THU PHLAAN 4:8 - Cho Bible Common Language 2016

⁸ Cun ah khiküi paphli cu, ami ng’phia pachuk ci lawk ci, ami pum akpung akyong avan ung mik bäng ah kyak ci. Amü ak hnüüp ngami cu kä ng’düm phung ne ng’äi m’cu u ne; “Aktheing, aktheing, aktheing cu Bawipa nei, Hlüngtai pi säih ne, Zanta, tuhngawi, ngawi yä angtäi ghing ciah Khanpughi nei,” ci ne m’kümtou ci gui.

THU PHLAAN 4:8 Referans Kwoze

THU PHLAAN 1:8

“Kei cu Alpha la Omeka, tün nak la khüm nak ah ka kyak ci” ci ne yanta, tuhngawi ngawi yä angtäi sei om ne hlüngtai pi säih ciah Bawipa Khanpughi naw pyein ci.

THU PHLAAN 4:6

Acun ah mang kiaang ah maa ung pyüülung ah mäih ah vai ci cu om ci. Mang kiaang ah ng’veing ak kit päng ung khiküi paphli om ci. Cun gui cu ami hnu ami maa ah mik bäng ah kya ci gui.

HEBRU 13:8

Bawipa Jesuh Khrit cu yanta, tuhngawi, ngawi yä, käng khukhlat phung ci.

PHYAWN NAK 15:11

Bawipa, khanpughi gui ah ng’lung ah nang ah mäih om ne ang? Cäicat vai ah theingciim ci nang ah mäih om ne ang? Nang ah mäih ah cäi aih vai bi ne m’gäi ne hnüntho ci om ne ang?

THU PHLAAN 15:3

Ngami naw Khanpughi ah changshäm Moses ah ng’äi la Htomehta ah ng’äi cu m’cu ci gui. Cun ah ng’äi cu; “Küikyang hlüngtai ciah Bawipa Khanpughi, Na bilawh gui cu hlüngtai ne cäicat vai kya ci nei! Khaw päng ung chang nüng ah Ghangpughang, Na lam cu düng ne cangnak ah kyak ci nei!

THU PHLAAN 11:17

“Yanta, tuhngawi, ngawi yä ghing ne om ciah Hlüngtai pi bäih ciah Bawipa Khanpughi Küikyang ciah na hlüngtai nak awn na uk pyi ciah kyasei, Kami ning yeikyai nak ci nei!

THU PHLAAN 16:7

Cun kawn ah sonkiaang ungka lut lawk ciah k’aw naw, “A hlüngtai säih Bawipa, Khanpughi! Nang ah m’khoichaa nak cu ak cang ah ng’düng ne chün ci nei” cine a pyein cu ka ng’ya ba ci.

EZEKIEL 1:6

Cun gui cu ami hmai phli la ami ng’phia phli ci lawk ci.

SAM 91:1

Phyawn vai ah Bawipa ah hteit ci phung, Am’gäi ah shung vong nak ung om ci phung naw, ama ah

THU PHLAAN 7:15

Cun ah kyasei ngami cu Khanpughi ah mangkiaang ah maa ah ng’düi u ne, amü ak hnüüp pum im kyong ah om ne khawihnah ci gui. Mangkiaang ung ngok ci naw ngami cu ngung gui ne, küikyaan gui ci.

ATÜNNAK 17:1

Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.

THU PHLAAN 21:22

Cun ah mang gaw ung pum im cu kä ka hmuk ci. A i ah kyasei ci ung, cun ah pum im cu hlüngtai pi bäih ciah Bawipa, Khanpughi la Htomehta ah kyak ci.

THU PHLAAN 19:15

Khaw nüng chang päng a heem nak vai ah am gawng ung khim k’ghaat lut lawk ci. Ani naw chang gui cu m’si k’htei pawng awn uk gui khai. Ak hlüngtai pi k’bäih Khanpughi ah m’lungshe nak ah kyak ciah sapyit neen nak ah khui ung sapyit cu neen khai nei.

THU PHLAAN 3:7

“Philadelphia Khrithabum ah khankho chang-am ca gu ne peit law nei: “Shin ah ca cu ng’ciim ne ng’düng ciah ng’cäi nak ah kyak ci. Ani naw David ah m’kawt k’hnawn nak cu kawt ci, ani naw m’kawt ak hnawn ung a u naw kä khai hlawt ci, ani naw m’kawt a khai ung a u naw kä k’hnawng hlawt ci.

THU PHLAAN 1:4

Johan naw Asia khaw gawnu pachih ung khrithabum gui-am ca aning guk law gui cu; Zanta, tuhngawi, ngawi yä angtäi sei om ciah Khanpughi, amang kiang ah maa ah ng’tän ciah mümcha pachih la;

THU PHLAAN 4:4

Cun ah mang kiaang ah ng’veing ung a hei mang kiaang m’ku-lei-phli om ci. Cun ah kiaang gui ung aghaampa sing m’ku-lei-phli ngok ci gui. Ngami cu a bawk bäng bäng sui u ne, ghui lukhu ng’büng bäng bäng ci gui.

2 KORIN 6:18

Kei cu nangmi ah Pa, Nangmi cu kei ah hta gui, ah nami kyak khai, ci ne m’gäi pi ciah Khanpughi naw pyein ci” ciah khän ne pyein ci.

ISAIAH 62:1

Kei naw Jerusalem cu thagui pe ne ng’thu ka pyen khai; Ani naw hun nak kä a gah pha ah chuih kei cu kä ka om düt khai, Ani ah näng nak cu mü ung mei m’däi ah mäih ah ng’shü khai.

ISAIAH 13:6

M’neh m’awk ne ng’hlo ei vü! Bawipa ah kho hnüüp cu ng’et ci nei, m’gäi ci naw m’di nak a law püi nak ah hnüüp nei.

JOEL 1:15

Bawipa ah hnüüp cu ng’et ci nei, cun ah hnüüp ung m’gäi ci naw dishum nak law püi khai. Cun ah hnüüp ung a lawpüi vai cu kyih aih vai kyak ci nei!

THU PHLAAN 16:14

Ngami cu khawshe ah mümcha gui ah kya ne cäi aih vai phi m’dang hning ci gui. Khaw nüng ung ghangpughang päng cu, hlüngtai pibäih ciah Khanpughi ah ng’tuk bi nak hnüüp ung ng’cut lawk khai gui ah khü gui vai ah ngami cu hteit ci gui.

THU PHLAAN 14:11

Cun ah meidäi ungka meikhu cu angtäi ah khu ne kai khai nei. Khiküi la a gup khawihnah ne ani ah ming awn m’hnüt nak gah ciah chang gui cu, amü ak hnüüp dinggei nak kä om khai nei” cine m’lau ci.

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

1 TIMOTHI 4:16

Geik na ne om ne nam theithang vai nei. Shin ah a mawng gui cu k’tha na ne na bilawh vai nei, cun ung na mät la na thu ngai yak ciah chang gui cu hun nak gah khai gui nei.

1 THESSALONIAN 2:9

Phäi nau gui aw, keimi naw a i hlawk ah cümbawng ne, kami bilawh cu nangmi naw akcang ah nami hmat ci nei. Khanpughi ah Thu Ni kami pyein nak ung nangmi ah khan ah yaica nak kä a om vai ah, amü ak hnüüp bi kami bik ci nei.

LAMKTU 20:31

Cun ah kyasei kei naw nang mi am kho kum thum pum ung amü ak hnüüp, ka ng’phli tui kya law sei, ka ning m’theithang gui cu nami shüm ba khenggeng vai nei.

PHYAWN NAK 3:14

Khanpughi naw, “Kei cu Kei ah ka kyak ci” cicu na m’thein gui vai. ‘Kei ah ka kyak ci’ cik ci naw ana tüih law nei, na ci vai.

EZEKIEL 1:5

Pui khokhi ah angling ung Chang ah müiah kyak ciah khi küi pa phli ah mäih cu ka hmuk ci,

EZEKIEL 1:18

Ping gui ah ping m’khon gui cu mik bän gnaw küm ci.

EZEKIEL 10:12

Ami pumsa gui, ami hnu täng, ami kut, ami ng’phia gui la ping gui cu mik bäng naw küm gui ci.

THU PHLAAN 4:9

Mang kiaang ung ngo ne, angtäi sei ghing ne om ciah Bawimang ah bühmang nak, hlüngtai nak, küikyang nak gui cu, khiküi paphli naw ng’äi m’cu ne m’kümtou ci gui. Acun päng ung,

THU PHLAAN 5:6

Cun kawn ah htomehta cu khiküi paphli la aghaampa gui ah ng’lung ah mang kiaang ah lai ung ng’düi sei ka hmuk ci. Ani cu küikyan nak vai ngawn pyi ah htomehta awn täng ci. Ani ung aki chih la amik chih om ci. Cun gui cu khomdek khan avan ung a tüih ah Khanpughi ah Mumcha chih ah kyak ci.

THU PHLAAN 6:1

Cun kawn ah Htomehta naw mhnüt nak pachih ungka ak htük bäih cu khawk ne hmawng sei ka hmuk ci. Khiküi paphli ungka tumat naw khaw hmum ah mäih ah ng’shan ciah ak aw awn, “Lawä” a ci cu ka ng’yak ci.

THU PHLAAN 6:6

Khiküi paphli ah ng’lung ungka lut lawk ciah k’aw tumat cu kei naw ka ng’yak ci. Cun ah k’aw naw, “htang a them cu hnüüp ät ng’cheng nak, püm them thum cu hnüüp ät ng’cheng nak ah kiak ci. Cun ung phi olive sing chaam la sapyit chaam cu kä m’di en vä” cine pyein ci.

THU PHLAAN 7:11

Khankho chang gui ami van naw, mangkiaang ni, aghaampa gui ni, khiküi paphli ni gui cu, ‘Kium na ne ng’düi ci gui. Cun kawn ah ngami cu mangkiaang ah maa ah kawp u ne, Khanpughi cu khawihnah u netah,

THU PHLAAN 14:3

Cun ah chang 144, 000 gui cu mangkiaang ni, khiküi paphli ni, aghaampa ni gui ah maa ah ng’düi u ne ng’äi ak thai cu m’cu ci gui. Hniciim chang avan ungka ngami bäng cu a ghü gui ah kyak sei cun ah ng’äi cu ngami bäng naw m’cu thei ci gui.

THU PHLAAN 15:7

Khiküi paphli ungka tumat naw, hta ng’shon ung om ciah Khanpughi ah m’lungshe nak awn be ciah ghui khawk chih cu khankho chang pachih-am pe gui ci.

THU PHLAAN 19:4

A ghaampa m’kulei-phli la khiküi paphli naw, mangkiaang ung ngok ciah Khanpughi cu khawihnah u netah “Amen, Khanpughi cu m’kümto vä” cine m’lau ci gui.