäih ah m’dek ung kya lawk ci gui.

THU PHLAAN 14:7

Cun ah khankho chang naw, “Khanpughi cu m’tamkhah vä, a hlüngtai nak cu m’kümtou vä! Chang am khoichaa nak vai ah akhin cu gawk law pyi ci nei. Khankho khomdek, tuinu tuihta avan, tüisho ciah Khanpughi cu khawihnah vä” cine m’lau ci.

THU PHLAAN 12:4

Ani naw khankho mik ah aisi gui bumthum bum ät cu ang mei awn hang kui ne m’dek ah yuk chah gui ci. Cun ah shawk sennu cu hnuminu ah maa ah ng’düi ne, a hta law nak ge vai ah ak hmaw cu, ei khai ah ngäng ci.

THU PHLAAN 1:20

Ka k’pat lam ka kut ung om sei na hmuh ah aisi pachih la ghui mei ng’düi pachih ah thuuk ciah a mawng cu; mei ng’düi pachih cu khrithabum gawnu pachih ah kyak ci, aisi pachih cu khrithabum gawnu pachih ngäng ciah khanchang pachih ah kyak ci.

JUDE 1:13

Ngahmi cu m’naw ne ng’hnauk ciah tuinu awn phi täng ci gui, tuinu ng’hnauk ah am vom ah mäih ah, ngami ah lü ng’aa nak vai ah ami om ih cu dang ci nei. Ngami cu a hteh nak vai ah lam kä om ciah aisi awn phi täng ci gui. Ngami ah hmawk ah Khanpughi naw thuuk ne ak hmüp nak pi k’bäih ung, angtäi sei ami om nak vai ah hmun cu m’hnüt pe gui ci.

LUKA 10:18

Bawipa Jesuh naw, “Khankho ah kho alai-läp ah mäih ah Satan cu kya law sei ka hmuk ci.

ISAIAH 12:3

Tuigei naw tui gha ci a yei sak ah mäih ah, khanpughi naw a chang gui cu hun gui sei, yeikyai ci gui nei.”

2 SHONTÄP NAK 32:3

a bawi gui awn ng’ge u ne, Assirian gui Jerusalem pei ah ami gawk law ung tui kä ami gah vai ah mang gaw ah k’pung ah tui pek nak gui phung cu khai ci gui. Bawi gui naw chang akda khah püi u ne tui hta, lawng avan khai ci gui, cun ah kya ne a i tui phi kä long ba ci.

SUKI GUI 15:11

Cun kawn ah Judah chang gui phia thum kip cu Etam lungsheng khui ung hteit u neta, Samson am, “Philistin gui cu keimi ah uktu ah ami kyak cu kä na hmat ci ma? Keimi ah khan ah nang naw a i ang na bi? cik ci gui. Ani naw, “Ngami naw kei ah khan ah ami bi ah mäih ah ami khan ah ka bi tu ba nei” cik ci.

ZEKHARIAH 13:8

Khaw avan ung chang gui bum thum ungka bum goi cu si yawp khai gui.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

MATTHE 25:1

“Cun ah akhin ung Khanpughi ah uknak kho cu shin ah mäih ah kyak khai. Hnü ät ung lamihta singhga cu chumah khai ah pamihta dou khai gui ah mei im kawt sek sek ne hteit ci gui.

THU PHLAAN 8:7

Ma lawk bäih ciah khankho chang naw ak phyungheng cu tum khätah, si awn ng’caw ciah mei la khawgoh gui cu m’dek khan ah kia lawk ci gui. Khomdek bumthum bum ät, singghing bumthum bum ät ui yawp ne, khu m’kim gui avan chawng yawp khai ah ui ci.

THU PHLAAN 9:15

Cun ah kyasei khankho chang paphli cu k’phyan tu ba gui ci gui. Ngami cu a i kum, a i chaa, a i hnüüp, a i ah khin ung phi, hnicim chang avan ah bumthum bum ät cu ngawn ge vai ah om ci gui ah kyak ci.

THU PHLAAN 9:18

Cun ah ng’se gui ah m’gawng ung lut lawk ciah meikdäi, meikhu la m’äm gui naw, chang ah hta avan ah bumthum bum ät cu sih sak yawp ci.