THU PHLAAN 7:11 - Cho Bible Common Language 2016

¹¹ Khankho chang gui ami van naw, mangkiaang ni, aghaampa gui ni, khiküi paphli ni gui cu, ‘Kium na ne ng’düi ci gui. Cun kawn ah ngami cu mangkiaang ah maa ah kawp u ne, Khanpughi cu khawihnah u netah,

THU PHLAAN 7:11 Referans Kwoze

THU PHLAAN 4:10

aghaampa m’ku-lei-phli naw angtäi ah ghing ne mangkiang ung ngok ciah, Bawimang ah maa ah m’khuukdong ne, khawihnah ci gui. Ngami naw mang kiaang ah maa ah ami lukhu gui cu m’shän u netah;

THU PHLAAN 4:6

Acun ah mang kiaang ah maa ung pyüülung ah mäih ah vai ci cu om ci. Mang kiaang ah ng’veing ak kit päng ung khiküi paphli om ci. Cun gui cu ami hnu ami maa ah mik bäng ah kya ci gui.

THU PHLAAN 11:16

Khanpughi ah maa ah mangkiaang gui ung ngok ci gui ah a ghaampa m’ku lei-phli naw, Khanpughi cu khawihnah u netah,

THU PHLAAN 4:4

Cun ah mang kiaang ah ng’veing ung a hei mang kiaang m’ku-lei-phli om ci. Cun ah kiaang gui ung aghaampa sing m’ku-lei-phli ngok ci gui. Ngami cu a bawk bäng bäng sui u ne, ghui lukhu ng’büng bäng bäng ci gui.

HEBRU 1:6

Cun ung phi Khanpughi naw ng’tüi htük ciah A Htapa cu m’dekhan ah a tüih law vai ung, “Khanpughi ah khanchang avan naw, Ani cu ami khawihnah vai nei”, ci ne pyein ci.

JOHAN 5:23

Cun ah kyak sei Apa kyih-aa ah mäih ah A Htapa phi chang van naw a kyih aa vai nei. A Htapa kä kyih aa ci cu, tüi lawk ciah Apa kä kyih-aa ciah kyak ci.

MATTHE 4:10

Bawipa Jesuh naw, “Khoshe a hei ah hteit ä! Cacim ung, ‘Na Bawipa Khanpughi bäng na khawihnah vai, ani ah bi bäng na bi vai!’ ciah om ci nei, cine k’täm ci.

THU PHLAAN 22:9

Khankho chang naw, “Shik cha ah kä na bi vai, kei cu nang ah püipaw ah ka kyak ci, na phäi nau purofet gui la shin ah cauk ung om ciah cacim läk ciah chang gui ah püipaw ah phi ka kiak ci, Khanpughi bäng na khawihnah vai nei” ci na kyak nak ci.

THU PHLAAN 15:4

Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.

SAM 97:7

A gup khawihnah ci gui phung cu lü ng’a ci gui nei, khanpughi gui ami van cu Bawipa ah ma ah kawp ci gui nei.

SAM 45:11

Nang ah na kyom cu ghangpughang naw m’hni khai nei; Ani cu na bawi ah kyak ci, cun ah kyasei na ngaih vai.

THU PHLAAN 4:8

Cun ah khiküi paphli cu, ami ng’phia pachuk ci lawk ci, ami pum akpung akyong avan ung mik bäng ah kyak ci. Amü ak hnüüp ngami cu kä ng’düm phung ne ng’äi m’cu u ne; “Aktheing, aktheing, aktheing cu Bawipa nei, Hlüngtai pi säih ne, Zanta, tuhngawi, ngawi yä angtäi ghing ciah Khanpughi nei,” ci ne m’kümtou ci gui.