THU PHLAAN 5:8 - Cho Bible Common Language 2016

⁸ Cun ah a lak vai-am khiküi paphli la aghaampa m’ku-lei-phli cu, htomehta ah maa ah kawp yawp u ne, ak chang sing naw tingtäu bäng bäng la Khanpughi ah chang gui ah taigü nak ah kya ciah tui ng’uui awn be ciah ghui eikbei gui cu kawt sek sek u netah,

THU PHLAAN 5:8 Referans Kwoze

SAM 141:2

Ka taigü cu ang ui ah mäih ah kakut ka shäng cu mühun lam ah khawihnah ah mäih ah na dou pe ä,

THU PHLAAN 4:10

aghaampa m’ku-lei-phli naw angtäi ah ghing ne mangkiang ung ngok ciah, Bawimang ah maa ah m’khuukdong ne, khawihnah ci gui. Ngami naw mang kiaang ah maa ah ami lukhu gui cu m’shän u netah;

THU PHLAAN 5:14

Khiküi paphli naw, “Amen” cine m’shang gui ci gui. A ghaampa gui naw, kawp ne khawihnah ci gui.

THU PHLAAN 4:4

Cun ah mang kiaang ah ng’veing ung a hei mang kiaang m’ku-lei-phli om ci. Cun ah kiaang gui ung aghaampa sing m’ku-lei-phli ngok ci gui. Ngami cu a bawk bäng bäng sui u ne, ghui lukhu ng’büng bäng bäng ci gui.

THU PHLAAN 19:4

A ghaampa m’kulei-phli la khiküi paphli naw, mangkiaang ung ngok ciah Khanpughi cu khawihnah u netah “Amen, Khanpughi cu m’kümto vä” cine m’lau ci gui.

THU PHLAAN 5:6

Cun kawn ah htomehta cu khiküi paphli la aghaampa gui ah ng’lung ah mang kiaang ah lai ung ng’düi sei ka hmuk ci. Ani cu küikyan nak vai ngawn pyi ah htomehta awn täng ci. Ani ung aki chih la amik chih om ci. Cun gui cu khomdek khan avan ung a tüih ah Khanpughi ah Mumcha chih ah kyak ci.

THU PHLAAN 4:8

Cun ah khiküi paphli cu, ami ng’phia pachuk ci lawk ci, ami pum akpung akyong avan ung mik bäng ah kyak ci. Amü ak hnüüp ngami cu kä ng’düm phung ne ng’äi m’cu u ne; “Aktheing, aktheing, aktheing cu Bawipa nei, Hlüngtai pi säih ne, Zanta, tuhngawi, ngawi yä angtäi ghing ciah Khanpughi nei,” ci ne m’kümtou ci gui.

SAM 33:2

Bawipa cu tingtäng tum ne hlüngtai vä. Gui awn pyan gui tum ne, ng’äi m’cu vä.

THU PHLAAN 15:7

Khiküi paphli ungka tumat naw, hta ng’shon ung om ciah Khanpughi ah m’lungshe nak awn be ciah ghui khawk chih cu khankho chang pachih-am pe gui ci.

THU PHLAAN 15:2

Cun kawn ah mei awn ng’caw ne k’tolung k’phlai nu ah mäih lawk ci cu ka hmuk ci. Khiküi ni, amät ah gup ni, ming khei nak khäm ci gui ni, ah khan ah näng nak gah ci gui cun phi ka hmu gui ci. Ngami cu Khanpughi ah peit gui ah tingtäu kawt u ne, ktoulung k’phlai ah mäih tuinu pei ah ng’düi ci gui.

JOHAN 5:23

Cun ah kyak sei Apa kyih-aa ah mäih ah A Htapa phi chang van naw a kyih aa vai nei. A Htapa kä kyih aa ci cu, tüi lawk ciah Apa kä kyih-aa ciah kyak ci.

SAM 81:2

Kho k’bei m’shang ne, kho k’htung tum vä; Tingtäng la chingchawng yeikyai ne tum vä.

SAM 43:4

O Khanpughi na mang kiang ung ka hteh law ung, nang cu ka yeikyai nak ah ang yung ah na kyak ci. Kei naw tingtäng tum ne, ng’äi awn ka ning m’tam khai nei, O Khanpughi, ka Khanpughi.

SAM 150:3

K’phyung heng tum ne m’tam vä. Tingtäng la k’pen tän tum ne m’tam vä.

HEBRU 1:6

Cun ung phi Khanpughi naw ng’tüi htük ciah A Htapa cu m’dekhan ah a tüih law vai ung, “Khanpughi ah khanchang avan naw, Ani cu ami khawihnah vai nei”, ci ne pyein ci.

JOHAN 1:29

A ngawi ung Bawipa Jesuh a law Johan naw hmu netah, “Teng vä! Ani cu, khomdek khan ah hmakat nak hteh püi ciah Khanpughi ah Htome hta nei.”

THU PHLAAN 4:6

Acun ah mang kiaang ah maa ung pyüülung ah mäih ah vai ci cu om ci. Mang kiaang ah ng’veing ak kit päng ung khiküi paphli om ci. Cun gui cu ami hnu ami maa ah mik bäng ah kya ci gui.

THU PHLAAN 5:11

Cun kawn ah han teng ba netah tämkäp phiakhak da ciah khankho chang gui cu ka hmuk ci. Ngami cu mang kiaang koi ne, khiküi paphli la aghaampa gui’ koi ne, ng’düi u netah,

THU PHLAAN 5:12

m’lau ne ng’äi ami m’cu cu; “Ami ngawn ah htomehta cu, Hlüngtai nak, bühmang nak, cüivai nak, khüighaat nak, Chang m’sui nak, bäkhäk nak, la m’kümtou nak, gui cu gah khai ah khin khaa ci nei” ciah kyak ci.

THU PHLAAN 6:1

Cun kawn ah Htomehta naw mhnüt nak pachih ungka ak htük bäih cu khawk ne hmawng sei ka hmuk ci. Khiküi paphli ungka tumat naw khaw hmum ah mäih ah ng’shan ciah ak aw awn, “Lawä” a ci cu ka ng’yak ci.

THU PHLAAN 13:8

Ami ngawn ah Htomehta ah ghinnak ca-uk ung khomdek khan kä a tüisho pha ge ung a guk ah, ming gui ah kawn ah k’pawih ba ciah chang phung naw khiküi cu khawihnah ci gui.