THU PHLAAN 6:9 - Cho Bible Common Language 2016

⁹ Htomehta naw ak hma nak ah mhnüt nak cu khawk ne hmawng khätah, Khanpughi ah ng’thu ami ng’shäu ah hmawk la bekhüt ne ami saksi ah hmawk ah ami ngawn gui ah mümcha gui cu, sonkiaang ung om u sei ka hmu gui ci.

THU PHLAAN 6:9 Referans Kwoze

THU PHLAAN 20:4

Cun kawn ah mangkiaang gui cu ka hmuk ci. Cun ung ngok ci gui cu m’khoichaa nak vai ah huham ami peit gui ah kyak ci. Cun kawn ah Bawipa Jesuh ah m’dang ah düng nak la Khanpughi ah ng’thu ami pyein ah hmawk ah ami ngawn gui ah, ami mümcha gui cu ka hmuk ci. Ngami naw khiküi la ani ah gup cu kä khawihnah ci gui. Ami m’calai la ami kut ung phi khiküi ah m’hnüt nak cu kä la tuk ci gui. Ngami cu ghing ne tho law ba u ne, Bawi Khrit awn atäng ah khokum phiaa ghaa ung ghangpughang ah mäih ah uk tuk ci gui.

JOHAN 16:2

Nangmi cu pum im ungka ning k’täm gui khai gui. Chang gui naw nangmi ning ngawn gui netah, Khanpughi ah bi kami bik ci, ci ne ami ngaih nak ah khin gawk lawk khai.

THU PHLAAN 1:9

Kei cu a khawpäng ciah chang gui naw ami bui awt ah geinvai nak awt ciah nami paw, Bawipa Jesuh ah chang, nami phäi Johan ah ka kiak ci. Kei cu Bawi Khrit ah düng nak la Khanpughi ah ng’thu ka shäu ah hmawk ah, patmos ng’lei ung ami na üüp ah kyak ci.

THU PHLAAN 2:13

Nang a hawi na om cu ka ning hmat ci, nang cu satan ah kiaang ung na om ci. Bekhüt ciah ka chang Antipas cu Satan ah om nak ung ami ngawn yah ung, nang cu kei ung ng’düng ne na yum nak kä na nawng ci.

2 TIMOTHI 1:8

Cun ah kyasei mi Bawipa mawng saksi vai ah kä na lü ng’aa vai. Bawi Khrit ah chaw ah thawng ka kium ciah kei phi kä na na ng’aa nak vai. Khanpughi ah ning peit ah k’thagui awn geinvai nak cu na dou tu vai nei.

THU PHLAAN 16:7

Cun kawn ah sonkiaang ungka lut lawk ciah k’aw naw, “A hlüngtai säih Bawipa, Khanpughi! Nang ah m’khoichaa nak cu ak cang ah ng’düng ne chün ci nei” cine a pyein cu ka ng’ya ba ci.

THU PHLAAN 14:18

Cun kawn ah mei ah däi ciah khankho chang tumat cu sonkiang ungka lut lawk ci. Ani naw sangnawn kawt ciah khankho chang-am, “Na sangsawn awn khomdek khan ah sapyit gui cu yuk khäm ä, up yawp pyi ci gui nei” cine m’lau ci.

THU PHLAAN 1:2

Johan naw Khanpughi ah ng’thu la Jesuh Khrit ah m’dang ah düng nak cu a hmuh ah mäih bä bä ah a guk ba ah kyak ci.

PHILIPPIAN 1:23

Kei naw hnih ah ka ngaih nak om ci, kei cu shih ah ghin nak nawng shüt ne Bawi Khrit ung ang htei ah ka om hlük ci, cun cu kei ah hmawk ah bä pi ci.

2 KORIN 5:8

Kei mi cu k’thamah nak om sei, pumsa im cu nawng shüt ne, Bawipa awn a täng ah om vai cu kami ng’ya hlü pi ci.

TAIGÜTHUM 4:7

Ani naw Phung ah kyong ah m’khih nak ah ng’ui ciah sonkiang ah akit gui ah alawi gui ung cun ah si awn a mek vai. Phung ung valuh nak ah m’khih ne khawihnah nak ah sonkiang ah akung ung pawih ba ciah si cu ak peh vai.

THU PHLAAN 19:10

Cun ah kyasei kei naw a khaw pei ah kawp ne ka khawihnah khai pawng ngätah, khankho chang naw, “Kä na bi vai! Kei cu nangni, na phäi nau gui ni, Bawipa Jesuh ah m’dang ah ang thu düng läk ciah chang gui ni ah püipaw changshäm ah ka kyak ci, Khanpughi vah na khawhnah vai” cine na pyen nak ci. Bawipa Jesuh ah m’dang ah ng’thu düng awn vah purofet gui cu hnün thawh nak gah ci gui.

THU PHLAAN 8:3

Cun kawn ah ghui tawnglang kawt ciah, khankho chang a hei cu law ne, sonkiaang ah pei ah ng’düi lawk ci. Ani cu mangkiaang ah maa ah ng’düi ciah ghui sonkiaang ah khan ah Khanpughi ah chang gui naw ami taigü nak vai la m’khih ne ami sonkiaan nak vai ah tui ng’uui akda ami peit ah kyak ci.

2 TIMOTHI 4:6

Kei läi cu ng’ghuthaa nak ah ka kyak nak vai ah akhin gawk law pyi ci nei, shin ah ghin nak kang kawn taak vai ah a khin phi ng’et lawk ci nei.

THU PHLAAN 9:13

Akchuk nak ah khankho chang naw ak phyungheng tum khätah, Khanpughi ah maa ah ng’düi ciah ghui sonkiang ah ak kit phli ung kaa, ng’thu k’aw cu gawk law sei ka ng’yak ci.

PHILIPPIAN 2:17

Nami yum nak awn Khanpughi am nami peit ah khawihnah nak ah khan ah, kei ah ka hnun si cu kam soi ah a kyak ung phi kei cu ka yei ci nei, nangmi phi ka ning yei sak gui ci nei.

ATÜNNAK 4:10

Khanpughi naw, “A i ah kyasei shin ah akshe na bi ang? M’dek ung long ciah na nau ah si naw phu tuk vai ah mäih ah k’aw awn na khü ci nei.

PHYAWN NAK 29:12

Vantang ah si cu la ne, na kutpyün awn tawk neta, sonkiang ah a lawi gui cu na hluk vai. K’pawih ba cicu sonkiang ah kung ah na hluk vai.

HEBRU 12:23

Nangmi cu Khankho ah ang ming ami guk ah Khanpughi ah hta ak tahnga gui ami ng’bum nak ah yeikyai ne nami gawk pyii ci nei. Nangmi cu hnicim chang avan m’khoichak ciah Khanpughi la kümbe ciah chang gui ah mümcha gui ah om nak ah nami gawk pyii ci nei.