Biblia Todo Logo
Bib sou entènèt

- Piblisite -




THU PHLAAN 7:2 - Cho Bible Common Language 2016

2 Cun kawn ah ghing ciah Khanpughi ah mhnüt nak cu law püi ciah khankho chang cu hnilaw lam ah kaa law sei ka hmuk ci. Ani naw m’dek khan la tuinu ung lei ng’hlui thawh sak hning khai ah Khanpughi naw huham a peit ah khankho chang paphli-am,

Gade chapit la Kopi




THU PHLAAN 7:2
29 Referans Kwoze  

Khanpughi ah Mumcha Theing cu kä nami m’thüi-en vai; a i ah kyasei ci ung Mumcha Theing cu Khanpughi naw nangmi a ning khäm gui ah mawng m’hnüt nak ah kyak ci, ak hnu bäih ah Hnüüp ung nangmi a ning phiawn nak gui vai ah, a kyän ah phi kyak ci.


Khanpughi a mät naw m’khoi ne na khei gui ne, amät ah chang ah ng’kheing vai ah nam hnüt gui ci. Mikmi ah gah vai a na m’küm peit gui cu a kyän nak ah Mumcha Theing cu mi m’lung kyong ung na pe gui ci.


Ngami cu singghing khu m’sai kä plawhkheih khai gui, ami m’calai ung Khanpughi ah mhnüt nak kä om ciah chang gui bäng ami plawhsheh vai ah ami m’cäi gui ah kyak ci.


Cun ung phi Khanpughi naw ak khäng ah ling ne ak süm cu kä thüng hlawt ci nei. Cun ah khan ah, “Khanpughi naw a mät ah chang gui cu hmat gui ci nei”, ci la “Bawipa ung khäng pyi ciah pyein ciah chang phung naw cheishoh nak cu a phiawn nak vai nei,” ciah ca cu guk ah kyak ci nei.


Nangmi changpakhui hei gui cun phi, hun nak ah mawng, Thu Ni ah kyak ciah, düng ciah Thu cu ngai ng’ya tu u ne, Khanpughi ah chang ah nami kya lawk ci. Nangmi naw Bawi Khrit nami yum lawk ci, cun ah kyasei, Khanpughi naw a shaitaak ah mäih ah Mumcha Theing cu ning m’shumphyuk gui ne, amät ah chang ah ning tüi m’hnüt gui ci.


Cun kawn ah hlüngtai säih ciah khankho chang naw, “A u chang naw, shin ah m’hnüt nak gui cu khawk ne, ca k’chaw cu k’phian hning khai ang? cine m’lau sei ka hmuk ci.


Shekaa thei ciah ah ei awk cu käk tha nah ne, kä shekaa thei ciah, angtäi ghin nak ah ei awk cu tha na vä. Khanpughi naw hlüngtai nak a ap pyi ah kyasei, chang ah Htapa naw cun ah ei awk cu nangmi-am ning pe gui khai nei” cine m’cäi gui ci.


Shin ah mawng gui a khüm law nak vai ng’et law pi ci kyasei, shin ah ca phat ciah chang phung la shin ah ng’cäi nak ah ng’thuthuuk ngai ng’yak ciah chang phung ni, shin ung guk ah thuthuuk läk ciah chang gui phung cu, yeikyai nak om ci nei.


Cun ah ng’hmumkyeek ciah ng’thu cu ka guk khai ah pawng ngätah, “kä na guk-en vai nei, chih vei ng’hmumkyeek ciah ng’thu cu na m’yih vai nei” ciah khankho ah k’aw cu ka ng’yak ci.


Cun kawn ah khankho ah kaa m’gääi ciah khankho chang tumat kyum law sei ka hmuk ci. Ani cu khongmei sui ne ng’hlawp ci, alu cu yapi naw koi ci, a hmai cu khohni ah mäih lawk ci, a khaw gui cu mei ah däi ciah k’tung gui ah mäih lawk ci.


Cun kawn ah ghui tawnglang kawt ciah, khankho chang a hei cu law ne, sonkiaang ah pei ah ng’düi lawk ci. Ani cu mangkiaang ah maa ah ng’düi ciah ghui sonkiaang ah khan ah Khanpughi ah chang gui naw ami taigü nak vai la m’khih ne ami sonkiaan nak vai ah tui ng’uui akda ami peit ah kyak ci.


Kei ah kawn ah chang päng ung na m’lung na khai vai; kei ah kawn ah a u phi na kut awn kä na k’pan vai. M’hni nak cu sih nak hlawk ah a huham om ci; M’hni nak aih cu sih nak ah mäih ah ghaat ci. A cun naw mei m’lei ah ng’tawn ne, mei k’law ah mäih ah ui thei ci.


Cun nak vaisü ung nangmi cu Zion m’htung la angtäi ghing ciah Khanpughi ah mang gaw, Khankho Jerusalem, kä khei tai vai ah khanchang gui ah om nak ah nami gawk ci nei.


Keimi kami law ah mawng la a i cha nami na dou gui ah mawng, düng ne ghing ciah Khanpughi ah a khuut bi vai la khankho ah ka kyum law ba khai ah A Htapa ngäng vai ah hmawk ah a gup gui nawng shüt ne Khanpughi ah nami ng’hlah law ba ah mawng gui cu, cun ah chang gui naw pyein sak ci gui nei.


Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.


Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.


Assirian uktubawi ah tüih law ah gabawi naw ghing ciah Khanpughi cu päipih ci. Na Khanpughi Bawipa naw cun ah päipih nak ah ng’thu cu ng’ya ne, cun ah ng’thu ci gui cu m’kyuk gui sä. Cun ah kyasei pawih ba ciah mi chang gui ah phäh ah Khanpughi ah taigü ä.”


Kei naw kawng gui la khawm gui cu ka ngawn ci, shin ah khuihei Philistin acun ah mäih ah ka cik khai, ani naw ghing ciah Khanpughi ah gakap gui cu gheet taap gui ci.


David naw a pei ah ka gui cu ng’shi gui ne, “Shin ah Philistin chang ngawn ne Israel gui cäi ng’ä nak ung phyawn sak ciah chang naw a i gah khai ang? Ghing ciah Khanpughi ah gakap ghet taap ciah shin ah chang hei Philistin chang cu a u ang?” cik ci.


Ghing ciah Khanpughi, mei ungka naw thu pyen sei ng’ya pyi ciah chang cu ghing ba lä man ne ang?


Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.


“Akhei täng ah ka ng’näng ciah chang law püi ne, a hteh nak päng ah ng’näng ciah chang law püi ne, a hteh nak päng ah ng’näng sak ci cu, a u ang? Ghangpughang gui la chang pakhui gui ah khan ah anäng nak pek cicu a u ang? Ani ah khimsem naw ngami cu m’vut khui ah mäih ah tuhnim gui ci nei.


“Jerusalem mang gaw avan ung hteit ne, mang gaw kyong ah shemshai nak ami bi gui avan ah phäh yaica khüi kha ciah chang phung cu a m’calai ung na m’hnüt vai nei.


Simon Peter naw, “Nang cu angtäi ghing ciah Khanpughi ah Htapa, Messiah ah na kyak ci,” cine pyein ci.


Cun ah k’aw naw akchuk nak ah khankho chang am, “Euphratis tuinu pei ah khit ne ami k’pawn ah khankaw chang paphli cu k’phyan tu ba gui vä” cine pyen nak ci.


Akchuk nak ah khankho chang naw a eikbei ungka cu Euphratis tuinu ah khan ah yuk huk khätah cun ah tuinu cu kawi ne ket sei, hnii law lam ah kaa ghangpughang gui ah law nak vai ah lam cu ng’hmawng lawk ci.


Swiv nou:

Piblisite


Piblisite