THU PHLAAN 3:18 - Cho Bible Common Language 2016

¹⁸ Cun ah kyasei na bühmang nak vai ah kei ah ghui akcang cu na k’hleih law vai ah ka ning m’cäi ci nei. Na k’plui ci kya ne nang aa nak na shung nak vai ah sui k’theing la namik am dei nak vai ah mik m’tui nak cu kei ah na khleih law vai nei.

THU PHLAAN 3:18 Referans Kwoze

THU PHLAAN 16:15

“Ngai vä, kei cu m’guk-ei ah mäih ah ka lawk khai nei! Cii m’gang ne asui them ngäng ciah chang cu akplui ah kä om khai, chang ah hmu ah kä lüng’aa khai, yeikyai nak om khai nei.”

1 PETER 1:7

Cun ah yaica geinvai nak cu nami yum nak a khän la kä cun ah m’nüm nak ah kyak ci. Didap thei ciah ghui cu mei awn m’nüm ah kiak ci, ghui ah mä küikyang pi ciah nami yum nak cun phi m’nüm vai ah kyak ci, Cun ung vah khän htek nak om sei, Bawi Jesuh Khrit a kyum law ba hnüüp ung m’hlüngtai nak, bämang nak la chang m’sui nak cu nami gah khai.

ISAIAH 55:1

Bawipa naw pyen ci, “Tui gha ciah chang nü law vä — shin ung tui om ci nei! Ngui kä tak ciah chang gui law vä — htam’guh khleih ne ei law vä! Law vä! Wine la suktui khleih vä — nang ung a i phi kä ng’pyi khai nei!

THU PHLAAN 19:8

Ani cu a suisak vai ah theing ne ng’ciim ciah sui phi gah pyi ci nei. (Sui k’ni cicu Khanpughi ah chang gui ah om ih k’ni ah kyak ci.)

MALAKHI 3:3

Ani naw ngui ng’ciim khai ah m’cim ah mäih ah m’khoichak khai nei. M’si shep naw ghui la ngui am cim ah mäih ah Bawipa ah ng’shä tüih naw taigü gui cu theing sak gui khai nei, cun ah kyasei ngami naw Bawipa am, ng’düng cicu pe lawk khai gui nei.

THU PHLAAN 7:13

Aghampa gui ungka tumat naw, “Suinu a bawk bäng bäng sui ci gui cu, a u gui ang? A hawi kaa lawk ci gui ang? cine nang shik ci. Kei naw, “Bawipa aw, kei naw kä ka hmat ci nei, nang naw va na hmat ci” cine ka m’shang tuba ci.

MATTHE 13:44

“Khanpughi ah uknak kho cu shin ah mäih ah kyak ci, Chang tumat naw, lai ah phuh ne gimah khawh ng’peeih cu hmu netah, lin ne phuh ba shüt ci. Cun kawn ah yeikyai ne hteit ba ne, akhawh avan yoi yawp netah, cun ah lai cu khleih ba ci,” cine m’thein gui ci.

DANIEL 12:2

Si pyi ciah chang gui akda cu ghing ba khai gui, amshah cu angtäi ghin nak ung yeikyai khai gui, amshah cu angtäi thüisei nak ung yaica khai gui.

SAM 32:8

Bawipa naw, “Na hteh nak vai ah lam ka ning m’thei khai; ka ning m’thein khai, ka ning m’hnuh khai.

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

MIKHAH 1:11

Shaphi chang gui nami k’plui ah lü ng’a ne dawng vä, Zaanan chang gui kä luh law ah kyap ne pigaw kyong ah nami om vai, Betheyela chang gui ah kyah nami ng’yak ung yii vai kä om ciah nami hmat vai.

SAM 73:24

Nang naw na cüi vai nak awn lam na nam shüm ci, Ak hnu ah m’taam ne na na do khai.

THU PHLAAN 3:17

‘Kei cu ka ng’bühmang ci, kei ung a i phi kä hlü ci’ na cik ci, cun ung phi nang cu a i hlawk ah dukhaih ne m’gein vai ah na kiak cu kä na hmat ci. Nang cu dukhaih ne a i kä suisa ne, a i kä hmuteng ne na om ciah chang nei.

THU PHLAAN 2:9

Kei naw na yaica nak la na geinvai nak cu ka hmat ci, cun ung phi nang cu akcang ah na ng’bühmang ci. Keimi Jew chang nei cik ci gui naw ning m’kat gui ne ami ng’thu cu ka hmat ci, ngami cu Jew chang ah kä kyak ci gui, Satan ah chang ah kyak ci gui.

2 KORIN 8:9

Nangmi naw mi Bawipa Jesuh Khrih ah m’gein nak cu nami hmat ci; Ani cu bühmang ciah Bawipa ah a kyak ung phi, nangmi ah hmawk ah pyam ci. A pyaamthaam nak awn ning bühmang sak gui ci.

ISAIAH 47:3

Chang gui naw nang cu k’plui ci sei ning hmuk khai gui; Zungkia ne lü ng’aa ci sei ning hmuk khai gui. Kei naw phu ka tuk khai, a u naw kä na ma na hlawt khai.

NG'THU K'THUUK~ 23:23

Düng nak, cai nak, theithang nak la m’lung ngaih ni — shin gui cu a phu käi ah hleih vai. Cun ung phi nang ah phäh ah yoih vai cu küi aih ci nei.

2 KORIN 5:3

cun ah khankho im ah sui cu mi sui law ung mikmi cu pumsa k’maih ah kä mi kyak khai.

LUKA 12:21

Cun kawn ah akhnu ah Bawipa Jesuh naw, “Ngui ghui khawhchaam akda am küm ung phi, Khanpughi ah maa ah ghawipyam ciah chang cu, ashin ah bühmang ciah chang awn täng ci nei” cine m’thein gui ci.

NAHUM 3:5

Ahlüngtai säih Bawipa naw, “Nineveh, nang cu ka ning m’kyuk khai! Nang cu na k’plui ah ka ning om sak khai, Chang pakhui gui naw ning teng khai gui, Na thu ng’aa nak avan ning teng khai gui.

MATTHE 25:9

‘Nangmi ah phäh la keimi ah phäh ah yinan kä ng’büh khai, cun ah kyasei ami yoih nak ah vak hleih ba cang vä,’ cik ci gui.

JEREMIAH 13:26

Bawipa amät naw nami sui ning suh sak gui ne, ning lung aa sak gui khai.

THUSHÄUTU 8:2

Ghangpughang ah ng’thu nami ngaih vai, Khanpughi ah ang ghit ah shai kä nami tak vai.

NG'THU K'THUUK~ 19:20

Nang naw m’cumcäii nak na ngaih ah a kyak ung, na ng’thei hlü ah a kyak ung, khaw hnüüp at ung na cuivai khai.

NG'THU K'THUUK~ 1:30

Ka ning m’shung hlawi gui kä nami yum ci.

NG'THU K'THUUK~ 1:25

Kei ah ning m’cäi gui avan nami nawng ci. Ka ning m’shung hlawi gui kä nami ng’ya hlük ci.

SAM 107:11

cun cu m’gäi ciah Khanpughi ah a thumkhän hnu ng’tuk püi ne, am cäi kä ami ng’yak ah hmawk ah kyak ci.

SAM 16:7

Bawipa cu ka m’hlüngtai ci, lam a nam shüm ah hmawk ah, mü ah phi ka m’lung naw kei cu na m’thein ci.

1 TIMOTHI 6:18

Ak ni ami bilawh vai, ni kyom nak ung ami plümshau vai, ami khaailaang vai, la chang am ami peiktaak thei vai ah nam cäi gui vai nei.

THU PHLAAN 4:4

Cun ah mang kiaang ah ng’veing ung a hei mang kiaang m’ku-lei-phli om ci. Cun ah kiaang gui ung aghaampa sing m’ku-lei-phli ngok ci gui. Ngami cu a bawk bäng bäng sui u ne, ghui lukhu ng’büng bäng bäng ci gui.