THU PHLAAN 22:4 - Cho Bible Common Language 2016

⁴ Ngami naw Bawipa ah hmai cu hmuk khai gui, ani ah ming cu ami m’calai ung guk pe gui khai.

THU PHLAAN 22:4 Referans Kwoze

THU PHLAAN 14:1

Cun kawn ah han teng ba netah Zion khomhtung khan ah Htomehta ng’düi sei ka hmuk ci. Amät ah ming la Apa ah ming ami m’calai ung ami guk ah chang 144, 000 gui cu ani awn a täng ah om ci gui.

MATTHE 5:8

“Am lung kyong theingthap ci gui yeikyai vä; Nangmi naw Khanpughi nami hmuk khai!

THU PHLAAN 3:12

Näng ciah chang cu Kapa Khanpughi ah pum im ung mang k’tung ah ng’düi khai, ani cu ngawi ah phi acun ungka kä ng’nawn ba khai. Kapa Khanpughi ah ming la Kapa Khanpughi ah khankho ah kaa kia lawk khai ah Kapa Khanpughi ah manggaw, Jerusalem gawnu k’thai ah ming cu, kei naw ani ah khan ah ka guk khai. Ani ah khan ah kei ah ming thai cun phi ka guk khai.

JOB 33:26

Ani a taigü ung Khanpughi naw m’shang khai, Ani naw yeikyai ne Khanpughi khawihnah khai, Khanpughi naw ani cu ayan ka ah mäih ah kyak ba sak khai.

HEBRU 12:14

Chang päng awn dimdeeih sei nami om vai ah k’tha nah vä, theing cim sei nami ghin vai phi k’tha nah vä, cun ah kä om ciah chang naw a u naw phi Bawipa cu kä hmuk khai nei.

THU PHLAAN 7:3

“Khanpughi ah chang gui cu ami m’calai ung kä mhnüt pha gui ah chuih, khomdek, tuinu la singghing gui cu, kä nami yaica sak-en gui cang vai nei” cine m’lau ci gui.

1 KORIN 13:12

Tuhbäi mikmi ah hmuh nak cu müi m’dang ci ung müi teng ah mäih ah kyak ci; cun kawn ah mik hmai ng’chum sei mi ng’hmu lawk khai. Tuhbäi kei ah hmuhmat nak cu kä kümbe ci, cun kawn ah, Khanpughi naw kei cu kümbe sei a na hmuhmat ah mäih ah, kei naw kümbe sei ka hmuhhmat lawk khai.

JOHAN 17:24

O Kapa! Khomdek kä ah ng’tüi pha ung nang naw na na peit ah bämang nak cu, kei-am nang naw na na ap ah chang gui naw, ami hmuh tu vai ah ngami cu kei awn na om sak gui ä.

JOHAN 12:26

Kei ah bi bi hlük ci naw ka hnu ah na läk khai, kei ah chang cu a hawi ka om ung phi kei awn a täng ah om tuk khai. Kei ah bi bik ci cu Kapa Khanpughi naw m’tamkhah khai nei” cik ci.

ISAIAH 33:17

Nangmi naw khaw khäm ne, khaw cawi avan ung gawk kaai ah bämcam ne uk ciah ghangpughang cu nami hmu law ba khai nei.

SAM 17:15

Cun ung phi kei naw ka ning hmu gui khai, kei cu chei khai ah a i kä ka bik ci; kei ka thawh law ung na na om püi nak naw kei cu na yeikyai sak khai nei.

ISAIAH 40:5

Bawipa ah bäimang nak cu m’than lawk khai, hnicim chang avan naw hmuk khai. Shin cu Bawipa amät ah shaitak ah kyak ci nei.”

SAM 4:6

Taigü ci chang akda om ci: “Hrilham ak dapi na pe gui ä, Bawipa. Na k’dük nak awn na teng gui ä!”

ISAIAH 35:2

Khaw ng’kiang khaw naw ng’äi m’cu ne, yei ne m’lau khai; cun cu Lebanon m’htung ah mäih ah kyom khai Karmela la Sharon kho ng’lei ah mäih ah anglei nik khai. Chang naw Bawipa ah bämcam nak hmuk khai, ani ah dämduh nak la huham phi hmuk khai.

EZEKIEL 33:23

Bawipa naw na ng’thu püi ci,

SAM 42:2

Ghing ciah Khanpughi, nang cu tui ah gha ne ka ning ging co ci nei. A i yah ung na ma ah hteit ne, ka ning khawihnah hlawt khai aw?