THU PHLAAN 3:19 - Cho Bible Common Language 2016

¹⁹ Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

THU PHLAAN 3:19 Referans Kwoze

1 KORIN 11:32

Cun ah Bawipa naw nam khoicha gui ne a na m’kat nak gui cu, khomdek chang awn a täng ah m’kat nak kä mi gah tu vai ah hmawk ah kyak ci.

THU PHLAAN 2:5

A i hlawk ah na yu kyak vü cu ngaih-tüh ba shüm ä, na kat nak ung kaa ng’yu ba ne, ak htük ung na bi ah mäih ah na bi ba vai nei. Na katnak ungka kä na ng’yu ba ah a kyak ung na om nak ah kei cu law netah, na mei ng’düi cu a hei ah ka ning hen pek khai nei.

JOB 5:17

Khanpughi naw am düng ah chang cu yeikyai nak om ci! Ani naw aning m’cäi law ung kä na thüi nak vai.

2 KORIN 7:11

Nami thüisei nak ung Khanpughi ah bi bi cu teng vä! Nami k’thamah law pyi ci, nami katnak a theing ah mawng nami m’dang law pyi ci, nami m’lung k’she ah phäh ah nami ng’ä pyi ci, nami kyikyawk pyi ci, nami ng’ap pyi ci, cheishoh nak m’kat vai nami hmat pyi ci, a mawng avan ung katnak nami phyawn nak ah mawng nami mät naw nami m’dang pyi ci nei.

JEREMIAH 31:18

“Israel chang gui ayä neta ami pyen cu ka ng’yak ci, ‘BAWIPA, keimi cu sei k’zäng ah mäih ah kami om ci nei, cun ung phi nang naw na bet ng’yak vai ah na na m’thei gui ci. Nang ah ng’hlat law ba vai ah kami pawng püi ci kya sei; na ng’hlah ba püi gui ä. Bawipa, kami Khanpughi.

JEREMIAH 10:24

Bawipa, na chang gui ng’düng sak gui ä; Cun ung phi keimi ah khan ah kä nuipai aih sä, na m’lungshe yah ung kä na m’kyuk en gui ä, cun cu keimi ah ng’pyi nak ah kyak khai nei.

JEREMIAH 7:28

Nang naw na m’thein gui vai cu, ngami ah pakhui naw Bawipa ami Khanpughi, kei ah ng’thu kä ami ngaih ah a kyak ung, ami m’kyuk nak gui ung kä ami ng’thei ah a kyak ung, kä bekhüt nak cu sih nak ah kyak ci. Cun ah mawng cu ka pyen ba ling vai kyak ci.

ISAIAH 26:16

Nang naw na chang gui cu na m’kyuk ci nei, BAWIPA, ngami cu cümbawng ne, nang ah taigü ci gui nei.

NG'THU K'THUUK~ 22:15

Ak hmaw hta gui cu ami ng’tüi püi ah hmü hma thei ci gui, a i kä geing na thei ci gui. Cun ung phi akni ah that ne m’cä ung, a i cha ah ami ghin om vai m’thein ah kyak ci.

NG'THU K'THUUK~ 15:32

Theithang vai maa nak ciah chang cu amat naw amat nat sak ciah kyak ci. M’shungdung nak dou ciah chang cu cuivai law pi ci.

SAM 69:9

Na pum im kyong ah ka khawihnah nak naw mei ah mäih ah na ui ci nei; nang ami ning päipih nak phi kei ah khan ah gawk lawk ci nei.

SAM 39:11

Chang ah katnak cu züigen ne, na m’kat ci, Am hni gui cu m’hu ah mäih ah na m’di ci. Ak cang ah chang cu khokhi häi hlawk ah phi kä kyak ci!

THULÄÄN NAK 8:5

Nami shüm ba vai Bawipa nami Khanpughi naw, apa naw a hta am cäi ah mäih ah ning m’düng gui ne, ning m’kyuk gui ci.

JAMES 1:12

Tüihtok nak om pang sei phi bekhüt ciah chang cu, yeikyai nak om ci, a i ah kyasei ci ung cun ah mäih m’nüm nak näng ciah chang cu Khanpughi naw, m’hni ciah chang ah khan ah a shaitaak ah, ghin nak ah m’cümhnah cu gah khai nei.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

ROMAN 12:11

Kä damduh ne k’tha na ne bi nami bi vai. Nami m’lung kyong avan ap ne Khanpughi ah khuut nami bi vai.

JEREMIAH 30:11

Kei cu nangmi ah law ne ka ning hun gui khai. Kei naw ka ning püi piang sak nak gui ah pakhui gui avan kei naw ka m’di khai, cun ung phi nangmi kä ka ning m’di gui khai. Nangmi cu kä m’kyuk ah kä ka ning m’di gui khai. Cun ung phi nangmi ka ning m’kyuk gui ung Kei cu ka citheing khai. Kei, Bawipa naw a pyen nei.”

SAM 94:10

Ani naw changpakhui gui cu züi m’cäi gui ci — ani naw kä m’kyuk gui khai ma? Ani cu chang mi van ah saya ah kyak ci — ani naw a i kä hmat khai ma?

SAM 6:1

Bawipa, ka m’lungshe en ä, kä na shedam men naä! m’lungshe ne kä na m’kat-en ä!

2 SAMUEL 7:14

Kei cu ani ah pa ah ka kyak khai, ani cu kei ah hta ah kyak khai. Ani hma nak abi ung apa naw a hta am kyuk ah mäih ah kei naw ka m’kyuk khai.

2 KORIN 6:9

kä mingthang ciah kami kyak ung phi chang van naw na hmat gui ci; ak si ah kami kyak ung phi, nami hmuh a mäih ah kami ghing ci. M’kyuk nak kami gah ung phi a u naw kä na ngawn gui ci.

JOHAN 2:17

Cun kawn ah ang düihpüi gui naw, Ka taigü nak Khanpughi ah im theing ah hmawk ah, kamlung kyong cu mei cang ah mäih ah ng’ling aih ci” ciah cacim cu shüm ba ci gui.

NG'THU K'THUUK~ 15:10

Nang cu cheishoh nak na bi ung akda vei m’kyuk nak na gah khai. Na mät naw na mät kä na m’shung düng ung nang cu na sik khai.

KALATIAN 4:18

Ak ni su lam ah ngaih peit tu cu nik ci, kei naw ka ning om püi gui yah bäng ah kä kyak ciah, ngami cu angtäi sei acun ah ngaih tüh ei u sä!

ZEPHANIAH 3:2

Bawipa ah ng’thu kä ngai ne am cäi kä dou ci. Bawipa cu kä ngaih u ci, am htei vai ah kä ng’zoi thäh ci.

JEREMIAH 2:30

Kei naw ka ning m’kyuk ci, cun ung phi cun cu kä nik ci; nami ng’düng vai ah kä nami n apian sak ci. Nget ciah phongkawng ah mäih ah nang naw na prophet gui cu na ngawn ci.

MATTHE 25:7

Lamihta sing gha cu tho law ba u ne, ami mei im pyang ne pawng m’hteim ci gui.