THU PHLAAN 4:1 - Cho Bible Common Language 2016

¹ Cun kawn ah ka mang ung Khanmawpi ah m’kawt ng’hmawng sei ka hmuk ci.

THU PHLAAN 4:1 Referans Kwoze

THU PHLAAN 11:12

Cun kawn ah purofet goi-am, “Shin ung kai law nä” ciah khankho ah m’lau ne ng’khü ah k’aw cu thang lawk ci. Ngani cu gaa gui naw ami teng goi ah chung ung, khawmei ng’cum ne khankho ah kai ci goi.

PHYAWN NAK 24:12

Bawipa naw Moses am, “M’htung khan ah ka om nak ah hang kai law ä, shi ah na om yah ung, lung palap hnih ka ning pek khai. A cun ung chang gui m’shüm thein nak ah thukhän avan cu ka guk nei” cik ci.

THU PHLAAN 1:19

Tuhbäi kaa gui la ngawi ah gawk lawk khai gui na hmuh phung avan cu, na guk vai nei.

THU PHLAAN 1:10

Bawipa khawihnah nak hnüüp ung Mumcha cu kei ah khan ah kyum law khätah, k’phyungheng tum ah mäih ah ng’thu k’aw cu ka hnu lam ah ng’shan law sei ka ng’yak ci.

MAKUH 1:10

Tui ungka a thawh law ba vai-am khankho m’kawt hmawng khätah Mumcha Theing cu Müm bawk ah mäih ah ak khan ah kyum law sei hmuk ci.

THU PHLAAN 22:6

Cun kawn ah khankho chang naw kei-am, “Shin ah ng’thu cu ng’düng ne ng’ciim ciah ng’thu ah kyak ci. Purofet gui cu ang mumcha awn be sak gui ciah Khanpughi naw kä shou pha sei kia lawk khai ah a mawng gui cu, ak chang gui-am m’dang gui khai ah, khankho chang cu tüi law pyi ci nei” cine pyein ci.

THU PHLAAN 16:17

Akchih nak ah khankho chang naw, a eikbei ungka cu khawkhi ung yuk huk khätah pum im kyong ah mangkiaang ungka “Bi pyi ci nei” ciah k’aw cu ng’shan lawk ci.

LAMKTU 7:56

Cun kawn ah Stephen naw, “Teng tu vä, khankho m’kawt ng’hmawng khätah, Khanpughi ah k’pat lam ung Chang ah Htapa ng’düi sei ka hmuk ci nei” cine pyein ci.

JOHAN 16:13

Cun ung phi Khanpughi ah mawng cacim awn dang sak ciah Mumcha Theing cu a kyum law ung ani naw cacim avan cu ning m’thein gui khai, ngawi ah gawk lawk khai ah a mawng gui phi ning m’thein gui khai.

LUKA 3:21

Chang gui akda tui ami ng’hnim kawn ah Bawipa Jesuh phi tui ng’hnim tuk ci. Ani ak taigü sang ung khankho m’kawt ng’hmawng sei,

PHYAWN NAK 19:24

Bawipa naw, “Yu hteit ba ne Aaron cu khah law püi ä, cung phi taigü gui la chang gui naw, ng’gii phlän ne kei ah kä ami kai en law vai nei. Kä cung kei naw ka m’kyuk gui khai nei” cik ci.

LAMKTU 10:11

Cun ah amik hmuh nak ung khankho cu ng’hmawng khätah akit phli ung yu khüt va gawk ciah, yih dung nu ah mäih cu khomdek khan ah kiah law sei hmuk ci.

MATTHE 3:16

Bawipa Jesuh cu tuinim pyii ne a Luh law ba kawn ah, khankho cu yung hmawng law khätah, Khanpughi ah Mumcha Theing cu müm bawk ah mäih ah yawng law ne, ak khan ah ngo law sei hmuk ci.

PHYAWN NAK 1:1

Jakob ah hta gui ami kyongkhui bäng bäng ah amät awn a täng ah Egypt khaw ah hteit ci gui cu

EZEKIEL 1:1

Akum thumkip nak a cha phli nak ah a hnüüp hma hnüüp ung, kei, taigü Ezekiela, Buzi ah hta cu, Jew chang omtu gui awm atäng ah Babilonia khaw, Chebma Tuinu pei ah ka om ci. Khankhomik ng’hmawng khäta muimang ung khanpughi cu ka hmuk ci.

THU PHLAAN 1:12

Cun ah na ng’thu püi cicu a u ah a kyak ah ng’hlat ne va teng ba netah, ghui mei ng’düi pachih la;

THU PHLAAN 11:19

Cun kawn ah khanmawpi ah pum im cu ng’hmawng law khätah, Thukhän M’küm cu ka hmuk ci. Acun yah ung khaw lailäp ne ng’hmumkyeek ne, shipi thüng ne, gääi nu bawh ne khawshe ne aa lawk ci.

THU PHLAAN 19:11

Cun kawn ah khankho m’kawt ng’hmawng sei ka hmuk ci. Cun ung ng’se bawk tumat om ci. Cun ah ng’se bawk ung ng’cum ci cu bekhüt la ng’düng nak ming nak ci. Ani cu ng’düng khai ah ng’thu m’chaa ne, ng’düng khai ah ng’tuk bik ci.

NG'THU K'THUUK~ 25:7

Hlüng pi ciah ngoh nak vai na k’thäh tu ah ta, küikyang tuba ciah chang am na ngoh nak na m’hnawn vai ah na pyen tu cu mä tupi ci.