THU PHLAAN 5:11 - Cho Bible Common Language 2016

¹¹ Cun kawn ah han teng ba netah tämkäp phiakhak da ciah khankho chang gui cu ka hmuk ci. Ngami cu mang kiaang koi ne, khiküi paphli la aghaampa gui’ koi ne, ng’düi u netah,

THU PHLAAN 5:11 Referans Kwoze

DANIEL 7:10

Acun ungka mei cu tuii ah long lawk ci. Acun ung chang phia khak naw a bii bik ci gui, chang tämkäp phya khak cu a ma ah ng’düi ci gui. Ng’thu m’cha nak bi lawk khai gui ah kya sei, ca uk gui cu m’auh ne tha ci gui.

HEBRU 12:22

Cun nak vaisü ung nangmi cu Zion m’htung la angtäi ghing ciah Khanpughi ah mang gaw, Khankho Jerusalem, kä khei tai vai ah khanchang gui ah om nak ah nami gawk ci nei.

THU PHLAAN 4:6

Acun ah mang kiaang ah maa ung pyüülung ah mäih ah vai ci cu om ci. Mang kiaang ah ng’veing ak kit päng ung khiküi paphli om ci. Cun gui cu ami hnu ami maa ah mik bäng ah kya ci gui.

THU PHLAAN 4:4

Cun ah mang kiaang ah ng’veing ung a hei mang kiaang m’ku-lei-phli om ci. Cun ah kiaang gui ung aghaampa sing m’ku-lei-phli ngok ci gui. Ngami cu a bawk bäng bäng sui u ne, ghui lukhu ng’büng bäng bäng ci gui.

SAM 148:2

A khanchang gui avan, khankho gakap gui avan naw Bawipa cu m’tam vä.

SAM 68:17

Tämkäp ah däm ciah m’gäi ng’se gui awn Bawipa cu Sinai ah ka theing ciim ciah hmun ah lawk ci nei.

THU PHLAAN 19:6

Cun ung chang khli ng’nään ah k’aw, tuinu ah ng’hmum k’aw la kho ng’hmum ah mäih k’aw cu ka ng’yak ci. Cun ah k’aw naw, “Khanpughi cu m’kümto vä, hlüngtai pi k’bäih ciah Bawipa mi Khanpughi cu Ghangpughang ah kyak ci nei.

THU PHLAAN 7:11

Khankho chang gui ami van naw, mangkiaang ni, aghaampa gui ni, khiküi paphli ni gui cu, ‘Kium na ne ng’düi ci gui. Cun kawn ah ngami cu mangkiaang ah maa ah kawp u ne, Khanpughi cu khawihnah u netah,

THU PHLAAN 5:14

Khiküi paphli naw, “Amen” cine m’shang gui ci gui. A ghaampa gui naw, kawp ne khawihnah ci gui.

THU PHLAAN 5:6

Cun kawn ah htomehta cu khiküi paphli la aghaampa gui ah ng’lung ah mang kiaang ah lai ung ng’düi sei ka hmuk ci. Ani cu küikyan nak vai ngawn pyi ah htomehta awn täng ci. Ani ung aki chih la amik chih om ci. Cun gui cu khomdek khan avan ung a tüih ah Khanpughi ah Mumcha chih ah kyak ci.

1 GHANGPUGHANG GUI 22:19

Makaiah naw hteit neta, “Tuhbäi Bawipa naw a i a pyen cu ngai ä! Bawipa cu khankho amang kiang ung ngo sei, a khanchang gui ami van a pei ah ng’düi u sei ka hmuk ci.

SAM 103:20

Bawipa cu m’taam vä, nangmi khüighat ne m’gäi ciah khanchang gui, a thumkhän nami läk ci, a pyen phung nami ngai ci nei.

THULÄÄN NAK 33:2

Bawipa cu Sinai m’htung ungka kyum lawk ci. Ani cu Edom khaw ah khan ah khohni ng’shü ah mäih ah lut lawk ci, paran m’htung ungka naw chang gui ah khan ah ng’shü ci. Khanchang phia phia naw a täng ah om püi ci.

JUDE 1:14

Adam ungka naw ang shon chuk nak Enok naw, cun gui ah a mawng k’cä ne a pyein cu, “Bawipa cu tämkäp phyaa khak ah ak khan chang theing gui awn kyum law ne,

THU PHLAAN 5:8

Cun ah a lak vai-am khiküi paphli la aghaampa m’ku-lei-phli cu, htomehta ah maa ah kawp yawp u ne, ak chang sing naw tingtäu bäng bäng la Khanpughi ah chang gui ah taigü nak ah kya ciah tui ng’uui awn be ciah ghui eikbei gui cu kawt sek sek u netah,

THU PHLAAN 9:16

Ng’tuk khai gui ah ng’se awn lawk ci gui ami van cu tämkäp phia goi lawk ci gui ah ka hmat ci.