THU PHLAAN 7:15 - Cho Bible Common Language 2016

¹⁵ Cun ah kyasei ngami cu Khanpughi ah mangkiaang ah maa ah ng’düi u ne, amü ak hnüüp pum im kyong ah om ne khawihnah ci gui. Mangkiaang ung ngok ci naw ngami cu ngung gui ne, küikyaan gui ci.

THU PHLAAN 7:15 Referans Kwoze

THU PHLAAN 22:3

Khanpughi ah m’shetkat nak gah ci phung cu api ah phi cun ah mang gaw ung kä hmuh vai nei. Khanpughi la Htomehta ah mangkiaang cu cun ah mang gaw ung om sei, ak chang gui naw khawihnah khai gui nei.

2 KORIN 6:16

Khanpughi ah pum im cu a gup gui awn ng’thu kä khän hlawt khai gui. Mikmi cu Ghing ciah Khanpughi ah Pum im ah mi kyak ci! Khanpughi amät naw; “Ka chang gui awn ka im ka pyang khai, Ami ng’lung ah ka om khai! Kei cu ngami ah Khanpughi, Ngami cu kei ah chang gui ah kyak khai gui” ci ne pyein ci.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

1 SHONTÄP NAK 23:25

David naw, Bawipa Israel Khanpughi naw a chang gui am dimdeeih nak pe gui ci, ani amät phi Jerusalem ung ngawi yä om khai.

THU PHLAAN 22:5

Khaw amünak kä om ba khai. Mei im la hni ng’shü kä hlü ba khai, a i ah kyasei ci ung Bawipa Khanpughi cu ngami ah akdei ah kiak khai, ngami naw ghangpughang ah kya ne ngawi yä uk khai gui.

THU PHLAAN 11:19

Cun kawn ah khanmawpi ah pum im cu ng’hmawng law khätah, Thukhän M’küm cu ka hmuk ci. Acun yah ung khaw lailäp ne ng’hmumkyeek ne, shipi thüng ne, gääi nu bawh ne khawshe ne aa lawk ci.

THU PHLAAN 7:9

Cun kawn ah teng ba netah a u naw kä ak khei yawp hlawt vai ah maw ng’nään khli ng’peeih cu ka hmuk ci. Ngami cu akhui päng, apa päng, a khaw päng, ak chang päng ungka lawk ci gui ah kiak ci. Ngami cu suinu a bawk bäng bäng sui u ne, hliip ah ng’baan kawt sek sek u ne, mangkiaang la Htomehta ah maa ah ng’düi ci gui.

THU PHLAAN 4:4

Cun ah mang kiaang ah ng’veing ung a hei mang kiaang m’ku-lei-phli om ci. Cun ah kiaang gui ung aghaampa sing m’ku-lei-phli ngok ci gui. Ngami cu a bawk bäng bäng sui u ne, ghui lukhu ng’büng bäng bäng ci gui.

HEBRU 8:1

Mi pyein nak ah mawng avan ung ak tung pi cu, mik im ung cun ah Taigü Tung a om pyi ah mawng ah kyak ci. Ani cu Khankho Ghangpughang ah Mangkiang k’pat lam ung ngok ci.

1 KORIN 3:16

Nangmi cu Khanpughi ah pum im ah nami kyak ci, nangmi ung Khanpughi ah Mumcha om ci! cicu akcang ah nami hmat ciah kä kya ne-ang!

1 GHANGPUGHANG GUI 6:13

Nang naw na cawh ah shin ah Taigüim ung ka chang gui Israel ah ng’lung ah kei cu ka om khai, kei naw kä ka nawng gui phung khai.”

PHYAWN NAK 29:45

Kei cu Israel chang gui ah ng’lung ah ka om khai. Kei cu ami na Khanpughi ah ka kyak khai.

THU PHLAAN 20:10

Chang gui cheishoh sak gui ciah khoshe cun phi yam meidäi ung yuk shum ci gui. Acun ah mei ung khiküi la purofet she phi ami yuk shum pyi ah kyak ci. Ngami cu amü ak hnüüp hta ng’shon ung dukdeiu nak gah khai gui.

TAIGÜTHUM 26:11

Kei cu theing ciah Phung kyong ung nami ng’lung ah ka om khai, kei cu nangmi ungka a hei ah kä ka hteit phung khai.

EZEKIEL 37:27

Kei cu ngami awn atäng ah acu ah ka om khai: kei cu ngami ah Khanpughi ah ka kyak khai, ngami cu kei ah chang ah kyak khai gui.

THU PHLAAN 4:8

Cun ah khiküi paphli cu, ami ng’phia pachuk ci lawk ci, ami pum akpung akyong avan ung mik bäng ah kyak ci. Amü ak hnüüp ngami cu kä ng’düm phung ne ng’äi m’cu u ne; “Aktheing, aktheing, aktheing cu Bawipa nei, Hlüngtai pi säih ne, Zanta, tuhngawi, ngawi yä angtäi ghing ciah Khanpughi nei,” ci ne m’kümtou ci gui.

THU PHLAAN 4:9

Mang kiaang ung ngo ne, angtäi sei ghing ne om ciah Bawimang ah bühmang nak, hlüngtai nak, küikyang nak gui cu, khiküi paphli naw ng’äi m’cu ne m’kümtou ci gui. Acun päng ung,

THU PHLAAN 13:6

Ani naw Khanpughi ni, Khanpughi ah angming ni, a om nak ah khanmawpi ni gui cu tün ne shetkat sak pyi ci.

THU PHLAAN 21:22

Cun ah mang gaw ung pum im cu kä ka hmuk ci. A i ah kyasei ci ung, cun ah pum im cu hlüngtai pi bäih ciah Bawipa, Khanpughi la Htomehta ah kyak ci.