THU PHLAAN 3:12 - Cho Bible Common Language 2016

¹² Näng ciah chang cu Kapa Khanpughi ah pum im ung mang k’tung ah ng’düi khai, ani cu ngawi ah phi acun ungka kä ng’nawn ba khai. Kapa Khanpughi ah ming la Kapa Khanpughi ah khankho ah kaa kia lawk khai ah Kapa Khanpughi ah manggaw, Jerusalem gawnu k’thai ah ming cu, kei naw ani ah khan ah ka guk khai. Ani ah khan ah kei ah ming thai cun phi ka guk khai.

THU PHLAAN 3:12 Referans Kwoze

THU PHLAAN 22:4

Ngami naw Bawipa ah hmai cu hmuk khai gui, ani ah ming cu ami m’calai ung guk pe gui khai.

THU PHLAAN 21:2

Khanpughi ah khanmawpi ungka theingcim ciah Jerusalem mang gaw thai cu a cei awn ng’hmu lawk khai goi ah ng’laamihta ah ng’bilaw ah mäih ah kyum law sei ka hmuk ci.

THU PHLAAN 14:1

Cun kawn ah han teng ba netah Zion khomhtung khan ah Htomehta ng’düi sei ka hmuk ci. Amät ah ming la Apa ah ming ami m’calai ung ami guk ah chang 144, 000 gui cu ani awn a täng ah om ci gui.

KALATIAN 2:9

Ang vai gui ah kyak ciah James, Peter la Johan ni naw, kei-am Khanpughi naw aküikyang ah ana peit cu na yum pek ci gui. Cun ah kyasei a täng ah bilaw ghawm ah ami k’bäi nak ah, kei la Banabas cu kut ung k’pang ne na yavaih goi ci gui. Kei la Banabas naw khui hei chang gui ng’lung ah ani bi vai la ngami naw Jew chang gui ah ng’lung ah ani bi vai ah kami van naw yum ne kami k’bäi ci.

JEREMIAH 1:18

“Ngai ä, Jeremiah! Shin ah khaw chang nü, bawi gui, taigü gui la chang gui-naw ning hnungtuk khai gui nei. Cunung phi cun gui na m’khät nak vai ah k’thagui cu tuhngawi kei naw ka ning pek ci; nang cu khäng sei k’paang ah mäh ah na kyak khai. Ngami naw nang kä ning hmim hlawt khai gui, kei naw nang ning ompüi ne, ka ning shungvong khai. Kei, Bawipa naw ka pyen ci.

THU PHLAAN 2:17

“Khihtabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang-am thup ne ghim ah manna m’htut cu ka pek khai, k’toulung bawk phi ka pek khai. Cun ah k’toulung bawk ung guk ah ming thai cu, a u naw kä hmat khai, acun ah lung gah ci bäng naw hmat khai.

HEBRU 12:22

Cun nak vaisü ung nangmi cu Zion m’htung la angtäi ghing ciah Khanpughi ah mang gaw, Khankho Jerusalem, kä khei tai vai ah khanchang gui ah om nak ah nami gawk ci nei.

SAM 48:8

Khanpughi ah bi cu mi ng’ya man ci, m’gäi ciah Bawipa, mi Khanpughi ah mang gaw ung tuhbäi mi hmuk ci; Ani naw mang gaw cu angtäi sei phyawn khai nei.

1 JOHAN 4:4

Cun ung phi ka hta nau gui aw, nangmi cu Khanpughi ung nami khäng ci kya ne, thuvi ciah profet gui cu nami näng ci nei, a i ah kyasei ci ung nangmi ung om ciah Mumcha cu khomdek chang gui ung om ciah mümcha ah mä hlüngtai ba pi ci.

1 GHANGPUGHANG GUI 7:21

Huram naw cun ah kyeitung hnih cu Taigüim ah valuh nak ah ama ung tha ci: a htumtäng ah ka tumat cu Jachin ah aming sui ne, a siiptäng ah ka cu Boaz aming sui ci.

THU PHLAAN 2:7

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei. “Näng nak gah ciah chang-am Khanpughi ah chaam kyong ah phung ciah, ghin nak sing ah aktheih ei nak hning cu ka pek khai nei.

EPHESIAN 3:15

Ani cu Khankho la khomdek ung kyongkhui mah phung avan naw ming akcang ami gah nak ah kyak ci.

EZEKIEL 48:35

Mang gaw ah akit phli ah paang avan ah ng’dawn ang ng’shäi cu, metre phia kaw-kip lawk ci. Tuhbäi ungka naw ngawi yä mang gaw ah ming cu, “Shin ung Bawipa om ci” ciah kyak ci.

ISAIAH 65:15

Kei naw ka ghü ah chang gui naw nang ah ming cu plah taam nak ah mang khai. Kei, Uktu Bawipa naw sih nak ka ning pe gui khai. Cun ung phi kei na ngai ciah chang am ming ak thai ka pek khai.

THU PHLAAN 17:14

Ngami naw Htomehta cu ng’tuk püi khai gui. Cun ung phi Htomehta cu bawi nüng ah Bawi, mang nüng ah Mang (Ghangpughang nüng ah Ghangpughang) ah kyak ciah kya ne, ngami cu näng gui khai. Bawipa ah a ghü gui la bekhüt ne läk ci gui cu ani awn atäng ah näng nak gah khai gui,” cine pyein ci.

SAM 87:3

Ngai ä, Khanpughi ah mang gaw oi, Nang ah mawng cäicat vai gui cu ani naw pyen ci nei:

SAM 46:4

Tuinu tumat om ba ci, Cun ah tuinu naw Khanpughi ah mang gaw, a hlüngtai säih ah im theing ung yeikyai nak law püi ci.

ISAIAH 62:2

Jerusalemung chang pakhui gui naw nang ah näng nak cu hmuk khai gui! Ami ghangpughang van naw na hlüngtainak cu hmuk khai gui. Nang cu ming akthai awn ni ng’khü khai gui, cun ah ming cu Bawipa amät naw aning pek ah ming ah kyak ci nei.

EZEKIEL 40:49

Luh nak ah akhan ung hang kai nak ah hlaak cu metre gha ah ng’kau ci, metre chuk ah thuuk ci. Va luh nak ung vangtäng ung tung tumat ci, tung hnih om ci.

HEBRU 13:14

A i ah kyasei ci ung mikmi ah hmawk ah khomdek khan ung ng’tüi hnga ciah mang gaw kä om ci; ngawi ah dang lawk khai ah mang gaw cu mi shui shüi yah ci nei.

THU PHLAAN 2:11

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang gui cu akhnih vei nak sihnak phiawn nak khai gui nei.

THU PHLAAN 3:5

Näng nak gah ciah chang gui cu sui bawk sui khai gui, kei naw ngami ah ming cu ghin nak ca-uk ungka kä ka heeng khai. Ani cu kei ah chang ah a kyak ah mawng, Kapa la ak khanchang gui ah maa ah kei naw ng’kiaa ne ka pyein khai nei.

MAKUH 12:16

Law püi u khätah Bawipa Jesuh naw, “Shin ah gup, shin ah ming cu a u ah gup, a u ah ming ah ang a kiak?” cine ng’shi gui ci. Ngami naw, “Ghangpughang ah gup, ghangpughang ah ming ah kyak ci nei” cine pyein ci gui.