THU PHLAAN 3:2 - Cho Bible Common Language 2016

² Cun ah kyasei tho law ä, nang ung om ba ciah ghin nak kä a maih pha ung, nak tha be sak ä. Nang ah bilawh cu Kapa Khanpughi ah maa ah kä kümbe phak ciah kei naw ka hmuk ci nei.

THU PHLAAN 3:2 Referans Kwoze

1 PETER 5:8

Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.

THU PHLAAN 16:15

“Ngai vä, kei cu m’guk-ei ah mäih ah ka lawk khai nei! Cii m’gang ne asui them ngäng ciah chang cu akplui ah kä om khai, chang ah hmu ah kä lüng’aa khai, yeikyai nak om khai nei.”

1 PETER 4:7

Kho ah khüt nak vai ng’et lawk ci. Nami taigü nak hning vai ah htingling ne cüivai ne nami om vai.

ISAIAH 35:3

A van khak ci gui la aktha maih sei am khuuk ng’tum ci gui am, k’thamah nak yuk pe law.

2 SHONTÄP NAK 25:2

Ani naw Bawipa ah a yeinak vai ah bi te ci, cun ung am lung ngaih avan awn kä bik ci.

LAMKTU 18:23

A cu ah ak shou om netah, Kalatia kho la Phrikia kho yung ah hteit ne yum ciah chang gui am thamah nak pe gui ci.

MATTHE 25:13

“Cun ah kyasei nangmi cun phi cun ah hnüüp, cun ah khin cu kä nami hmat ci kyasei, ngaih na ne nami ngäng vai nei!’

THULÄÄN NAK 3:28

Amät m’shümthein nak cu Joshua am pe ä. Ani ah m’hnüt bäi nak cu taigü peä, a i ah kyasei ci ung ani naw chang gui khawngmang gui ne tuinu hei kat ne, na hei hmuh ah khaw cu khäm khai nei.’

THU PHLAAN 2:4

Cun ung phi ak htük ungka ah mäih ah nang naw kei cu kä na na m’hni ba ci kyasei, ning pyein m’sheet vai om ci.

EZEKIEL 34:16

Kei naw maih ci ka shui ba gui khai, ng’väivam ci gui ka pawpüi ba gui khai, leim ci gui ka hlawp gui khai, gaw ci gui ka gai sak gui khai, cun ung phi plan ne gaigawng ci gui cu kei naw ka m’di gui khai, a i ah kyasei ci ung, kei cu dü ci bik ciah htome shäm ah ka kyak ci.

MATTHE 23:5

Ami bilawh phung chang naw a hmat vai ah bik ci gui. Ami m’cakau la ami baan ung akdäm nu gui ah cacim guh ne m’kawh ci gui. Ami sui ung phi akdäm ang sau nu gui ah cacim guh ne m’kawh ci gui. Ami sui cun phi akdäm ang sau nu gui ah chui ne sui ci gui.

DANIEL 5:27

Khiin, nang cu khiin nak ung ning khiin u sei ang htei ah na yaang aih ci;

ISAIAH 57:12

Nangmi naw nami bi cu hman ciah nami ngai ci, cun ung phi nami bi gui cu kei naw ka m’dang lawk khai nei, nami agup gui naw kä ning hun ba gui hning khai gui.

ISAIAH 56:10

Ani naw pyen ci, “Kei ka chang gui ng’thu k’bäi khai gui ah, ai ng’vai gui ami van cu m’dauh ci gui nei? Ngami a i kä hmat ci gut, Ngami cu im ngäng ciah uk kä ng’nak ciah mäih ah kyak ci gui — ngami cu ng’bo düt ne, ami mang she sei om ci gui. Ngami cu ih vai m’hni aih ci gui!

1 GHANGPUGHANG GUI 15:3

Ani phi apa ah mäih ah hmakatnak bik ci, ani cu apughi David ah mäih ah a Khanpughi Bawipa ung bekhüt nak kä om ci.

1 GHANGPUGHANG GUI 11:4

ani a ghi law kawn ah ngami naw ani cu a khawhei khanpughi gui khawihnah nak ung luh püi sak ci.

ZEKHARIAH 11:16

Ka htome gui ngäng khai ah htomeshäm tumat cu ka khü ci, cun ung phi ani naw ami ngawn sheh ah htome phi kä m’htei ci, maih ci phi kä shui ci, nat nak om ci phi kä m’tui ci, gai ci phi kä tumbei ci. Cun ung phi plan pi ciah asa cu ei ci, ami khawpaw phi khing ci.

JOB 16:5

Kei naw m’shüm thein ne k’tha ning pe gui ne, ning shungvong gui ne ka ng’thu hning ci nei.

THU PHLAAN 3:1

Sadis khrithabum ah khankho chang-am ca gu ne peit law nei: “Shin ah ca cu Khanpughi ah Mumcha pachih la aisi pachih ah om nak naw amcäi nak ah kyak ci. Nang ah bilawh cu kei naw ka hmat ci: Nang cu ghing ciah na ng’ming thang pang sei phi na sik ci.

THU PHLAAN 3:3

Nami ng’thei tu la nami ng’yak tu gui cu shüm ba ne läk u ne, nami katnak ungka ng’yu ba vä. Kä na thawh law ah a kyak ung m’gui-ei ah mäih ah na om nak ah kei ka lawk khai nei, kei ka law nak vai ah a khin cu nang naw kä na hmat khai.

MATTHE 25:7

Lamihta sing gha cu tho law ba u ne, ami mei im pyang ne pawng m’hteim ci gui.