THU PHLAAN 3:1 - Cho Bible Common Language 2016

¹ Sadis khrithabum ah khankho chang-am ca gu ne peit law nei: “Shin ah ca cu Khanpughi ah Mumcha pachih la aisi pachih ah om nak naw amcäi nak ah kyak ci. Nang ah bilawh cu kei naw ka hmat ci: Nang cu ghing ciah na ng’ming thang pang sei phi na sik ci.

THU PHLAAN 3:1 Referans Kwoze

1 TIMOTHI 5:6

Cun ung phi a om shek ciah hmeinu läi cu a ghin ung phi ak si ah kiak ci nei.

JAMES 2:26

Cun ah kyasei, mümcha kä om ciah pumsa cu ak si ah a kyak ah mäih ah, hnünthawh nak kä om ciah yum nak cu aksi ah kyak ci.

THU PHLAAN 1:4

Johan naw Asia khaw gawnu pachih ung khrithabum gui-am ca aning guk law gui cu; Zanta, tuhngawi, ngawi yä angtäi sei om ciah Khanpughi, amang kiang ah maa ah ng’tän ciah mümcha pachih la;

KOLOSE 2:13

Nangmi cu ayan, thukhän kä om ciah chang khui hei la cheishoh ciah chang ah nami kyak nak awn nami mümcha cu si te ci. Cun ung phi tuhbäi Khanpughi naw nangmi cu Bawi Khrit awn nami ghing khai ah ning khü ba gui ci nei. Khanpughi naw mi kat nak gui avan cu, nam gein gui pyi ci nei.

JUDE 1:12

Ngahmi cu kä lü ng’aa neh, ei aw plawihnai u ne, nami mang ei küikyang cu thang m’shet ci gui nei. Ngah mi cu ami mät ah hmawk bäng teng ci gui. Ngami cu khaw ah phi kä aa hlawt ciah, khawkhi naw a yon shüishüi ah khaw ng’mei awn täng ci gui. Kä m’theihpai sei, Khaw cingkhaw ah ang yung ah mawi ne m’shän ung chawng ne sik ciah singghing awn phi täng ci gui.

THU PHLAAN 2:19

Kei naw a i na bi cu ka hmat ci. Na m’hni nak, na bekhütnak, khuut na bi nak, la na hniimgei nak cu ka hmat ci. A htük ung na bi ah tah bä law pi ni law pi khai ah na bi cun phi ka hmat ci.

LUKA 15:24

Ka hta cu ayan asih te ung phi tuhbäi ghing ba ci nei, ayan a maih te ung phi tuhbäi hmuh ba pyi nei” cine akchang gui-am pyein ah gui ci. Cun kawn ah ngami cu ei aw ne yeikyai yawp ci gui.

THU PHLAAN 1:16

Ani cu akpat lam ah aisi pachih kawt ne, am gawng ung vangah-vei ghaat ciah khim lut lawk ci. A hmai cu hnüüp lunglai ung hni ng’liing ah mäih ah ng’shü ci.

EPHESIAN 2:5

ang thu kä ngaih nak awn mi mümcha a sih nak ung ka, Bawi Khrit awn a täng ah na ghin ba sak gui ci. Nang mi cu Khanpughi ah a gein nak bäng awn hun nak nami gah ciah kyak ci.

LUKA 15:32

Cun ung phi nang na nau cu ayan si te ci, tuhbäi ghing law ba ci, ayan maih te ci tuhbäi mi hmu ba ci. Cun ah kyasei mik mi cu mi yeikyai ne, ei awk nak mi bi püi ah kyak ci,” ci ne m’cäi gui ci.

EPHESIAN 2:1

Yanä nang mi cu ngaih she nak la shetkat nak ung mümcha aksi ah nami kyak ci.

THU PHLAAN 2:13

Nang a hawi na om cu ka ning hmat ci, nang cu satan ah kiaang ung na om ci. Bekhüt ciah ka chang Antipas cu Satan ah om nak ung ami ngawn yah ung, nang cu kei ung ng’düng ne na yum nak kä na nawng ci.

THU PHLAAN 1:20

Ka k’pat lam ka kut ung om sei na hmuh ah aisi pachih la ghui mei ng’düi pachih ah thuuk ciah a mawng cu; mei ng’düi pachih cu khrithabum gawnu pachih ah kyak ci, aisi pachih cu khrithabum gawnu pachih ngäng ciah khanchang pachih ah kyak ci.

THU PHLAAN 4:5

Mang kiaang ah kyong ung khaw lailäp ne ng’thüi ne ng’hmum kyeek ciah ak aw gui lut lawk ci. Mang kiaang ah maa ah Khanpughi ah Mumcha pachih ah kyak ciah mei im pachih cu däi ne khang ci.

THU PHLAAN 1:11

Acun ah k’aw naw, “Na hmuh ng’yak gui phung cu ca ung guh ne, Ephesus, Smirna, Perkamum, Thiatira, Sadis, Philadelphia, Laodicea gawnu gui ung Khrithabum gui-am na peit gui vai nei” cine pyein ci.

JOHAN 1:33

Ayan ung ani kä ka hmat man ci, cun ung phi tuihnim nak ka pek khai ah na tüi lawk ciah Khanpughi naw,” Khankho ah kaa Mumcha Theing kyum law ne, alu khan ah ngo law sei, na hmuh ah chang cu Mumcha Theing awn hnim nak pek khai ah chang nei,” cine ana m’thein pyi ah kya ci.

JOHAN 1:16

Ani cu m’geinsei nak awn kümbe ne, chang van tumat täi-am m’shumphyuk nak na pe gui ci.

THU PHLAAN 5:6

Cun kawn ah htomehta cu khiküi paphli la aghaampa gui ah ng’lung ah mang kiaang ah lai ung ng’düi sei ka hmuk ci. Ani cu küikyan nak vai ngawn pyi ah htomehta awn täng ci. Ani ung aki chih la amik chih om ci. Cun gui cu khomdek khan avan ung a tüih ah Khanpughi ah Mumcha chih ah kyak ci.

1 PETER 1:11

Cun ah m’gein nak cu a i ah khin ung, a i chaa ah gawk lawk khai ci cu ami hmat vai ah k’tha na man ci gui. Ngami ung om ciah Bawi Khrit ah Mumcha naw, cun ah khin ung a geinvai nak vai ah mawng la, cun kawn ah agawk nak vai ah bämang nak ah mawng cu ng’daut ne dang sak ci.

LAMKTU 2:33

Ani cu Apa Khanpughi ah ak pat lam ah ngawk khai ah tho ba neh, Khanpughi ah shaitak ah Mumcha Theing cu gah pyi ne tah, tuk bäi na mi hmuh ng’yak ah Mumcha theing cu mikmi ah khan ah yuk chah lawk ci.

JOHAN 20:22

Cun kawn ah Bawipa Jesuh naw ami khan ah phyuh theh netah, “Mumcha Theing cu dou vä,

JOHAN 3:34

Khanpughi naw a tüih law cu Mumcha awn pleip khai ah akbe ah kia ne, ani cu Khanpughi ah ng’thu bäng pyein ci.

THU PHLAAN 2:9

Kei naw na yaica nak la na geinvai nak cu ka hmat ci, cun ung phi nang cu akcang ah na ng’bühmang ci. Keimi Jew chang nei cik ci gui naw ning m’kat gui ne ami ng’thu cu ka hmat ci, ngami cu Jew chang ah kä kyak ci gui, Satan ah chang ah kyak ci gui.

THU PHLAAN 2:2

Nang ah bilawh cu ka hmat ci, nang naw a i hlawk ah nak tha nak, a i hlawk ah na ling k’tha la hniimgei nak a om cu kei naw ka hmat ci. Nang naw changshe gui kä na hniim gei nak gui hlawt la ang düihpüi ah kä kya lang ne, ana ng’düihpüi nei cik ci gui ah chang gui cu, ami hleeihlak dang khai ah nami k’tä gui cun phi kei naw ka hmat ci.

THU PHLAAN 3:2

Cun ah kyasei tho law ä, nang ung om ba ciah ghin nak kä a maih pha ung, nak tha be sak ä. Nang ah bilawh cu Kapa Khanpughi ah maa ah kä kümbe phak ciah kei naw ka hmuk ci nei.

THU PHLAAN 3:8

Nang ah na bi cu kei naw ka hmat ci, Nang ung hlüngtai nak api a om ung phi, kei ah m’thei cu läk ne kei ah khan ah na bekhüt cu kei naw ka hmat ci. Kei naw na maa ah m’kawt cu ka hnawng ci, cun ah m’kawt cu a u naw kä khai hlawt khai.

THU PHLAAN 3:15

Nang ah bilawh cu kei naw ka hmat ci, kei naw nang cu kä na ng’liing kä na khiing ciah ka ning hmat ci. Nang cu na ng’liing baw vai, na khiing baw vai, ah kei naw ka ng’ya hlük ci.