THU PHLAAN 6:8 - Cho Bible Common Language 2016

⁸ Kei naw teng netah, ng’se amvaw tumat cu ka hmuk ci. Cun ung ng’cum ciah ang ming cu sihnak ah kyak ci. Ani ah hnu ah m’htei khaw naw läk lawk ci. Ngami naw khomdek ah khan, k’bum phli ung kaa k’bum ät ung om ci gui cu, ng’tuk nak, khaw ah yaw nak, lei ah sou nak, ng’plouh ah kiun nak, gui awn sihnak vai ah huham cu gah ci gui.

THU PHLAAN 6:8 Referans Kwoze

HOSEA 13:14

Kei naw shin ah chang gui cu sih nak ah khaw ungka kä ka hun gui khai. Sih nak ah huham ungka kä ka gung gui khai. Sih nak, na leigai cu law püi ä, Kei cu shin ah chang gui ah phäh ah kä ka yeikyai ba ci nei.

THU PHLAAN 1:18

Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.

ZEKHARIAH 6:3

Ak thum nak cu ng’se abawk naw kaih ci, ak phli nak cu ng’se a pyawk naw kaih ci.

EZEKIEL 5:12

Nami Chang gui ung bum thum bum ät cu gawpyam nak la ei ah cawi ne mang gaw kyong ah sik khai gui; bum ät cu mang gaw k’pung ah khimsem awn tupit gui khai gui; bum ät cu khokhi ung m’shou ne kei naw khimsem awn k’täm ne ka tu gui khai.

JEREMIAH 16:4

Ngami cu kyihkyawk vai ah gaw nak ung sik khai gui, ngami ah phäh ah a u kä thüisei khai, a u naw kä phuk gui khai. Ngami ah pumsa gui cu m’dek ung eek ng’pum ah mäih ah ng’zäu khai gui. Ngami cu ng’tuk nak ung ngawn gui khai gui, ei ah cawi ne sik khai gui, ngami ah pumsa gui cu kha gui ah ei, khisa gui ah ei ah kyak khai.

THU PHLAAN 9:18

Cun ah ng’se gui ah m’gawng ung lut lawk ciah meikdäi, meikhu la m’äm gui naw, chang ah hta avan ah bumthum bum ät cu sih sak yawp ci.

ISAIAH 25:8

Uktu Bawipa naw sih nak cu khonglän ung m’di khai! Ani naw chang pang ah mik ungka ng’phli tui cu ghu pe ne, kho ah ka avan ung a chang gui ah thüivat nak cu lak pe gui yawp khai. Bawipa amät naw a pyen nei!

THU PHLAAN 9:15

Cun ah kyasei khankho chang paphli cu k’phyan tu ba gui ci gui. Ngami cu a i kum, a i chaa, a i hnüüp, a i ah khin ung phi, hnicim chang avan ah bumthum bum ät cu ngawn ge vai ah om ci gui ah kyak ci.

1 KORIN 15:55

“Sih nak, nang ah k’sam mei cu a hawi ang? Sih nak nang ah m’khütnäng nak cu a hawi ang?

HABAKKUK 2:5

Mang cicu theileh ci, m’gäi cicu chang ah ng’shei ci, pheetlah ci. Sih nak ah mäih ah ami ng’büh nak kä om ci, a i ah kyasei ci ung ngami naw changpakhui päng tu ne khäm ci gui.

JEREMIAH 16:16

Bawipa naw pyen ci, “Law ne shin ah chang gui pha gui khai gui ah kei naw ngakpha chang akda ka tüi ci. Cun kawn ah kei naw sak züh gui akda ka tüi ci, ngami nawkhogui khomhtung päng gui la lungkhui gui ung züh gui khai gui.

MATTHE 11:23

Aw Kapernaum gawnu, nang cu khankho ah khüt khai ah, m’hlüngtai nak na gah khai ah na ngai ci ma? Nang cu m’hteikho ah khüt sei yuk buh nak na gah khai nei. Nang ung kamdang ah cäi aih gui vai cä, Sodom gawnu ung kamdang vai sü ung, cun ah gawnu cu tuhgüt om khai süte.

JEREMIAH 43:11

Nebukhadnezzar naw law ne Egypt cu hnim khai. Cun ah chang gui gawp yam nak ung sik khai gui cu, gawpyam ne sik khai gui, pha ne ami hteh püi gui vai cu pha ne hteh püi khai gui, ng’tuk nak ung ami ngawn vai gui cu ng’tuk nak ung ngawn gui khai gui.

NG'THU K'THUUK~ 5:5

Ani naw sih nak ah khaw ung ning yuk kyak khai, ani ah hteh nak lam cu sih nak lam ah kyak ci.

THU PHLAAN 12:4

Ani naw khankho mik ah aisi gui bumthum bum ät cu ang mei awn hang kui ne m’dek ah yuk chah gui ci. Cun ah shawk sennu cu hnuminu ah maa ah ng’düi ne, a hta law nak ge vai ah ak hmaw cu, ei khai ah ngäng ci.

JEREMIAH 14:12

Ngami ei ami hlawi ung phi kei naw ka m’htei gui vai ah ngami naw ami k’thäh cu kä ka ngai khai; ngami naw m’khih ne douthak nak la htang-douthak nak ami na douthak law ung phi kei naw kä ka yei na gui khai. Cun nak vaisü ung ng’tuk nak, ei cawi nak la gawpai nak awn kei naw ka ngawn gui kei.

JEREMIAH 24:10

Kei naw ngami la ami pupa gui am ka pek ah shin ah khaw ung chang tumat phi kä a om ba güt ung ng’tuk nak, ei cawi nak la leigai cu ami khan ah ka law püi khai.”

JEREMIAH 29:17

M’gäi ciah Bawipa naw pyen ci, Kei naw ng’tuknak, ei cawi nak la gawpyam nak cu ngami ah khan ah ka law püi ci, kei naw ngami cu ei ung kä ni ne upaih ciah thei ah mäih ah ka pyang gui khai.

EZEKIEL 29:5

Kei naw nang la nga gui avan cu khong gau khaw ah ka ning ghawt gui khai. Na pumsa cu khomdek ung kya lawk khai, kä phuh ah ning nawng khai gui. Kei naw kha gui la khisa gui am ami ei vai ah ka pe gui khai.

MATTHE 24:7

Chang pakhui tumat la tumat uknak khopäng tumat la tumat, ng’tuk nak om khai. Akho päng ung ei vai maih khai, shihpi thüng khai,