THU PHLAAN 7:10 - Cho Bible Common Language 2016

¹⁰ Ngami naw, “Hun nak cu mangkiaang ung gok ciah mi Khanpughi la Htomehta ungka lawk ci nei” cine m’lau ci gui.

THU PHLAAN 7:10 Referans Kwoze

THU PHLAAN 19:1

Cun kawn ah khanmawpi ah chang khli ah k’aw ah mäih cu ka ng’yak ci. Cun ah k’aw naw Khanpughi m’kümtou vä, Khanpughi cu hun nak, bämang nak la hlüngtai nak awn be ci nei.

SAM 3:8

Näng nak cu Bawipa ungka lawk ci nei. Ani naw a chang gui cu hrilham pe gui sä.

THU PHLAAN 12:10

Cun kawn ah khanmawpi ah ng’shan ciah k’aw naw, “Tuhbäi Khanpughi ah hun nak cu gawk law pyi ci nei! Tuhbäi Khanpughi naw Ghangpughang ah a kyak ah mawng dang sak pyi ci nei! Tuhbäi a Messiah naw a huham dang sak pyi ci nei! Mi Khanpughi ah maa ah ng’düi netah, amü ak hnüüp mi phäi nau gui shetkat sak gui ci cu khankho ah kaa k’täm pyi ci gui nei.

ISAIAH 45:21

Law ne nami mawngma cu yung ah pyen law vä; Ami chaak gui cu ami mät ng’ge ng’pai u sä. A i ah kya lawk khai ci cu cau pui a u naw cängbang ne ang? A chang gui hun gui ciah kei, Bawipa khanpughi ah kä kya ne ang? Cun kawn ah ahei khanpughi kä om ci nei.

THU PHLAAN 22:3

Khanpughi ah m’shetkat nak gah ci phung cu api ah phi cun ah mang gaw ung kä hmuh vai nei. Khanpughi la Htomehta ah mangkiaang cu cun ah mang gaw ung om sei, ak chang gui naw khawihnah khai gui nei.

EPHESIAN 2:8

Khanpughi ah m’gein nak ung yum nak awn hun nak nami gah ci. Nami mät ah ni kyom nak la k’tha nak awn ah kä kyak ci, Khanpughi ah m’gein nak ah kyak ci. Cun ah kyasei a u naw a khäh ghah nak vai kä kyak ci.

JOHAN 1:29

A ngawi ung Bawipa Jesuh a law Johan naw hmu netah, “Teng vä! Ani cu, khomdek khan ah hmakat nak hteh püi ciah Khanpughi ah Htome hta nei.”

ISAIAH 43:11

“Kei bäng nei Bawipa ah ka kiak, kei bäng naw nei, nangmi ka ning hun gui hning ci.

THU PHLAAN 21:5

Cun kawn ah mangkiaang ung ngok ci naw, “Tuhbäi ung a päng avan cu akthai ah ka pyang ba ci nei” cine pyein ci. Bawipa naw, “A shin ah ng’thu cu ng’düng ne yum vai ah kyak ci kyasei gu ne nami m’hnüt vai nei” cine pyein ci.

LUKA 3:6

Hnicim chang avan naw Khanpughi ah hun nak cu hmuk khai nei” ciah kyak ci.

JEREMIAH 3:23

Khomhtung khan ah khungzo kami khawihnah ah phäh ah keimi a i naw kä na m’htei gui ci nei. Israel gui m’htei gui cicu Bawipa kami khanpughi bäng ung ka lawk ci nei.

THU PHLAAN 5:7

Cun ah htomehta naw law ne mang kiaang ung ngok ciah k’pat lam kut ungka ca k’chaw cu lak ci.

THU PHLAAN 4:6

Acun ah mang kiaang ah maa ung pyüülung ah mäih ah vai ci cu om ci. Mang kiaang ah ng’veing ak kit päng ung khiküi paphli om ci. Cun gui cu ami hnu ami maa ah mik bäng ah kya ci gui.

JOHAN 4:22

Nangmi Samaritan chang gui naw, a u nami khawihnah kä nami hmat ci, keimi Jew chang gui naw a u kami khawihnah cu kami hmat ci; a i ah kyasei ci ung hun phiawn nak cu Jew chang gui ung kaa, gawk lawk ciah kyak ci.

JOHAN 1:36

“Teng tu vä, Khanpughi ah Htome hta cu ani nei” cik ci.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

JONAH 2:9

Cun ung phi kei naw ng’äi ne ka ning m’tam khai nei; Khawihnah nak ka ning douthak khai nei, ka shaitak ah mäih ah ka bik khai nei. Hun nak cu Bawipa ungka lawk ci nei!”

HOSEA 13:4

Bawipa naw pyen ci, “Kei cu Egypt khaw ah ka ning law püi ba gui ciah Bawipa nami Khanpughi ah ka kyak ci. Kei ah kawn ah nangmi ung ahei Khanpughi kä om ci. Kei cu nangmi ah Hunbawi ah ka kyak ci.

ISAIAH 45:15

A Chang gui hun gui ciah Israel khanpughi cu, amät naw amät thup ciah khanpughi ah kyak ci nei.

SAM 115:1

Nang bäng ung, O Bawipa, Nang bäng ung, keimi ung ah kä kyak ci, Na bämang nak cu om khai nei, a i ah kyasei ci ung ng’täi ciah nam hni nak la na bekhüt ah hmawk ah kyak ci.

SAM 37:39

Ng’düng ciah chang cu Bawipa naw hun ne, khüikha nak ung phi shung vong ci.

ZEKHARIAH 4:7

Khomhtung teih ah däm ciah tüihtok nak gui cu nang ah ma ah maih yawp khai. Nang naw Taigüim cu na co ba khai. Nang naw ak hnukbäih ah lung cu a hmun ung na ng’lin yah ung, chang gui m’lau u ne, ‘Kiom ci nei! Kiom ci nei!’ ” cik khai gui.