THU PHLAAN 5:13 - Cho Bible Common Language 2016

¹³ Cun kawn ah khankho, khomdek, khomdek ah kaa la tuinu ung la khaw ah kaa, m’dek ah khan ung om ciah akghing ak’om nici naw; “Mang kiang ung ngok ciah Bawimang la Htomehta cu, M’kümtou nak, chang m’sui nak, bämang nak, hlüngtai nak, cu ng’shon päng ung om sä” cine ng’äi ami m’cu cu ka ng’yak ci.

THU PHLAAN 5:13 Referans Kwoze

PHILIPPIAN 2:10

Cun ah kiasei khankho la khomdek ung om ci nüng ni, khomdek ah ka ah om ci nüng ni naw, Bawi Zesuh ah ming cu m’tamkhah u ne,

1 SHONTÄP NAK 29:11

Nang cu dämduh ne, huham mah ne, bämang ne, chünla ne, m’gää ciah na kyak ci. Khankho la khomdek ung avan nünü cu nang ah ka ah kyak ci nei, nang cu ghangpughang, avan ah khan ah m’gääi ciah uktu ah na kyak ci.

THU PHLAAN 5:3

Cun ung phi khankho la khomdek, khomdek ah kaa avan ung cun ah ca k’chaw k’phian ne teng khai cu a u phi kä om ci.

THU PHLAAN 5:12

m’lau ne ng’äi ami m’cu cu; “Ami ngawn ah htomehta cu, Hlüngtai nak, bühmang nak, cüivai nak, khüighaat nak, Chang m’sui nak, bäkhäk nak, la m’kümtou nak, gui cu gah khai ah khin khaa ci nei” ciah kyak ci.

ROMAN 11:36

Ang tüi avan cu Bawipa ah tüi sho ah kyak ci. Ang tüi avan cu ani awn ghing ne, ani ah hmawk ah om ci gui. Khanpughi ah bämang nak cu angtäi sei cüi vai sä! Amen.

1 PETER 5:11

Ani ah khan ah hlüngtai nak angtäi ah om sä! Amen.

LUKA 2:14

“A hlüngtai säih Khanpughi ah bämang nak cu, khankho ah be sä, khomdek khan ung phi ding gei nak om sä, am hni ah chang gui ah khan ah m’gein nak om sä” cine Khanpughi m’hlüngtai ne ng’äi m’cu ci gui.

ISAIAH 42:10

Bawipa ah ma ah ng’äi ak thai m’cu vä; Khomdek khan avan naw ani m’tham nak ng’äi m’cu vä! Tuinu ung hteit ci gui, ani cu m’tam vä; Tuinu ung om ciah atuisho avan naw, ani cu m’tam vä! Asho nak khaw la a cu ah om ci gui avan naw ng’äi m’cu vä!

THU PHLAAN 6:16

Ngami naw khomhtung gui la lung k’song gui-am, “Mangkiaang ung ngok ciah mik hmai kä kami hmuh vai la Htomehta ah m’lung k’she nak kä kami gah vai ah, kami khan ah kya law ne keimi cu na thup gui ä!

JUDE 1:25

Jesuh Khrit Bawipa awn na hun k’phyawn gui ciah tumat bäng nak ciah Khanpughi cu cau puyinpamthak ung tüi ne, tuhbäi akhin, ngawi yä hta ng’shon ung, bämang hlüngtai, kuikyang huham ne om sä! Amen.

ROMAN 16:27

Tumat bäng nak ciah Khanpughi nah ne, a päng avan lunglang hmuhmat ciah Khanpughi cu, Bawipa Jesuh Khrit awn angtäi sei bämang ne om sä! Amen.

ROMAN 9:5

Ngah mi cu mingthang ciah Hebru hta ng’shon ah kyak ci gui. Bawi khrit cun phi hnicim chang pumsa ung ngah mi ah pakhui ah kyak ci. Ang tüi avan uk ciah Ka Khanpughi cu angtäi sei hlüngtai nak om sä! Amen.

THU PHLAAN 5:6

Cun kawn ah htomehta cu khiküi paphli la aghaampa gui ah ng’lung ah mang kiaang ah lai ung ng’düi sei ka hmuk ci. Ani cu küikyan nak vai ngawn pyi ah htomehta awn täng ci. Ani ung aki chih la amik chih om ci. Cun gui cu khomdek khan avan ung a tüih ah Khanpughi ah Mumcha chih ah kyak ci.

THU PHLAAN 1:6

Apa Khanpughi ah khuut bi vai ah a uknak khaw ung Taigü ah na m’düih gui ciah Bawipa Jesuh Khrit cu, hta ng’shon ung bämang ne hlüngtai ne om sä! Amen.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.

EPHESIAN 3:21

Cun ah Khanpughi ah bäkhäk nak cu, khrithabum ung la Bawi Khrit ung a kho phlüt ah ng’shü ne om sä! Amen.

ISAIAH 24:14

K’pawih ci gui naw yei nak ng’äi m’cu khai gui. Akhei tang ah om ci gui naw Bawipa a i hlawk ah adämduh cu pyen khai gui nei.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

KOLOSE 1:23

Nangmi cu bekhüt khenggeng ne, khüi khai ah ng’leh u ne, Thu Ni nami ng’yak yah ung nami ngaih u nak cu nami mät naw kä nami thüngphyong sak-en vai. Kei Paul cu shin ah Thu Ni awn changshäm ah ka kyak ci. Shin ah Thu Ni cu m’dek ah khan ah chang päng ung gawk khai ah ng’shäu ne pyein ah kyak ci.

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

1 TIMOTHI 4:16

Geik na ne om ne nam theithang vai nei. Shin ah a mawng gui cu k’tha na ne na bilawh vai nei, cun ung na mät la na thu ngai yak ciah chang gui cu hun nak gah khai gui nei.

JOHAN 1:29

A ngawi ung Bawipa Jesuh a law Johan naw hmu netah, “Teng vä! Ani cu, khomdek khan ah hmakat nak hteh püi ciah Khanpughi ah Htome hta nei.”

THU PHLAAN 5:1

Mang kiaang ung ngok ciah akpat lam a kut ung ca k’chaw cu ka hmuk ci: cun ah ca k’chaw cu vang ah vei ah ca be sei gu ne, m’hnüt nak chih awn m’hnüt ah kyak ci.

THU PHLAAN 13:8

Ami ngawn ah Htomehta ah ghinnak ca-uk ung khomdek khan kä a tüisho pha ge ung a guk ah, ming gui ah kawn ah k’pawih ba ciah chang phung naw khiküi cu khawihnah ci gui.