THU PHLAAN 5:5 - Cho Bible Common Language 2016

⁵ Cun kawn ah aghaampa gui ungka tumat naw, “Kä kyap ne teng ä, Judah pakhui ungka phongkawng ah mäih ah kyak ciah David ah hta ng’shon cu näng nak gah pyi ci nei, ani naw m’hnüt nak chih cu khawk ne, ca k’chaw cu k’phian hning ci nei,” cine pyein ci.

THU PHLAAN 5:5 Referans Kwoze

ISAIAH 11:1

David ah uknak cu chuk pit ah sing ghing ah mäih ah kyak ci; cun ung phi sing hmui lim ne akthai ah a toi law ba ah mäih ah, David ah hta ng’shon ung ka, ghangpughang akthai tho law bakhai.

THU PHLAAN 22:16

“Kei Jesuh naw nangmi Khrithabum gui-am shin ah a mawng gui cu shäu ne ning m’thein gui khai ah ka khankho chang cu ka tüi lawk ci nei. Kei cu David ah hta ng’shon ah ka kyak ci, ng’shü ne khang ciah thaihke aisi ah phi ka kyak ci.”

HEBRU 7:14

Bawipa Judah pakhui ung ang tüi law cu ak dei ang dang ah kiak ci. Moses naw taigü gui ah mawng a pyein nak ung, Judah pakhui cu kä pyein man ci.

ROMAN 15:12

Cun kawn ah Isaiah naw; “Jesse ah hta ng’shon tumat cu dang lawk khai nei: Ani cu khui hei chang gui uk gui khai ah lawk khai nei, Cun ah chang gui naw ani cu ak be ah ngaih u khai gui nei,” ci ne pyein ba ci.

ROMAN 1:3

Cun cu Khanpughi ah Htapa, mi Bawipa Jesuh Khrit ah mawng ah kya ci; Ani cu ak hnicim chang nak ah David ah ng’shon ung ng’tüi lawk ci;

ISAIAH 11:10

David ah uknak ng’shon ungka, pakhui gui m’hnüt nak vai ah ghangpughang akthai cu ani ah uknak mang gaw ung ng’bum u neta, ani cu m’tamkhah khai gui.

THU PHLAAN 6:1

Cun kawn ah Htomehta naw mhnüt nak pachih ungka ak htük bäih cu khawk ne hmawng sei ka hmuk ci. Khiküi paphli ungka tumat naw khaw hmum ah mäih ah ng’shan ciah ak aw awn, “Lawä” a ci cu ka ng’yak ci.

THU PHLAAN 4:4

Cun ah mang kiaang ah ng’veing ung a hei mang kiaang m’ku-lei-phli om ci. Cun ah kiaang gui ung aghaampa sing m’ku-lei-phli ngok ci gui. Ngami cu a bawk bäng bäng sui u ne, ghui lukhu ng’büng bäng bäng ci gui.

JEREMIAH 31:16

Na kyah ng’düm ne na ng’philitui cu ghu ä. Na hta nau gui ah phäh ah na bi gui avan cu akholä ah kä kyak khai; Ngami cu ga gui ah khaw ah kaa law ba khai gui.

THU PHLAAN 7:13

Aghampa gui ungka tumat naw, “Suinu a bawk bäng bäng sui ci gui cu, a u gui ang? A hawi kaa lawk ci gui ang? cine nang shik ci. Kei naw, “Bawipa aw, kei naw kä ka hmat ci nei, nang naw va na hmat ci” cine ka m’shang tuba ci.

THU PHLAAN 4:10

aghaampa m’ku-lei-phli naw angtäi ah ghing ne mangkiang ung ngok ciah, Bawimang ah maa ah m’khuukdong ne, khawihnah ci gui. Ngami naw mang kiaang ah maa ah ami lukhu gui cu m’shän u netah;

THU PHLAAN 1:1

Shin ah ca-uk cu Bawi Khrit ah m’dang ah muimang thu phlaan gui guk ah kyak ci. Khanpughi naw shin ah Thu Phlaan a peit ah mawng cu, ak changshäm gui-am kä shou pha sei gawk law ge khai ah amwang gui am thein nak gui ah kyak ci. Bawi Khrit naw ak khankho chang cu Johan ah om nak ah tüi law netah, shin ah Thu phlaan cu a hmat sak ah kyak ci.

JOHAN 20:13

Khankho chang goi naw, “Hnumi hta awi, a i ah kyasei na kyah ang?” cine ng’shik ci goi. Mari naw, “Chang gui naw kapa cu hteh püi ci gui, a hawi ami tha kä ka hmat ci nei” cine pyein ci.

LUKA 7:13

Bawipa Jesuh naw cun ah hmeinu cu hmuh ne m’gein aih netah, “Kä kyap ä” cine pyen nak ci.

KHEI NAK 24:9

Pakhui cu m’gäi ciah kawng hlui ah mäih ah kyak ci. Ani a ih sang ung a u naw kä m’tho dat ci. Israel am hriham pek cicu hriham gah khai, Israel plah tam cicu plah tam hmuk khai.”

LUKA 23:28

Bawipa Jesuh naw, cun ah hnumi gui lam ah ng’hlat netah, Jerusalem ah hnumi gui aw, kei ah hmawk ah kä kyap u ne, nami mät la nami hta gui ah hmawk ah nami kyah vai.

LUKA 8:52

Bawipa Jesuh naw, “Kä kyap vä, shin ah ak hmaw cu kä sik ci nei, ip ci nei” cik ci.

DANIEL 7:16

Cun ung ng’düi ci gui ungka tumat ah hteit ne, cun ah mawng avan ana m’thein vai ah ka thäh ci. Cun ah kyasei ani naw cun ah mawng cu na m’thein ci.

THU PHLAAN 3:21

Kei cu näng nak gah ne Kapa ah mang kiaang ung ani awn a täng ah kani ngoh ah mäih ah näng nak gah ciah chang cu ka mang kiaang ung ka pei ah a ngoh nak vai ah a khin cu ka pek khai nei.

THU PHLAAN 5:4

Cun ah ca k’chaw cu k’phian khin khai, teng khin khai, a u kä om khätah, kei cu m’lau ne ka kyap ci.

2 SHONTÄP NAK 9:18

Mangkiang ung kai nak vai ah hlaak ng’khän chuk lawk ci. Hlaak m’khän nak phi ghui bäng awn vook ah kyak ci. Mangkiang vang päng ung kut ng’pan nak gui om ne, vantäng päng ung phongkawng ah gup gui om ci.

JOB 41:15

Ani ah ak pang ung lung ah mäih ah kya ne shawi ah mäih ah ng’phoh ciah ak phlep gui om ci nei.