THU PHLAAN 6:10 - Cho Bible Common Language 2016

¹⁰ Cun ah mümcha gui naw, “Ng’ciim ne, ng’düng ne, hlüngtai pi bäih ciah Bawipa, keimi ami na ngawn gui ah hmawk ah khomdek khan ah chang gui cu kä m’khoichaa, kä m’shetkat gui ah a i güt na om khai ang?” cine m’lau ci gui.

THU PHLAAN 6:10 Referans Kwoze

THU PHLAAN 19:2

Ani ah m’khoichaa nak cu ng’düng ne ng’khän ci nei. Ashetkat nak awn khomdek chang gui cheishoh sak gui ciah pletbeng ciah hnumi cu m’kat pyi ci nei. Ani naw Khanpughi ah chang gui a ngawn ah phäh ah Khanpughi naw am kat ah kyak ci nei” cine m’lau ci gui.

THU PHLAAN 11:18

Na m’lungshe nak ah a khin cu gawk law ne, Si pyi ci gui m’khoichaa nak ah akhin cun phi gawk law sei, m’dek chang gui cu m’lungshe ci gui nei. Bawipa ah akchangshäm gui, purofet gui, nak chang gui la ning kyih aa ci gui naw, a yaw a däm ah ciah, m’cümhnah nak ami gah nak vai ah khin gawk lawk ci nei. Khomdek shekat sak ciah chang gui, m’shet m’kat nak gui vai ah, a khin gawk lawk ci nei” ci ne Khanpughi ah maa ah ng’thu pyein ci gui.

ROMAN 12:19

Teihpüi gui aw, phu kä nami tuk nüng nüng vai, Khanpughi amät naw katnak cu m’htei khai nei. Cacim theing ung, “Kei naw phu ka tuk khai, katnak ah ciah kei naw ka thung khai,” ci ne Bawipa naw pyein ci.

SAM 9:12

Dukdeiu nak gah ci gui cu Khanpughi naw shüm gui ci; ngami ah ng’hui ng’pa nak cu kä m’hnih ci, ngami ah khan ah ak ka bik ci cu m’kyuk ci.

THU PHLAAN 3:7

“Philadelphia Khrithabum ah khankho chang-am ca gu ne peit law nei: “Shin ah ca cu ng’ciim ne ng’düng ciah ng’cäi nak ah kyak ci. Ani naw David ah m’kawt k’hnawn nak cu kawt ci, ani naw m’kawt ak hnawn ung a u naw kä khai hlawt ci, ani naw m’kawt a khai ung a u naw kä k’hnawng hlawt ci.

LUKA 21:22

Cun cu “Hmakat m’kyuk nak ah hnüüp” ah kyak ci, ciah cacim ung kaa ang dang law nak ah kyak ci.

ZEKHARIAH 1:12

Khankho chang naw, “M’gäi ciah Bawipa, nang cu Jerusalem la Judah mang gaw gui ah khan ah tuhbäi güt khawkum chihkip ung na m’lungshe ci nei. Nam’gein nak gui na m’dang vai cu khaw a i güt sho ba khai ang?” cine ng’shik ci.

THU PHLAAN 18:20

Khankho chang gui cun ah mang gaw adi ah phäh ah yei vä, Khanpughi ah chang gui ang düihpüi gui, purofet gui yeikyai vä! Ani naw nangmi ah khan ah abi phung phung ah hmawk ah Khanpughi naw ani cu m’kat pyi ci nei.

THU PHLAAN 18:24

Babilon mang gaw ah dishum nak ah mawng cu purofet gui ah si, Khanpughi ah chang gui ah si, m’dek khan ung ami ngawn gui ah si gui cu cun ah mang gaw ung ali ah hmawk ah kyak ci.

SAM 79:10

A i ah kyasei changpakhui gui naw, “Nami Khanpughi a hawi ang?” cine ami na ng’shi gui ang. Na changshäm gui ah si ami huk ah phäh ah changpakhui gui na m’kyuk gui cu, na hmuh sak gui ä.

1 SAMUEL 24:12

Mi hma nak cu Bawipa naw m’khoi m’cha sä! Kei naw api ah phi kä na ning nat sak ci kyasei, nang naw kei ah khan ah hnu ng’tuk ne na hnün thawh nak cu Bawipa naw ning m’kyuk sä.

THU PHLAAN 3:10

A i ah kyasei ci ung nang naw ka ng’thu cu na k’püüi ne na khäm ci, m’dek ah khan ah chang gui phawtcam gui khai ah yaica nak a gawk law hnüüp ung, nang cu kei naw ka ning ngung khai nei.

ATÜNNAK 4:10

Khanpughi naw, “A i ah kyasei shin ah akshe na bi ang? M’dek ung long ciah na nau ah si naw phu tuk vai ah mäih ah k’aw awn na khü ci nei.

HEBRU 12:24

Nangmi cu thukhän k’thai pyang ciah ah Bawipa Jesuh la Abel ah si ah mä bä pi ciah shaitaak nak om ciah si ng’hlui ah ng’peh nak ung nami gawk pyii ci nei.

DANIEL 12:6

Ngani ungka tumat naw tui pang täng ah düi ciah khanchang cu ng’shik ci, “Shin ah cäicat vai ah amawng gui shi a i güt lüng neta ng’pyi khai ang?”

ISAIAH 61:2

Bawipa naw a chang gui a hun nak vai la Ami ga gui a tuk hnim nak gui vai ah akhin cu gawk law pyi ci nei, cine ng’thu ka shäu vai ah kei cu na tüi ci. Thüi kyap ci gui ami van k’büi gui vai ah kei cu na tüi ci,

SAM 35:17

Bawipa, na teng düt ne a i güt na om khai ang? Ngami ah ng’tuk nak ung na gung ne; Shin ah kawng gui ah kut ung ka, ka hnun nak phyawn ä!

SAM 13:1

O Bawipa, kei cu a i güt na m’hnih ne, na om lä khai ang? A i güt kei ah kä ning hmuh vai ah na ng’thup khai ang?

SUKI GUI 16:28

Cun kawn ah Samson cu k’taigü ne, “Bämang ciah Bawipa, nab ä ni, na shüm ba ä, ami na kawih ah phäh ah, Philistin gui ah khan ah hnü ät phu ka tuk nak vai ah, hnü ät hta bang thamah nak na pe ba ä” cik ci.

DANIEL 8:13

Cun kawn ah khanchang tumat naw ahei tumat ng’shi sei ka ng’yak ci, “Muimang ung hmuh ah shin ah mawng gui cu a i güt shou khai ang? Shin ah kyih vai ah katnak cu a i güt a hnüüptä khawihnah nak ah hnün ung om khai ang? A i güt khankho gakap gui la Taigüim cu kai nak khai gui ang?”

SAM 119:84

A i güt kei naw ka ning gin vai ang? Kei na dukdeiu nak ci gui cu khaw a i khäta na m’kyuk gui khai ang?

LUKA 2:29

“Bawipa, tuhbäi na shaitaak küm pyi ci kyasei, na chang shäm cu dimdeeih nak ah hteh sak ä.

2 PETER 2:1

Thuvi ciah profet gui caü ami dang man ah mäih ah, thuvi ne m’theithang ci gui cu nangmi ah ng’lung ah dang lawk khai nei. Ngahmi naw dimaih nak vai la käng düng ciah yum nak cu law püi u ne, na hun gui ciah Bawipa phi mak khai gui nei, Cun gui cu a shänghta dimaih nak ung gawk khai gui nei.

NG’ÄI KYAH 3:64

“O, Bawipa ami bi ah phäh ah m’kyuk gui ä.