THU PHLAAN 8:1 - Cho Bible Common Language 2016

¹ Htomehta naw apachih nak ah mhnüt nak cu khawk ne hmawng khätah, khanmawpi ah shei-ä-kiawm vai ung ding ne kyiip ci.

THU PHLAAN 8:1 Referans Kwoze

ZEKHARIAH 2:13

Bawipa ah ma ah chang ng’nü cu a düm ah om sä, ani cu theingcim ciah hmun, a om nak ungka naw law sang ci nei.

HABAKKUK 2:20

Bawipa cu theingciim ciah a Taigüim ung om ci, m’dek chang phung cu adüm ah ama ah mi kawp khai nei.

THU PHLAAN 6:1

Cun kawn ah Htomehta naw mhnüt nak pachih ungka ak htük bäih cu khawk ne hmawng sei ka hmuk ci. Khiküi paphli ungka tumat naw khaw hmum ah mäih ah ng’shan ciah ak aw awn, “Lawä” a ci cu ka ng’yak ci.

SAM 62:1

Nak phyawn khai ah Khanpughi cu ngaih gep ne ka ngäng ci; kei cu Khanpughi bäng ung ka ng’yung ci.

JOB 4:16

Cän ung a i baw ng’düi sei ka hmuk ci; Cun cu a i ang ciah ka pyen law khäät te ci kä ka pyen hning ci. Cun kawn ah a diing nak ungka k’aw lut law sei ka ng’yak ci.

THU PHLAAN 6:12

Htomehta naw ak chuk nak ah mhnüt nak cu khawk ne hmawng khätah, khawhni cu, pyon ale ah mäih ah ng’lat ne le ci, chaa phi sisen ah mäih ah ng’lat ne sen ci,

THU PHLAAN 6:9

Htomehta naw ak hma nak ah mhnüt nak cu khawk ne hmawng khätah, Khanpughi ah ng’thu ami ng’shäu ah hmawk la bekhüt ne ami saksi ah hmawk ah ami ngawn gui ah mümcha gui cu, sonkiaang ung om u sei ka hmu gui ci.

THU PHLAAN 5:1

Mang kiaang ung ngok ciah akpat lam a kut ung ca k’chaw cu ka hmuk ci: cun ah ca k’chaw cu vang ah vei ah ca be sei gu ne, m’hnüt nak chih awn m’hnüt ah kyak ci.

THU PHLAAN 6:7

Htomehta naw ak phli nak ah mhnüt nak cu khawk ne hmawng khätah, ak phli nak ah khiküi naw, “Lawä” a cicu ka ng’yak ci.

THU PHLAAN 6:5

Htomehta naw ak thum nak ah mhnüt nak cu khawk ne hmawng khätah, ak thum nak ah khiküi naw, “Lawä” a cicu ka ng’yak ci. Kei naw teng netah ng’se ale tumat cu ka hmuk ci. Cun ung ng’cum ci naw khiin nak tumat a kut ung kawt ci.

THU PHLAAN 6:3

Htomehta naw ak hnih nak ah mhnüt nak cu khawk ne hmawng khätah, ak hnih nak ah khiküi naw, “Lawä” a cicu ka ng’yak ci.

SAM 37:7

Hnim gei vai, Bawipa ah hnün thoh cu ging vä; khawh gah thei ciah chang ah hmawk la akshe bi ne näng nak gah ciah hmawk ah kä ng’ä ng’ai vä.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

MATTHE 27:66

Cun ah kyasei ngami cu ng’cim hmun ah hteit u netah, Khai nak ah lung cu, ca gei ne m’hnüt ne, phuh hmun m’kawt cu khäng htek khai ah khai ci gui. Cu kawn ah gakap gui-am ngäng sak ci gui.