THU PHLAAN 22:3 - Cho Bible Common Language 2016

³ Khanpughi ah m’shetkat nak gah ci phung cu api ah phi cun ah mang gaw ung kä hmuh vai nei. Khanpughi la Htomehta ah mangkiaang cu cun ah mang gaw ung om sei, ak chang gui naw khawihnah khai gui nei.

THU PHLAAN 22:3 Referans Kwoze

MATTHE 25:21

A bawi naw, ‘Na bä ci, nang cu düng ciah changniah na kyak ci. Bi api ung nang düng ciah kyasei, bi ak däm cu ka ning ap khai, kei ah law ne kei awn a täng ah yeikyai ne na om khai nei,’ cine pyen nak ci.

JOHAN 12:26

Kei ah bi bi hlük ci naw ka hnu ah na läk khai, kei ah chang cu a hawi ka om ung phi kei awn a täng ah om tuk khai. Kei ah bi bik ci cu Kapa Khanpughi naw m’tamkhah khai nei” cik ci.

JOHAN 14:3

Kei cu hteit ne nami om nak vai pyang netah, law ba ne ka om nak ung nami om tu vai ah ka ning la law ba gui khai.

ZEKHARIAH 14:11

Chang gui cu phyawng m’htein ne om khai gui. Cun kawn ah tukthah m’dishum nak om ba khai.

EZEKIEL 37:27

Kei cu ngami awn atäng ah acu ah ka om khai: kei cu ngami ah Khanpughi ah ka kyak khai, ngami cu kei ah chang ah kyak khai gui.

SAM 17:15

Cun ung phi kei naw ka ning hmu gui khai, kei cu chei khai ah a i kä ka bik ci; kei ka thawh law ung na na om püi nak naw kei cu na yeikyai sak khai nei.

SAM 16:11

Nang naw ghin nak ah lam cu na nam shüm khai; Na na om püi nak naw yeikyai nak awn na be sak ne, angtäi hlimtui nak phi law püi ci.

ISAIAH 12:6

Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

JOHAN 17:24

O Kapa! Khomdek kä ah ng’tüi pha ung nang naw na na peit ah bämang nak cu, kei-am nang naw na na ap ah chang gui naw, ami hmuh tu vai ah ngami cu kei awn na om sak gui ä.

THULÄÄN NAK 27:26

“Khanpughi ah plah taam nak cu Khanpughi ah thukhän gui la m’theithang gui avan kä läk ciah chang päng ah khan ah gawk sä. “Chang avan naw ami m’shan vai cu, ‘Amen!’

EZEKIEL 48:35

Mang gaw ah akit phli ah paang avan ah ng’dawn ang ng’shäi cu, metre phia kaw-kip lawk ci. Tuhbäi ungka naw ngawi yä mang gaw ah ming cu, “Shin ung Bawipa om ci” ciah kyak ci.

ISAIAH 51:11

Nang naw na gun gui ah chang gui cu yeikyai u ne, ng’äi m’cu u ne, yei ne m’lau u ne, Jerasalem ung gawk lawk ci gui nei. Ngami cu angtäi sei yei kiai khai gui nei. Azä nak la thüi sei nak ung angtäi sei luat khai gui nei.

THU PHLAAN 7:9

Cun kawn ah teng ba netah a u naw kä ak khei yawp hlawt vai ah maw ng’nään khli ng’peeih cu ka hmuk ci. Ngami cu akhui päng, apa päng, a khaw päng, ak chang päng ungka lawk ci gui ah kiak ci. Ngami cu suinu a bawk bäng bäng sui u ne, hliip ah ng’baan kawt sek sek u ne, mangkiaang la Htomehta ah maa ah ng’düi ci gui.

THU PHLAAN 7:10

Ngami naw, “Hun nak cu mangkiaang ung gok ciah mi Khanpughi la Htomehta ungka lawk ci nei” cine m’lau ci gui.

JOHAN 13:32

Khanpughi naw abämang nak cu chang ah Htapa ung ang dang sak kawn ah chang ah Htapa ah bämang nak phi amät naw dang sak khai, atuhbäi acun cu bi law ge khai.