THU PHLAAN 4:11 - Cho Bible Common Language 2016

¹¹ “Kami Bawipa, Khanpughi, Nang naw ang tüi avan cu na tüisho ciah kyasei, Nang ah ng’yak hlü ah ang tüi cu ghing om ciah kya ci. Cun ah kyasei bühmang nak, küikyang nak, hlüngtai nak gui cu Nang awn khinkhaa ci nei” ci ne pyein ci gui.

THU PHLAAN 4:11 Referans Kwoze

THU PHLAAN 5:12

m’lau ne ng’äi ami m’cu cu; “Ami ngawn ah htomehta cu, Hlüngtai nak, bühmang nak, cüivai nak, khüighaat nak, Chang m’sui nak, bäkhäk nak, la m’kümtou nak, gui cu gah khai ah khin khaa ci nei” ciah kyak ci.

ISAIAH 40:28

Kä nami hmat ne ma? Kä nami ng’ya man ne ma? Bawipa cu khong län ciah khanpughi nei; Khomdek avan ani naw tüisho ci nei. Ani cu a i yah ung phi kä cümbawng man ci nei. Ani ah ngaih-tüh cu a u naw kä hmat hlawt ci nei.

NG'THU K'THUUK~ 16:4

Bawipa naw a tui pyan pang ung ang bu nak om ci, akshe ah ang bu nak cu dishum ci.

THU PHLAAN 10:6

ng’shon päng ung ghing ne, khankho la khomdek, tuinu la apäng avan tüi sho ciah Khanpughi ah ming cu han be netah, “Cän kawn ah kä shou shü ba khai nei!

THU PHLAAN 14:7

Cun ah khankho chang naw, “Khanpughi cu m’tamkhah vä, a hlüngtai nak cu m’kümtou vä! Chang am khoichaa nak vai ah akhin cu gawk law pyi ci nei. Khankho khomdek, tuinu tuihta avan, tüisho ciah Khanpughi cu khawihnah vä” cine m’lau ci.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

HEBRU 1:10

Cun kawn ah Khanpughi naw, “Nang Bawipa naw ak htük bäih ah Khomdek cu na tüisho ci, Khan mawpi phi na mät ah kut awn na pyang ci.

ATÜNNAK 1:1

Akhtük bäih ah Khanpughi naw khankho la khomdek cu tüisho ci.

ROMAN 11:36

Ang tüi avan cu Bawipa ah tüi sho ah kyak ci. Ang tüi avan cu ani awn ghing ne, ani ah hmawk ah om ci gui. Khanpughi ah bämang nak cu angtäi sei cüi vai sä! Amen.

EPHESIAN 3:9

Khanpughi ah thuuk ciah ng’bü nak cu, a i cha dang lawk khai ci cu, chang gui naw ami hmuhmat vai ah m’thein m’kaan nak vai ah a khin ni cu kei am na pek ci nei. Ang tüi avan tüipian ciah Khanpughi naw cau pui pui ung cun ah ak thuuk kau gui cu, a thuh te ah kyak ci.

LAMKTU 14:15

“Paw chang gui aw, a i vai shicha na mi bi ang? Keimi phi nangmi ah mäih ah chang ah kami kyak ci nei, Nangmi naw a shin ah mäih ah bi lawh gui cu nawng shüt u neh, angtäi ghing ne, khan la kaa, tui la m’dek, ak ghing ak om avan tüi sho ciah Khanpughi cu nami yum tu vai ah, Thu Ni cu kami pyein khai ah kami lawk ci nei.

JEREMIAH 32:17

“Uk ciah Bawipa, nang naw khomdek la khankhomik cu dämduh ciah na huham la na m’gäi nak awn na tüipiang ci; nang ah phäh ah a i phi kä khak ci.

SAM 18:3

Bawipa cu ka khü ci nei, Ani naw ka ga gui ah kut ung na hun ci nei. Bawipa kam hlüngtai ci nei.

NEHEMIAH 9:5

Shin ah Levit gui naw khawihnah vai ah ng’khü ci gui: Jeshua, Kadmiela, Bani, Hashabniah, Sherebiah, Hodiah, Shebaniah, la Pethahiah. Ngami naw: Ng’düi law ne, Bawipa nami Khanpughi cu m’hlümtai vä; Khonglän ung ani cu m’hlümtai vä! Hnicim chang naw m’hlümtai khin vai ah kä m’hlümtai hlawt ung phi, a bämang nak ah ming cu chang nü naw m’hlümtai sä.”

LAMKTU 17:24

Khomdek la khomdek khan ah om ci nüng tüi pyang ciah Khanpughi cu, khomdek la khankho uk ciah Khanpughi ah kya ne, chang naw kut awn a pyan ah pum im ung kä om ci.

2 SAMUEL 22:4

Bawipa cu ka khü ci, Ani naw ka ga gui ah kut ung na hun ci nei. Bawipa ka m’taam ci nei!

THU PHLAAN 5:2

Cun kawn ah hlüngtai säih ciah khankho chang naw, “A u chang naw, shin ah m’hnüt nak gui cu khawk ne, ca k’chaw cu k’phian hning khai ang? cine m’lau sei ka hmuk ci.

JOB 36:3

Kei ah hmuhmat nak cu ng’shawng ci nei, kei naw ka hmuhmat cu ka mang khai nei. Na tüipyang ciah Khanpughi taga ci, cu ka m’dang khai nei.

SAM 68:34

Khanpughi ah hlüngtai nak cu ng’shäu vä; A huham naw Israel khaw küm ne, A hlüngtai nak naw khan kho kpha ci nei.

HEBRU 1:2

Cun ung phi shin ah ak hnubäih hnüüp gui ung läi A Htapa ung thu m’shäk lawk ci nei. A Htapa awn khopuui cu tüisho ne, kho ah kaa avan cu khäm khai ah Khanpughi naw A Htapa cu ghü ne m’düih ci.

JEREMIAH 10:11

(Nangmi chang gui naw nami m’thein gui vai cu khomdek la khankho mik tui pyang ciah kä kyak ciah khanpughi gui cu m’di vai nei. Ngami cu khomdek khan ung ahawi ah phi kä om tuba khai gui.)

ISAIAH 40:26

Khomik cu han dan vä! Nami hmuh ah aisi gui cu a u naw a pyan ang? Gakap ah mäih ah lam shüm gui ci naw apian nei, Ani naw a i chü lawk ci gui ah hmat gui ne, ami ming phäh phäh ung khü gui ci — Ani ah huham cu dämduh aih ne, Cun gui ung ka tumat phih kä chük man ci nei!

THULÄÄN NAK 32:4

Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.

PHYAWN NAK 20:11

Khaw hnüüp chuk ung kei Bawipa naw khomdek, khankho, tuinu la a päng avan ka tüisho ci, cun ung phi a hnüüp chih hnüüp ung ka ng’düm ci. Cun cu a i ah kyasei ci ung Kei, Bawipa naw kyiin hnüüp cu hrilham pe ne ka theingciim sak ci.

THU PHLAAN 1:6

Apa Khanpughi ah khuut bi vai ah a uknak khaw ung Taigü ah na m’düih gui ciah Bawipa Jesuh Khrit cu, hta ng’shon ung bämang ne hlüngtai ne om sä! Amen.

THU PHLAAN 19:1

Cun kawn ah khanmawpi ah chang khli ah k’aw ah mäih cu ka ng’yak ci. Cun ah k’aw naw Khanpughi m’kümtou vä, Khanpughi cu hun nak, bämang nak la hlüngtai nak awn be ci nei.