THU PHLAAN 6:16 - Cho Bible Common Language 2016

¹⁶ Ngami naw khomhtung gui la lung k’song gui-am, “Mangkiaang ung ngok ciah mik hmai kä kami hmuh vai la Htomehta ah m’lung k’she nak kä kami gah vai ah, kami khan ah kya law ne keimi cu na thup gui ä!

THU PHLAAN 6:16 Referans Kwoze

LUKA 23:30

Cun ah akhin ung chang gui naw, khomhtung gui-am, ‘Keimi ah khan ah piawn ne kya law vä’ ci u ne; khogui gui-am, ‘Keimi ng’min ne na lin law gui ä’ cine kyak khai gui.

HOSEA 10:8

Aven gawnu m’htung lai ung phung gui, Israel chang gui naw agup ami khawihnah nak gui cu, di khai gui. Ng’hling gui la m’ghaw gui naw ami sonkyang gui cu k’düi khai gui. Chang gui naw khomhtung gui cu khü u ne, “Na thup gui ä!” khogui gui cu khü u ne, “Na shung gui ä!” cik khai gui.

THU PHLAAN 4:2

Kei naw ka ng’yak htük ah phyungheng ah ng’gin ah mäih ah ng’ging ciah k’aw naw”, shin ung law ä, ngawi ah ng’dang lawk khai gui ah a mawng cu ka ning hmuh sak khai” cine pyein ci. A cun vai-am Mumcha cu kei ah khan ah gawk lawk ci. Khanmawpi ah mang kiaang tumat om ci, Cun ah kiaang ung mang tumat ngok ci.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

MATTHE 26:64

Bawipa Jesuh naw, “Nang naw na pyein cu hman ci nei, kei naw akcang ka pyein cu, ngawi ah chang ah Htapa cu hlüngtai pibäih ciah Bawimang ah k’pat lam ah a ngoh la khomei bawk cun ne a kyum law ba cu nami hmu lawk khai nei,” cine pyein ci.

JEREMIAH 8:3

Shin ah pakhuishe chang gui ungka k’pawih ba cu gui, kei naw ka k’püi nak hmun gui ung on ci gui cu ami ghin vai ah k’dam ah ami sih vai cu m’hni khai gui. Kei, m’gäi ciah Bawipa naw ka pyen nei.”

THU PHLAAN 19:15

Khaw nüng chang päng a heem nak vai ah am gawng ung khim k’ghaat lut lawk ci. Ani naw chang gui cu m’si k’htei pawng awn uk gui khai. Ak hlüngtai pi k’bäih Khanpughi ah m’lungshe nak ah kyak ciah sapyit neen nak ah khui ung sapyit cu neen khai nei.

THU PHLAAN 10:6

ng’shon päng ung ghing ne, khankho la khomdek, tuinu la apäng avan tüi sho ciah Khanpughi ah ming cu han be netah, “Cän kawn ah kä shou shü ba khai nei!

THU PHLAAN 6:10

Cun ah mümcha gui naw, “Ng’ciim ne, ng’düng ne, hlüngtai pi bäih ciah Bawipa, keimi ami na ngawn gui ah hmawk ah khomdek khan ah chang gui cu kä m’khoichaa, kä m’shetkat gui ah a i güt na om khai ang?” cine m’lau ci gui.

THU PHLAAN 4:9

Mang kiaang ung ngo ne, angtäi sei ghing ne om ciah Bawimang ah bühmang nak, hlüngtai nak, küikyang nak gui cu, khiküi paphli naw ng’äi m’cu ne m’kümtou ci gui. Acun päng ung,

THU PHLAAN 4:5

Mang kiaang ah kyong ung khaw lailäp ne ng’thüi ne ng’hmum kyeek ciah ak aw gui lut lawk ci. Mang kiaang ah maa ah Khanpughi ah Mumcha pachih ah kyak ciah mei im pachih cu däi ne khang ci.

SAM 14:5

Cun ah kyasei ngami cu kyikyawk khai gui, Khanpughi naw ani ngai cicu om püi ci.

ISAIAH 2:10

Ngami cu lung m’htung ah khui gui ung ng’thup khai gui, Bawipa ah m’lungshe nak ami phyawn nak vai la a huham la a bämang nak ung ka, ami ng’thuh nak vai ah k’tha na ne m’dek ung khui shawk khai gui nei!

MAKUH 3:5

Cun ah chang gui ah shekha m’ghämce ah hmawk ah, Bawipa Jesuh cu thüi ah phi thüi ne, am lung phi she khätah, ngami lam ah ng’hlat ne teng gui netah, a kut shuum ciah chang-am, “Na kut cu hei phiäih ä” cine pyen nak ci. Ani naw a kut hei phiäih khätah a kut cu akni ah kya ba ci.

THU PHLAAN 5:1

Mang kiaang ung ngok ciah akpat lam a kut ung ca k’chaw cu ka hmuk ci: cun ah ca k’chaw cu vang ah vei ah ca be sei gu ne, m’hnüt nak chih awn m’hnüt ah kyak ci.

THU PHLAAN 9:6

Cun ah chaa hma ah kyong ung chang gui naw sih nak vai shui khai gui, cun ung phi kä hmuk khai gui, ngami cu si hlük khai gui, cun ung phi sih nak naw lek gui khai.